فعالية ضيف العزبة ( اليوم السادس )

راعي العزبة · 09-18-2007, 11:29 AM

السلااام عليكم ورحمة الله وبركااته

الضيفه السادسة

( نوسه )

بسم الله

الاسئلة شخصية

الاسم

ميمي

العمر

تم الامتناع من قبل الضيفة على الاجابة عن هذا السؤال لعدم معرفتها بعمرها الحقيقي كونها ولدت قبل وجود ما يسمى بشهادة الميلاد

الوظيفة

ربة منزل
فاضية لاشغل ولامشغلة

الهوايه

القراءة
السباحة وركوب الخيل بالإضافة إلى جمع الطوابع
<< برا

سبب اختيارك لهذا الاسم

أحوبوه ..
لأنه يشبه اسمي الصدقي

أسئلة عن شهر رمضان

1- ماذا يعني لك هذا الشهر (رمضان)

شهر أحس فيه بأني أقرب ما أكون لربي.
أحس فيه بانقياد عجيب من نفسي المتعجرفة.
أجد فيه تلاحما بين الناس.
ألحظ صفاء نفوسهم.
باختصار شهر أتجرد فيه من هموم دنياي.
لانستنكر هذا مادامت الشياطين قد صفدت.

2- صف لنا حياتك اليوميه خلال هذا الشهر ( من يوم تصبح الى ان تنام )

غالبا أقوم على الساعة 11 تقريبا أصلي الضحى وأقرأ قرآن وكيذا
وبعدين أصلي الظهر ونفس الشي أقرا قرآن إلى قبل العصر وآخذ لي غطة الى العصر
والعصر كله في المطبخ مع الماما وأخواتي
والمغرب جلسة مع الأهل.
وبعدين أروح أصلي في المسجد.
وبعد الصلاة أروح لطف طف والا تجيني.
وبالليل غالبا نجتمع مع الأهل .
ويكون لقراءة القرآن نصيب.
وبعدين نتسحر ونصلي الفجر وننام.
وبالعشر الأواخر غير.
غالبا بالنهار زي كيذا والليل أصلي التراويح وأتعشى وأنام وبعدين أقوم وأروح المسجد.
ونجي نتسحر ونصلي الفجر وننام.
وبعض الأحيان أحاول أجلس بعد الفجر إلى طلوع الشمس وأصلي وأخمد ..

3- هل انت من متابعي البرامج التلفزيونيه او المسلسلات خلال شهر رمضان - اذكرها

أبدا الحمد لله ..

4- ما الأكلة التي لا تفارق ما ئدتك خلال شهر رمضان ؟ وماهو مشروك المفضل ؟

سمبوسة اللحم
فيمتوووووو
القهوة

5-موقف محرج او طريف مر عليك خلال شهر رمضان ( من يوم ولدتك امك الى الحين بشرط يكون خلال رمضان )

مرة كنا نصلي التراويح وأنا بأولى ابتدائي / ب وتدرسنا أبلة رُقيّة
مالها دخل السالفة بس أبعلمكم اسم أبلتنا
المهم كنت أصلي أنا وبنت أخوي مع أختي الكبيرة
يوم سجدنا ومير تلتفت علي بنت أخوي قالت كم بقي لنا
عاد أنا التفت عليها وقلت ماينفع نتكلم بالصلاة
<< فاهية أوب صح

6- في بدايات تعويدنا على الصوم ونحن مازلنا كتاكيت صوغيرين
كلنا نتذكر صدمت الانقطاع عن الاكل والشرب لوقت معين
و لمّا الوالده تكرر على السحور : كُل زين . بكره مآفي أكل لين المغرب
كـان للبعض طرق في التحايل على هذا القرار
وله أيضا مخابئ سريه يلتهم فيها مايقع في متناول يده
أتحفنا - يالغاليـ ( هـ ) - بقائمه الملطوشات والمخابئ السريـّه لك وكيف بدأت تصوم؟

أنا بديت أصوم وأنا في أول ابتدائي
وعلى بال أخوي يبي يكافأني ووداني الظهر للسيفوي
وقال اشتري أي شي تبغينه وماخليت ولاشكل من أشكال الحلويات إلا وأخذت منه
ووخروا عن طريقي صايمة
وأخواني بس يناظروني يبون وماعطيتهم لأني صايمة بلحالي وهذي مكافأتي
عاد على بالي أبدخل للغرفة أوزي الحلويات إلى المغرب
ويوم دخلت ومير أشتهي الحلاو وماقدرت أقاوم وخاصة والباب مقفل
وأفتحه وآكل نصفه << مااستفدت شي بس جاني مر من الحلاو على فراغ
وأهم شي أداة الجريمة قراطيس الحلاو تحت الدولاب
وأطلع كأني ماسويت شي
بس كان ذاك اليوم شي مرتاااااعة إلى المغرب
هذا ومحد درى وشلون لو إنهم دارين

ومرة كنت بثالث ابتدائي وأختي صايمة يوم الاثنين
وقالت اللي يصوم معي أبي أعطيه شوكولاته = كاوكاو
عاد أنا قلت أبصوم عشان الأجر مب عشان الهدية وأنا ماتسحرت وقايمة من 7 وإخواني يفطرون وأنا مرتزة كاشخة بصيامي
وكلهم يشوفوني ويتحسفون على الأجر اللي ضيعوه
ويوم جت الساعة 3 العصرخلاص ما أشوف طريقي
جتني دوووخة من الجوع
وطحت على الفراش ويقولون لي أفطري ، قلت : لا وش أفطر والأجر << إيه ميخالف
بس أفكر بالكاكاو عيني عليه
قالوا إلا تفطرين ، قلت وربكم واحد لاتفكرون أنا مابي أخرب صيامي
عاد أختي عارفة لي جابت الكاكاو ورزته بوجهي
ومير أنسى الأجر والصيام
قلت جيبوا لي شي آكلة تذكرت إني ماتسحرت

7- ما السنه الرمضانيه المميـزه ؟ اذا كان هناك سنه رمضانيه مميز في ذاكرتك .
أخبرنا عنه في أي عام .ولماذا تعتبره مميزا .؟!

ما أدري أحس رمضان بحد ذاته مميز
مافيه عندي رمضان مميز عن غيره من الرمضانات

8- جربت تساعد الاهل بـ اعداد اطباق رمضان؟

لازم نطبخ إذا ماطبخت لأهلي من يطبخ لهم

9- شخصيه رمضانيه تحرص على متابعته ان كانت شخصيات مرحه او دينيه ؟

أبوي أكثر شي الله يخليه لنا ياربي

10- برامج افقتدت وجودها على شاشه التلفزيون خلال شهر رمضان الكريم؟

ما أتابع برامج تلفزيونية ..

11- شعوورك في بدايه شهر رمضاان ؟ وشعورك عند اقتراب النهايه؟

شعور لايوصف خاصة إذا جت صلاة التراويح ورحت المسجد
والعشر الأواخر يجيني شي مدري وشو أنبسط خاصة إذا جت صلاة القيام
وعند اقتراب النهاية أكيد أحزن
خاصة وإنك تحس بقوة قربك من ربك بشهر رمضان

12- شخص تدعووه لـ قضاء يوم رمضاني معك .. اختار شخص من المنتدى ومن خارجه؟!

من المنتدى : روري
من خارج المنتدى : جدتي أم الماما

13- للأعياد عند الصغار طعم خاص بهجتهم الخاصه وشقاوتهم الخاصه
العديد منـّا كان له تجاربه مع الالعاب الناريه في ليلة العيد إن لم يكن قبل !
سمـّعنا عن بلاويك مع الطراطيع والثوم وو .. " وعن استعدادك ليوم العيد وفرحك وبهجتك فيه!

مرة كنا ببيت خوالي رايحين نتعيد عندهم بسدير
المهم جدي كان ينام مبكر ومايحب هذي اللي يسمونها طراطيع
وجدتي نفس الشي ماتبي إزعاج
وبنت خالتي صغيرة ومعها نافورة وتبي أحد يشبّها لها
يقولون ماتطلع صوت بس نور
عاد أنا من يوم يومي رحومة وفدائية قلت أتهور وأشبها لها
منها تنبسط وبنفس الوقت محد داري عشانها ماتطلع صوت
وجمعت كل البزارين وقلت لهم خلونا نروح للحوش الثاني عشان محد يشوفنا
وجدي كان وقتها نايم وجدتي بالمطبخ
وطلعنا مع الباب الخلفي وحنا نسرق أعمارنا عشان ماتحس فينا جدتي
ومير أشبها والبزران طايرين من الفرحة وأنا داخلة جو وصارت تطلع ألوان وأصوات
وأنا مادريت عن الصوت المهم يوم التفت والى جدتي واقفة عند الباب حاطة يدها على خصرها وتناظرني وتبتسم ابتسامة فيها نوع من شي مزي الخبث بس أوب هو
كني أشوفها تقول ياشين الهبال
عاد أنا على بالي العاقلة عند خوالي
ومن الروعة يوم شفت جدتي
وأركض مدري وين أروح
أبي أنحاش لا أتفشل << كنها ماشافتها
وأركض للحوش الثاني والى جدي يقابلني قايم من النوم وجهه متفخ وعيونه طايرة
ومير أدخل النافورة بملابسي من فوق
وعيوني تدوووور من الروعة
بس أشوى مانكبتني وطلّعت شي صارت مخلصة اللي فيها قبل لايجي جدي
وبس

14- سؤال كنت تتوقع نطرحه عليك عن هالشهر وماطرحناه وجاوبه ؟

متى يأذن المغرب عندكم
لا من جد ..
كم مرة تختم القرآن في رمضان ؟

15- كلمه آخيره ؟
أحبكمـ كلكمـ بلحالكم << سطل مليان قلوب تنبض طربق طربق طربق مزي هذا

وبس أخذتوا من وقتي الكثير << مناك تكفين

نشكر الاخت نوسه على تفاعلها معنا وردودها الطويلة .. بديت اشك ان اللي يكتبون خواطر ما ينعطون وجه بالمقابلات << بتجيه نعله من طف طف ونوسه

M!sS Yaay · 09-18-2007, 11:48 AM

:

هلااااا و قلااااا

اقتباس:

القراءه
السباحة وركوب الخيل بالإضافة إلى جمع الطوابع
<< برا

نسيتي المراسله

اقتباس:

مرة كنا نصلي التراويح وأنا بأولى ابتدائي / ب وتدرسنا أبلة رُقيّة
مالها دخل السالفة بس أبعلمكم اسم أبلتنا
المهم كنت أصلي أنا وبنت أخوي مع أختي الكبيرة
يوم سجدنا ومير تلتفت علي بنت أخوي قالت كم بقي لنا
عاد أنا التفت عليها وقلت ماينفع نتكلم بالصلاة
<< فاهية أوب صح

لا يكون أنا بنت أخوك <----- جت الفاهيه الثانيه
ادري مو أنا .. أصلاً كنت سعنونه <----- تسألين ليه <----- مدري

اقتباس:

ومرة كنت بثالث ابتدائي وأختي صايمة يوم الاثنين
وقالت اللي يصوم معي أبي أعطيه شوكولاته = كاوكاو
عاد أنا قلت أبصوم عشان الأجر مب عشان الهدية وأنا ماتسحرت وقايمة من 7 وإخواني يفطرون وأنا مرتزة كاشخة بصيامي
وكلهم يشوفوني ويتحسفون على الأجر اللي ضيعوه
ويوم جت الساعة 3 العصرخلاص ما أشوف طريقي
جتني دوووخة من الجوع
وطحت على الفراش ويقولون لي أفطري ، قلت : لا وش أفطر والأجر << إيه ميخالف
بس أفكر بالكاكاو عيني عليه
قالوا إلا تفطرين ، قلت وربكم واحد لاتفكرون أنا مابي أخرب صيامي
عاد أختي عارفة لي جابت الكاكاو ورزته بوجهي
ومير أنسى الأجر والصيام
قلت جيبوا لي شي آكلة تذكرت إني ماتسحرت

ماااادري وش نبي يومنا صغارين

اقتباس:

أبوي أكثر شي الله يخليه لنا ياربي

...... إلى بتله

اقتباس:

من المنتدى : روري
من خارج المنتدى : جدتي أم الماما

نوستي
أجوبه إنما أيه
يعطيك العااافيه , وشكراً على وقتك الثمين

راعي عزبتنا
يعطيك العافيه mile35:
وعندي سؤال

اقتباس:

و لمّا الوالده تكرر على السحور : كُل زين . بكره مآفي أكل لين المغرب

ليه حاط ضمه على كل

<----- فراغ

:

**ابـو سـعـود** · 09-18-2007, 12:21 PM

اقتباس:

المشاركة الأصلية كتبت بواسطة راعي العزبة

[]

14- سؤال كنت تتوقع نطرحه عليك عن هالشهر وماطرحناه وجاوبه ؟

متى يأذن المغرب عندكم
لا من جد ..
كم مرة تختم القرآن في رمضان ؟

[]

الظاهر مكتوب جاوبه

معاناه جاوبي على سؤالك اللي سألتيه :Gul_020:

واخيرا

شكرا لك على المقابلة

% مشـــــاعل % · 09-18-2007, 12:31 PM

اقتباس:

5-موقف محرج او طريف مر عليك خلال شهر رمضان ( من يوم ولدتك امك الى الحين بشرط يكون خلال رمضان )

مرة كنا نصلي التراويح وأنا بأولى ابتدائي / ب وتدرسنا أبلة رُقيّة
مالها دخل السالفة بس أبعلمكم اسم أبلتنا
المهم كنت أصلي أنا وبنت أخوي مع أختي الكبيرة
يوم سجدنا ومير تلتفت علي بنت أخوي قالت كم بقي لنا
عاد أنا التفت عليها وقلت ماينفع نتكلم بالصلاة

هههههههههههه يا حبيلك بتكحلينها عميتيها

اقتباس:

8- جربت تساعد الاهل بـ اعداد اطباق رمضان؟

لازم نطبخ إذا ماطبخت لأهلي من يطبخ لهم

يا عيني يا عيني ايه هذي البنت السنعه .. طيب ليه ما تكتبين لنا فقسم البنات كم طبخه من طبخاتك الي تشوفينها مره مميزه

اقتباس:

كم مرة تختم القرآن في رمضان ؟

يسلموو يا قمر ..

Crazy in love · 09-18-2007, 12:32 PM

اقتباس:

أحوبوه ..
لأنه يشبه اسمي الصدقي

أهااا ..

اممممم يعني اسمك الصدقي خديجة << لعاد تفكر

اقتباس:

لازم نطبخ إذا ماطبخت لأهلي من يطبخ لهم

كفو يالسنع

اقتباس:

أبوي أكثر شي الله يخليه لنا ياربي

آآآآآآمين

مشكورة ميمي

F A I S A L · 09-18-2007, 02:19 PM

اقتباس:

أحوبوه ..
لأنه يشبه اسمي الصدقي

يشبهله ؟؟

أجل اسمك الصدقي شكلها نسمه .. لأن نسمه قريب نوسه ..

اقتباس:

3- هل انت من متابعي البرامج التلفزيونيه او المسلسلات خلال شهر رمضان - اذكرها

أبدا الحمد لله ..

عارفين هالشي .. المفروض السبهه ما سألك هالسؤال ..

اقتباس:

عاد أنا التفت عليها وقلت ماينفع نتكلم بالصلاة
<< فاهية أوب صح

ههههههههههههههههههههههههههههههههههههههههه

الزلابه طول عمره زلابه يانوسه ..

اقتباس:

نشكر الاخت نوسه على تفاعلها معنا وردودها الطويلة .. بديت اشك ان اللي يكتبون خواطر ما ينعطون وجه بالمقابلات << بتجيه نعله من طف طف ونوسه

والله انك صادز .. مس مس لا تحطها همااه؟

**نوسه** · 09-18-2007, 02:28 PM

اقتباس:

نشكر الاخت نوسه على تفاعلها معنا وردودها الطويلة ..

بديت اشك ان اللي يكتبون خواطر ما ينعطون وجه بالمقابلات << بتجيه نعله من طف طف ونوسه

العفو ياراعي العزبة ..

هزُلت والله ... أجل السعي للكمال صار نقص

بس المشكلة إذا كان الشخص اللي توكله بشي متعوّد على الإخلاص

هنا تقدر تلقي اللوم عليه تقول ليه تعطي بعض الناس وجه

يعني نفهم من كلام راعي العزبة إنا معد نعطيهم وجه إذا قاموا يسألونا أسئلة مزي كيذا

راعي العزبة دوكــ

mile35:

**نوسه** · 09-18-2007, 02:38 PM

اقتباس:

هلااااا و قلااااا

هلا فيك أكثر يابعد راعي العزبة

اقتباس:

نسيتي المراسله

يوووووووووووووه الله يذكرتس الشهادة

اقتباس:

لا يكون أنا بنت أخوك <----- جت الفاهيه الثانيه

لا أنتِ كنتي تعيين تصلين معنا << كبت العشا

اقتباس:

ماااادري وش نبي يومنا صغارين

من جد عليناحركات وأفكار مدري وش تبي من الحياة

اقتباس:

...... إلى بتله

إلى يوم الدين

<< أبلشتونا أنتم وأبوكم

اقتباس:

نوستي
أجوبه إنما أيه
يعطيك العااافيه , وشكراً على وقتك الثمين

الله يعافي قليبك يابعد راعي العزبة مرة ثانية

وأنتي لو تبين وقتي كله فداتس

اقتباس:

و لمّا الوالده تكرر على السحور : كُل زين . بكره مآفي أكل لين المغرب

ليه حاط ضمه على كل

وعندي سؤال بعد أنا

ليه ألف مافي كاتبها كيذا ( آ)

وإلا من باب الأمانة << مدري وش دخلها

يتكم تنتبهون لأخطاءكم بعدين تلومونا

مس مستي

mile35:

**نوسه** · 09-18-2007, 02:51 PM

اقتباس:

الظاهر مكتوب جاوبه

معاناه جاوبي على سؤالك اللي سألتيه

ما انتبهت والله

يعني هذا الشي الوحيد اللي لفت نظرك من كل المقابلة

اقتباس:

واخيرا

شكرا لك على المقابلة

وأخيرا عفوا على تلقيط العيوب

أبو سعود mile35:

**نوسه** · 09-18-2007, 03:00 PM

اقتباس:

هههههههههههه يا حبيلك بتكحلينها عميتيها

من جد .. وخري عن طريقي على بالي مثقفة

<< مدري وش دخل الثقافة

اقتباس:

يا عيني يا عيني ايه هذي البنت السنعه ..

طيب ليه ما تكتبين لنا فقسم البنات كم طبخه من طبخاتك الي تشوفينها مره مميزه

شعولة أخجلتي تواضعي

أبشري من عنوني أنزّل لكم إن شاء الله

اقتباس:

تسلمين ياقمر

الله يسلم قليبك ياعسل

ليتك تعطين بعض الناس شوي

شعولتي ::

mile35:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فعالية ضيف العزبة ( اليوم السادس عشر )	راعي العزبة	\|\| الخـــــزنـــــة \|\|	22	10-21-2007 02:47 AM
فعالية ضيف العزبة ( اليوم السادس و العشرون )	راعي العزبة	\|\| الخـــــزنـــــة \|\|	16	10-09-2007 03:10 PM
فعالية ضيف العزبة ( اليوم العشرون)	راعي العزبة	\|\| الخـــــزنـــــة \|\|	10	10-03-2007 05:22 PM
فعالية ضيف العزبة ( اليوم الثالث عشر )	راعي العزبة	\|\| الخـــــزنـــــة \|\|	24	09-27-2007 06:22 AM
فعالية ضيف العزبة ( اليوم الثامن )	راعي العزبة	\|\| الخـــــزنـــــة \|\|	16	09-21-2007 01:58 PM

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

فعالية ضيف العزبة ( اليوم السادس )

|| الخـــــزنـــــة ||