أنــآ يابنيتي واثقة فيتس !

السلام عليكم ورحمة الله وبركآته ,

إزيكــو , وإزي الروحات والجيات ..

أمس أقول لخالاتي خل نحط إعلان بالجريده , ( توجد عائله حايمتن

تسبدهآ , وطفشانه ولا عندهم عروس ولا شي , أي كروت زائده ,

روحات , جيات أرسلوهم على العنوان التالي


,,, المهم فأنا لا أجيد صياغة المقدمات , عذرا


نويت أعزم صديقاتي , وصجيت أمهم بذا لعزيمه اللي ماطاعت تجي

واتفقنا نخليها ايام المراجعه حقت الجامعه, بس تعرفون شغل

الدوافير قالوا لا , خلوها إذا عطلنا , قلنا طيب

قالت فطوم : لا أنا مافي أمل أهلي يوافقون , قلت طيب أنا بكلم أمك

قالت لا تحاولين ,

والثانيه عاد متملكه : قالت اصبرو لين أعرس , قلت فاضيلتس أنتي

ورجلتس أنتظركم لين تعرسون ومتى ترجعون من شهر البصل

,, لأن اصلا اهلها يعيون و حاطه أمل في زوج المستقبل


المهم اننا امتحنآ وجبنا العيد , وخلصنآ ياربي لك الحمد ,,

وجا اليوم المنتظر ,

تخيلو اللي عازمتهم يمكن 9 وماجا إلا اربع وبالحسره ,,

2 متزوجات ولو أنهم ماتزوجو مافي أمل يجون , و2 ربي سخر

أهاليهم بعد حرب وضرب وقولي لأبوتس وصجه ولجه وأهم شي

من يجيبنآ ( لأنها معروف قاعدة الشاب السعودي ,أنا مشغول
>>أكره هالكلمه

عاد سوير اللي متزوجه تقول \ قبل لآ أتزوج مافي أمل أطب بيت

وحده من صديقاتي حتى اللي الروح بالروح .. وأمها تقولها أنا واثقة

فيتس بس ولو !

جلسنا نناقش هالموضوع ,

وقال سوير \ أن في ناس إذا جو يخطبون قالو , فلانه والله نسمع عنها كثيرة روحات >>طيب وإذا

اللحين الزبده \ وش فيها إذا رحت لصديقتي أو طلعت معها مطعم

أو سوق !


طبعا ياحبايبي أنا أقصد الصديقه اللي ثقه ويعرف أخلاقها ودينها

وأهلك يعرفون أهلها , في الغالب , يعني أنا اللحين عندي صديقتي

من ايام المتوسط أروحلها البيت وتجيني ومره تسحرت عندهم في

رمضان , ونروح السوق مع بعض ونطلع مع بعض ,

بس محتشمات وحافظات أنفسنآ , وأمي تعرف أن صديقتي تدرس

في تحفيظ يعني ثقه ياربي لك الحمد ..

أذكر مره بالثانوي , جالسين نسولف مع المشرفه , وقلنا وش رايك

يآ أستاذه بروح اللحين لماك نتغدى , وطارت بهوتها مسيكينه ,

أقولكم ليش \ ماتوقعت أن بنات مصلى , ولهم دور فعال في

المدرسه , يصيرون راعين ذا لحركات ,

عاد قلت وش فيها يآأستاذه ساترين أرواحنآ وماعلينا من أحد !

بس أتوقع عشان كالعاده نظرة المجتمع للبنت ( مالك إلا بيتك )

وإذا صرتي راعية طلعات ورحات وجيات \ لا ومع صديقاتك خلاص

هذي داجه أعوذ بالله !

ووشسمه \ شفتو القهر عزمتنا صديقتي مشاعل يوم الثلاثاء

والمشكله عندي عرس نفس يوم قهههر
ــــــــــــ^^

اللحين وش رايكم في موضوعي الجميل , واعذروني على ركاكة الأسلوب >> أحسن درجه أخذتها بالبلاغه

عاد شسمه , بربرو فيذآ وكل مافي جعبتكم صبوه ^^

لين أرجع , ورانا حفلة نجاح

بحطلكم فائده ^^

سئل أحد الأشخاص عن عدد أصدقآئه فقال ( لا أدري الآن , الناس

كلهم أصدقآئي , لأن الدنيا مقبله علي , وإنما أعرف ذلك إذا أدبرت

عني )

موضوع قميل قداً

لي باك ع رواقهـ

والله موضوعك صحيح .. لكن ما خبرنا البنات يتزاورن ,, تقعد ببيت اهلها لين يجي رجلها وياخذها بعباتها



الحين ما بزيناكم ( استحملناكم ) في البيوت عاد نخليكم تنوسعون ( تخرجون من المنزل )

8




هالنوعية من الناس عقلية متحجرة ..!


لي باك اذا ذكرت


موضوعك بطل

شكرا على الموضوع الرائع

مدامني واثق باخلاقهن واخلاق صديقاتهن
فالله يساعدهم ويستر عليهم.

ومع ذلك فالبعض معذور حين يرفض
خروجهن بسبب ما نراه من تصرفات البعض
الغير لائقه اذا اجتمعن في الاماكن العامه.

تحيتي لك

آهليـيـن عقووزتنآآ
وش اخبآرتس ؟!

شوفي آذآ آهلهآ يعرفووون صديقتهآ وآخلآقهآآ وآهلهآ حتى آحسه عآآدي
بس فيه بعض البنآآت آلله يهديهم عليهم حركآآت مآلهآ آبو دآآعي
يعني مآ تلومين آهلهآ لو آمنعوهآ

<آذآ رحتي عند زوجك سوي آللي تبيين >
>>>>> هذي المقوووله يآآ آآنآآ آكرههآآ بقووووه

وآلمجتمع آحسه موب زي آوول منغلق بقووه تحسيينه آلحيين عآآدي شوي

عجيزتنا

وبه نستعين ..

ششوفي اختي عندنا بالمجتمع مششكله عويصه .. وهي ان يايجونك الاهل ماايدرون عن بناتهم انواع الدجه يارايحين لبيوت صديقاتهم او دوران بالمجمعات بدون حسيب ولارقيب والا يصيرون الاهل انواع التحجير ..

خاصا تجاه الصديقات عندهم جريمه اللي تزور صديقاتها

انا راي اذا صارت الام واثقه من اهل البنت وعارفتهم معرفه زينه وعارفه ان البنت اخلاق وثقه احس مافيها مششكله تزورها وتنبسط معها بس ماتتاخر عندها ..

ومفروض بين كل وقت ووقت تدق الام على بنتها تتطمن عليها وبس<< الاحتياط واجب

يسسسلممو يادلبوو

يبيلتس حبة رآس على هالموضوع

وشسمه << من آولهآ


آولن ودي آصفق دمآ رشآمل قهرنييييي


ثآنين آنآ مع آن الام تخآف على بنتهآ بس مآتصك عليهآ لآن الضغط يولد الانفجآر

<< مثل هذآ .. همين اذا انفجرت البنت الله يستر

وبعدين آذآ بغيت آروح لم صديقتي آبآخذ آميمتي معي آول مرآ شي ضروري

بس سوق ومطعم مدري آنآ آخآف اصلن لآزم معي محرم هع

وشسمه يآلبى خشمتس

آموآح << برآآإإع

مدام فيه من شاكلة دمار

فالحال دايم بيكون دمار

بس الحمدلله الناس تفتحوا
يعرفون وش يضرهم وينفعهم

والوالده تقدر الموقف والله يخليها دايم تلين
لكن بعض المرات ييبس راسه

موضوع يدنن