اسمحي لي .. بس ترا الي تسوينه يسمى "بجاحه" !!

ههههههههههههههههههههههههههههههههه عندنا وعندك خير


لي باك عقب ما اخلص اختباري الصعبي

رجعاااااااه <--- وهه ابلش يادمار بالبزر
صدز شكرن على التثبيت بس مالك داعي ماترجعه للحريم
يعني موضوع اجتماعي حساس جداً وجالسه أعرض قصص واقعيه جعل وجهك يلّحس
ومنسقته عشان يصير يناسب الحريم وكييذا

دمار انتظر رجعتك من الاختبار
عساه يثمر فيك همااه
يارب انه تدريسي لذا المتخلف يصير على اجر وكييذا
الله يصبر العجوز والله

ياختي احبك والله
فتحتي لي موضوع كنت كابته

اقتباس:

الموقف الأول - قبل يومين جتني بنت خالي وهي حاقده قالت والله يوم شفت وجه (فلانه) اخر يوم انه ودي الاي تافله بخشتها الحيوانه قلت وش السالفه ؟ قالت: ابد ماخذه كتابي على اساس بتخطط كتابها وتحل التمارين اللي ماحلتها .. ومارجعته الا ليلة الاختبار الساعه 8 الليل !! قلت : طيب متى هي ماخذته؟ قالت : قبل 3 أسابيع !! قلت : بدري توتس تستوعبين ان معها كتابس؟ قالت : لا والله اني من اخذت الكتاب وانا اقول لها رجعيه رجعيه يابنت الحلال رجعيه وكل يوم تقول لي بكرا ان شاء الله ارجعه بكرا .. ولين ليلة الاختبار وهي تب ترجعه !! حتى قلت لها اذا ماتقدرين انتي تجين ولا تبغيني اجي ارسل لك أبوي لو تبين عادي بس رجعي كتابي !! واذا دقيت عليها يامشغول ، يا مقفله الجوال !! يلعععن ام البجاحه !! بالله فيه ناس كذا ماتستحي؟! طبعاً بنت خالي ابد ابد ماحملت الماده و(فلانه) ابد ابد مانجحت بالمادة المشكله بجاحه مهيب طبيعيه مرسلتلي بالفيس بوك تقول : اختبري ذا الاختبار شوفي انتي تعرفيني والا لأ أهههه الله ينعنتس مرره نكته صدق ودي أبطحها وأتوطى بحووض بطنها طبعاً اقول لكم سالفة ذا البنت .. كانت معي بالثنوي ومريضه تعيش انفصام للأسف تسولف معي وفجأه ترسل لصديقتي رساله : تقول انتبهي من غيداااااء تراها وصخه اعنبو بليستس وش تبين من الحياة؟ وش سويت لتس انا ؟ المهم عدت السالفه وقلنا خلاص كبرنا وتخرجنا ونسينا السالفه ! جت بنت خالي هالترم قالت تعرفين (فلانه) انها تسلم علييييييتس مرره تقول سلمي لي على غيدااااا مرره انه وهـ بس ياحبيلها ! قلت يووه ياحليلها معتس وكييذا وبنت خالي على نياتها للأسف تحسب علاقتي معها قويه فـ وثقت فيها وعطتها الكتاب ! يعني صدق .. مهيب وقحه ذا الحركه؟ مهيب قلة حياء؟ يعني اخدمك واعطيك كتابي وبالاخير اكل تبن انا؟ حتى لو اني انا واختها ان شاء الله متهاوشين !! اخذت الكتاب ارجعه من بكرا او بالوقت المحدد موب أماطل ببنت الناس والا اللي تعطينها الكتاب وترجعه لك مشقق !! والله سلامات ياخاله وين عايشين !!

قولي لبنت خالتك في اردى منك
انـــا البنت أخذته نفس الشيء من ثلاث اسابيع
ولا رجعلي تخيلي

البنت لو تشوفونها مو بس تحبني الا كنها مجنونتي
كل ما مشيت جتني من بعيد و تصارخ عن بعض الاحيان افشلها
انو اصير أأشر لها انو بعدين بطلع اللحيين ولا وراي محاضره و متأخره
بس برضو تسوي هالحركات ولدرجه تروح تسلم على اللي يعرفني
حسي لدرجه البنات يقولون هذي مرره تحبك تخيلي لدرجه ادقق علي
تقول خل نأخذ نفس المواد اللي بينا مشتركه حسوو
المهم ماقدرت الا انو نشترك بالسلم و حتى هي زينت جدولي
عشان اصير معها بالسلم اخرتها اخذت كتابي ولا ترد علي
و اذا ردت تقول يوه والله حسب بالي فلانه عشانكم نفس الاسامي و تقول عندي ظروف
و انا اسلك المهم اخر شيء قلت لها انو خلاص لا ترسلين سواقكم
انا بجي اخذه منك بنفسي و تخيلو ماترد و ادق عليها من الجولات اللي
عندنا ولا ترد اخر ششيء رحت دبرت لي كتاب من وحده كانت صديقتها و كانت تقولي
انتبهي منها اقولها انتم صديقاتي و تهاوشتو صعبه اجي ادخل
و البنت اعرفها من سنتين ولا شفت منها ششيء استنكره فجأه سوتلي
حركه ابيخ منها مافي لدرجه كل ماتذكره انقههر انو تراه كتاب و انا كنت ابي اجي اخذه منها و اللي قهرني انو احكي معها بالماسن ما ترد تخيليوو :|
و اذا غيرت حالتي جتني تحكي معي امانه في ابجح
لدرجه اغير حالتي عشان أأكد لاختي و تسويها تجي تحكي معاي :| :|
و نجحت فيها بنت اللذيناااااااااا

اقتباس:

-الموقف الثاني- هذي الظاهر مااحد يعرفني ما قلت له السالفه .. من حرّن في قلبي السالفه صايره قبل 3 سنوات أو أكثر انا ووحده من صديقاتي اعرفها معرفه سطحييييه مرره كنا رايحين لحفله .. وبعدها دقت علي من بكرا : قالت غيدا لو سمحتي بكم طقم الالماس اللي عليك؟ قلت : مدري والله بس تبينه مايغلى ! طبعاً اقوله مجامله اصلن والا والله مااعطيها اياه لو تناقز المهم قالت والله عرس وحده من قرايبي وجاز لي وودي فيه ! قلت ابد ابشري من عيوني اعطيتس اياه بس رجعيه قلت خلاص ولايهمك اول مايخلص الزواج برجعه لك وخلص الزواج ، وخلصت الاجازة الصيفيه والبنت مارجعت لي اياه ودقيت عليها قلت يافلانه رجعي لي اياه اني احتاجه <---- فيفا شقراء رجعت لي اياه !! بس لو تشوفونه اول مره اشوف طقم ألماس مكسر كيذا طقم ألماس من المغضوب عليهم السلسال حقه كان دويره .. فكان مكسر مكسر مكسر ماادري وشلون اوصفه لكم بس شي فظيييع يعني ملعوب فيه ألييين قال آمين أشك انها كانت تنظف فيه جزماتها برضو هذي جزاتي؟ إني اعطيتس شي واقول لتس رجعيه ويصير ماعندتس نيه ترجعينه ! ويوم رجعتيه يصير بذيك الحاله والله يافيه ناس فيهم بجاحه مهيب طبيعيييه وجيه مغسوله بمرق

ودي اشوفها و هي تمسح فيه جزمها :|
انا صارلي موقف بفستان لي اخذته وحده اعرفها بس مدرسه
المهم جتني البنت قالت لي ممكن اخذ فستانك و ابيك ترسلينه لي لانو ابي افصل مثله لزواج اخوي و زواج اخوي قريب
فايلله يمديني قلت لها خلاص و عطيتها جت صاحبتها دقت علي و قالت لي انو
حتى انا ابي افصل مثله ممكن تعطيني اياه يوم و ارجعه قلت لها فستاني
عند فلانه قالت ادري بس داقه استأذن بس بأخذه يوم قلت عادي
و الله و جلس فساني فوق شهر ونص و يوم رجع ليته مارجع
مرره محيوس و اللي تحت عرفتو الكعب اذا دخل بالفستان وشلون يقطعه
و دقت علي تقول اسفه الخياطه خربته لي و غيرت في الموديل
قلت اهم شيء طلع شكلك زيين قالت اييه تسلمين
قلت فصلتيه نفس اللون قال لا ابيض و فستاني اسود
المهم رحت لوحده من البنات و فتحت ايميل صاحبتي و هي عندها
و حاطه صورتها وهي لابسه اسود مو ابيض :|
و شافتها وحده من صحباتي كانت حاضره زواج اخوها
بس كانت جايه من طرف العروسه و شافتها تقول لابسه اسود
يعني خربته و تكذب علي
احس من بعد هالسالفه ما صرت احترمها

اقتباس:

-الموقف الثالث - هذا الترم صار لي .. وحده بثررررره بثرررررره غثييييييثه نشبه معي بالجامعه قبل اختبار المد بربع ساعه جالسه اراجع واحفظ وتجي : غيدا ان صديقتي تقول لي يامصلتس وانها تقول لي كلي ** وانا صراحه حرمه كبيره وماابي احد يقول لي كذا واني مرره زعلانه عليها طيب انا وش يدخلني فيتس وفيها؟ معليش بس متى الميانه انتس تجين تفضفضين لي ؟ ولا ليته على وقت سنع بعد ! وبعدها تجي تقول ياغيدااا انتس تهبلين مرره اني اسولف على اخواتي عنتس وعن شكلتس وكييذا !! قلت جيبيها من الاخر وش تبين ؟ يعنني اسلوب قردنه عشان اخذ منتس اللي ابي !! يععععععووك وهمن تعرفون الاجازه اللي اسبوع اخر يوم كنت مداومه .. وجت قالت لي غيدا ان فيه ملازم السيمانتكس نزلت بالكوبي سنتر قلت والله ؟ قالت اي والله قلت خلاص بجلس اخاف تجي المعيده واذا جاء البريك بنزل قالت تبين اشتري لك ؟ قلت اي والله واطلع المحفظه عشان اعطيها الفلوس وتقول لي غيدا ممكن تعطيني فلوس لإني ماجبت وارجع لك اياها قلت طيب وعطيتها 50 وجابت لي الملزمه بـ 20 طيب ياخاله وين الباقي؟ سكت قلت هماها بترجعها وطوول الترم وانا انتظر هالثلاثين تجي ومعييه تجي ! وتجلس تسولف وكييذا وودي أخش بعينها اقول رجعي ثلاثيني يالبجيحه <--- بزر وفي ايام الاختبارات كان مع البنات اوراق رحت لمها وقلت فلااانه تكفين روحي صوري هالملازم من الكوبي سنتر قالت طيب هاتي الفلوس؟ انا يوم قالت كيذا قلت والله لأتبيجح ! قلت من الثلاثين اللي عطيتس اياها قبل اسبوع الاجازه ! قالت ياحليلك ياغيدا اثرك ماتنسين

هههههههههههههههههههههههههههههههههههه
ياقوي وجهها بنت اللذينا
و تقولك للحيين ذاكرتها فلوس ميين يامي


ياختي والله هالناس ما صارو يستحون
غسلوو الحياء



ولو موضوعك يستاهل التثبيت