اسمحي لي .. بس ترا الي تسوينه يسمى "بجاحه" !!

دماغ شامغ
ليتك تشوف دودي ولد خالي وهو يحتسي يلتغ لتغه شيييينه الضعيّف
يقول ذاك اليوم : انا قفغت عغى مشاعغ في غغفتها عشان اغوق "قفلت على مشاعل في غرفتها عشان اروق"

اقتباس:

على طاري اختباري الحمد لله حليت بس مدري عاد صح ولا خطأ لان بنت الكلب جايبه اختبار غريب .. يعني ما تدرين وش تبي .. انا حليت على فهمي للاسئله ونقول يارب .. لا تحرمينا من دعواتك

عادي القرامر ماصل يعني تذاكر وتحس انك فاهم مرره .. همن اذا جاء الاختبار جبت العيد
بس أزين شي انه في اي كتاب قرامر كتاب وورك بوك
يعني اذا حليت الاسئله وذا .. رح لكتاب الوورك بوك وحل الاسئله وتلقى كلش ورى

اقتباس:

انا على طاري الاخويا اللي يسحبون .. انا مره عطاني واحد مذكره ( البنات يسمونها ملزمه ) المهم من بكره وهو داق علي جبتها .. قلت لا عطني يومين بس << الكلام كان بداية الترم يعني ما فيه اختبارات ولا كوزات الزبده دق علي بنفس اليوم .. قال لا تنسى تكفى ابيها ضروري ,, قلت اوكي الحين بروح اصورها ,, لعلي انشغلت شوي وما قدرت اصورها ,, جاني من بكره في المواقف ,, هاه خلصت منها ,, انا قفلت معي وقلت له ايه خلصت منها وعطيته اياها وانا ماصورتها ,, المهم انه جاني بعد فتره اخذ مني كتاب والله جديد يا ناس حتى اني من كثر ما كنت محافظ عليه ما كنت اطلعه من البيت << طيب ليش شاريه

يالله على الطعمونين دماغ عادي تصير صديقي؟ انتظر سنه او سنتين ان شاء الله وانا هناك احضر الماستر
اصير اعطيك كتبي <-- ياشين اللي فاهم الماستر غلط

اقتباس:

المهم مالكم بالطويله .. جاني بعد ما خلصت الماده وطلب مني الكتاب ,, انا ماكنت ودي اعطيه اياه عشان حركته ذيك ,, بس قال لي بيصور بعض الصفحات وبيرجعه ,, عطيته اياه والله اني اذكره زي الورده رجع لي حالته صعبه ,, طبعا انا ما قلت له ليش سويت كذا اخذته و ما كلمته ,,, وكان معي واحد خويه الروح بالروح رحت قلت له السالفه عشان يوصلها له .. تدرون وش سوى صديقي اللي خرب كتابي .. من البجاحه جاني ياخذ كتاب حق ماده ثانيه .. طبعا انا قلت له اني عطيته فلان الفلاني .. ومن عقبها وحنا علاقتنا سلام وعليكم السلام

احسن لك والله
بجيح ذاك الأدمي يعني مثل مااستلمت الكتاب نظيف رجعه مثل ماكان
قد عطيت كتابي وحده ورجعته لي وحاطه عليه ورقه صعنونه : مشكورة غيود الله يجزاك خير ومدري كلام مدحي ياحبيلهم ذا القصمان موب مثلكم يااهل سدير

دماغ دوك م9 <- ورده ترا

السوري

اقتباس:

بصراحه هالمواقف تحصل لكل واحد ومرات من اقرب الناس .. واعتقد برود او سذاجه بس لمصلحتهم لازم نصارحهم .. يعطيج العافيه على هالطرح الحلو والفكاهي .. ومبروك تغير استايل المنتدى > توها تشوفه وعاجبها

الله يجزاج خير حوبتي قلبتي وهذا من ذوقج اختي
الله يبارج بعمرج .. واذا تبين اغير الستايل غيرته لعيونج حبوبه
اندوج ب1

شكلي ابسير على موضوعك كثير من كثر المواقف الي تصير


هذي سلمك الله ايام زواج اختى .. وايام حوسه الفساتين وتعرفين اخت العروسه يعني تتعبين على بال ما تحصلين شي حلو والي على مزاجك المهم دخلت فستاني عند الخياطه وكان معه اشياء زي الحزام واكسسوارت الحزام وتكسرت رجولي على بال ما لقيتهااا ..

البوينت وين .. وانا اودي الاغراض عند الخياطه واعلمها حطي هذا هنا وسوي هذا كذا .. الا تجي وحده من زباين المشغل وتقلب في قماشي وتقلب في اغراضي ولاحظي من غير استأذان المهم خليتها انا وقمت اكمل شرحي شوي تسالني الحرمه من وين القماش ومن وين اغراضك كلها قلت من المحل الفلاني وقلت لها لاصدق مانيب اجحد انا

شوي وتقولي طيب تعطيني اياهم وتروحين تشترين لك من جديد سلاماااااااااااات

عطيتها نظره زي الي وش تبييين من الحياه انتي وتوكلي تراني مانيب رايقه لك ما صدقت اشتري .. قلت لا معليش اسفه .. قالت وراه انتي تدلين المحلات وتعرفين غرضك قلت معليش بس اسفه واتوقع المحلات مب غريبه واماكنها معروفه ..

طبعا انا خفت وجلست اوسوس وقلت شكله بيصير بعينها ويمكن يصير فيني شي ورحت وقريت على فستاني لووووول وواول ما خلص والله كرررهته وسويت مناحه لاهلى المهم اني تعوذت من ابليس ولبست فستاني وما صار فيني الا العافييه

بصراحه بصراحه

No Comment

مأقد مروا علي زي هالناس او قريت عنهم


معقوله فيه ناس كذا


الموقف الثاني ,. إذا جت وحده طلبت شيء زي كذا و رجعته بهالشكل
دقيت و عاتبتها شوي x]


ماقول غير الله لا يبلانا


عــووووآأإأآأأفـي .,!َ~.

شكشوكه

اقتباس:

لآ لآ لآ منتي بصآحيه وش ذآ لعنبو ابليسك فطست

اسم الله على قلبهم
بسم الله عليس من الفطسه ياحبيلتس
<- ازين شي اذا قمت الصبح مروقه احس اني احب كل العالم واني انسانه مفيده ومنتجه
بس لاتجي الشمس وتخرب برستيجي هماه <--- تسمعيييييين بالبرستيج

اقتباس:

قولي ميد آمتس آني دعيت عليهآ << بتتصفق

من ثادق والا حوطيه؟ اعترفي
صديقتي توها جايه من حفلة .. تقول اني يوم كنت عند الكوفيره ناس يقولون قولي لميدها وميد وميد وكييذا وجالسين نضحك عليهم <-- يالليل السواليف السقيمه بععد

اقتباس:

وشسمه يآلبى خشمتس والله موضوعتس بطل شوكرن لييكي ويآعيني عليكي

لبى كلتس البطله انتي يابعدي
بس تقولين مره ثانيه الجمله الاخيره فقعت وجهتس ! ترى موب كل يوم بجي اقول لتس لبى قلبتس اذا قلتي لي هالجمله الاخيره لإنتس حومتي تسبدي مع اني احبس مرره بس مدري وش بلاي

شكشوكه .. دوتس ب1 بس رجاءاً كوني بخير

ههههههههههههههههههههههههههه

غيدا والله موضوعك ع الجرح ..

اللي ماخذه الالماس ..من جد بجاااحه ..وش تحس فيه هذي




مره وحده اخذت مني فستاان ..جلس عندها 3 شهوور ..ولما رجعته لي قالت تصدقين مالبسته ابد

تخيلوا 3 شهور ومالبسته مدري وش كانت تسوي فيه ..



واذكر بنت عمي ..طلبت منها صديقتها فستان سهره حق زواج اخوها مرره كان فخم الفستاان ومتكلفه عليه ..المهم اخذته صديقتها وجلس عندها فتره طويللله ..والله انها رجعته ..شكله مدري كيف اوصفه لكم تعرفون لما تشيلون ملابسكم على تحت يعني فاصخه الفستان من تحت وماسكرته ولا شي ومرسلته لها كيذاا

يعني تخيلوا شكله ..بنت عمي حامت كبدها قالت والله ماالبسه مره ثانيه ..


انا مره ..وحده من القاعه اخذت دفتري بتصوره ..رجع لي صفحات مشققه من جد قهرتني ..


اذا جا ببالي شي جيت اسدحه هناا


غيداء

نوساااااه حبيبتي الانترنتيه

اقتباس:

موب زي البنت اللي داقه علي تقول : أستاذه ليش أنا راسبه قلت : أنتي حاّله زين وإلا لا ؟! قالت : مدري ، بس البنات يقولون يمكن إنك ماصححتي وجع 4 أيام عاكفه على دفاتر الإجابة ، لدرجة إني كتوفي عورتني أسبوع عقب التصحيح وآخر شي ماصححت <-- جازت لها يعني لو كاتبه شي ميخالف ، بس يجي دفتر الإجابة كلمات متقاطعة وإلا فاضي وتبي تنجح ما أقول إلا .. ياشين الطالبات إذا عطيتهم وجه

هههههههههههههههههههههههههههههههههههههههههههههههههه ههههههه
ياحليييلتس مدرسه والا معيده والا وش وضعتس
ذكرت مره دكتور يدرسنا وكييذا وناقصه عنده درجه المهم كلمته قلت له دكتور اني انا فلانه الفلاني طالبة مووجتهيدااااه وناقصه درجه ليه تنقصني درجه ابد ماخشيت بعينه
جلس يضحك .. عاد بالفاينال كتبت اسمه د. فلان الفلاني وكييذا وجبت عنده أ+
بس صدق حيوانه انتي ماتصححين؟ <-- والله من زين الاسلوب بعد

اقتباس:

ليه موضوعك يلامس الواقع <-- لأمتس

ب1 لأبوتس

برب برجع اذا طلعت الشمس طلعه قويه ان شاء الله

دمار شامل أقين

اقتباس:

نوسه انا ملاحظ انك تحبين تسقطين البنات .. اتوقع انك تبين تفرضين شخصيتك عندهم

يابن الحلال ماتصحح الأوراق وتقول البنات ماينعطون وجه ! <-- نوسه حبيبتي الانترنتيه غمضي هماه
دمار تكفى صر صديقي أحسك من النوع اللي مخفه ينلعب عليه خلاص لاعاد ترجع الا بعد سنتين هماه؟
حتى لو مادرسنا سوا كيذا نجلس ناخذ من بعض فلوس ونتسلف من بعض
بس والله خويك اليم خش بعينك ماعنده يمه ارحميني

نو ون

اقتباس:

اجل فيه واحد ابوه مرمي بالمستشفى 6 شهووور ولا درى عنه..! يوم مات راح لخوانه علشان الورث..! حتى العزاء ماكلف على عمره ماحضر الا اليوم الاول

وجعععع
قمة الوصاخه والدنائه هذا موب بجيح
هذا قليل أدب <- يالبى الذوق
خذي ب1 تعالي قوبل هماه


احلى بنوته

اقتباس:

هههههههههههههههههههههههههههههههههههههه تستاهلين ماجاااااااااك اجل طقم وشوله تعطينه احد

ههههههههههههههههههههه خلاص والله توبه اصلن اللحين ابشرتس خلاص صرت بجيحه
لو احد يقول لي ابي شي اقول لا والله معليش امي تحتاجه !

اقتباس:

تعجبيييييييييني ذا النوعيه يبي لهم نوع ابجح منهم ياربيه على ذا الناس فيهم بجااااااااحه مب طبيعيه ليتهم يعدوني شوي غيدااااا

ايه خصوصاً بعد اني متوحمه على البنت بشكل مهوب طبيعي
تخيلي تدق علي أكثر من 10 مرات في اليوم وما أرد عليها من زود الكره يععععع اكره حالات الكراهه ذي
احلى بنوته دوتس ب1

مشاعل

اقتباس:

انا بعد ودي اصير بجيحه واطالب بحقوقي انا حتى لو معزومه لازم احط مدري فيني طبع مااحب اصير ثقيله على احد

شوفي خليها قاعده بالحياة : اللي قدامك بجيح .. أذن انا ابجح منه ! وخذيها قاعده
والله تمشي كويس وماتحسين انك بجيحه ابد يعني اذا هي بجيحه ومااحترمت نفسها لاتحترمينها !
موب ملزوم علي أحترم وحده مااحترمت نفسها

اقتباس:

المهم شكلي ابسوي زي وحده من البنات لمن يجي طاري الفاتوره تقوم للحمام وانتم بكرامه على اساس بتغسل ويكون الحساب اندفع وقضى يعطيك العافيه حبيبة البي

ههههههههههههههههههههههههههههههههههههه احس مايسوي هالحركه الا الرجاجيل
تسلمين قلبتي حبتي دوتس ب1
مشاعل كوني كما انتي لاتتغيرين هماه <<- باللهي ماخقيتي؟

مشاعل اقين

اقتباس:

عطيتها نظره زي الي وش تبييين من الحياه انتي وتوكلي تراني مانيب رايقه لك ما صدقت اشتري .. قلت لا معليش اسفه .. قالت وراه انتي تدلين المحلات وتعرفين غرضك قلت معليش بس اسفه واتوقع المحلات مب غريبه واماكنها معروفه .. طبعا انا خفت وجلست اوسوس وقلت شكله بيصير بعينها ويمكن يصير فيني شي ورحت وقريت على فستاني لووووول وواول ما خلص والله كرررهته وسويت مناحه لاهلى المهم اني تعوذت من ابليس ولبست فستاني وما صار فيني الا العافييه

هههههههههههههههههههههههههههههههههههههههههههههههههه ههههههههههههههه تدرين يمكن لو انها قالت لي كيذا يمكن اعطيها
مدري حسيت شكلي غلط وانا اقول لها لأ .. لإني مااعرف اتكلم يااقول لها لا ياعومري .. والا طيب يفداتس
ماشاء الله عليتس عنده سرعة بديهيه
على طاري المشاغل .. مره رايحه اقص شعري انا وصديقتي المهم وانا واقفه بدق على السواق اشوف وينه وجت وحده
قالت : ترا فيه سجاده وجلال كانك تبغين تصلين .. قلت لا شوكراً البيت قريب بصلي في البيت
همن قالت : طيب ممكن اسألك؟ قلت : سمي؟
قالت : شوفي شعري ومكياجي حلو؟
كتمت ضحكتي يعني معليش من متى المعرفه ؟ وحتى لو كان شين مثلاً بقول لتس لا والله مرره شين ؟!
قلت لها : الله مرره شي ! <<---- يالبى الذوق ياغيدا
قالت اذا شفتيني من تحسين؟
قلت مدري ! وضحكت ضحكه خفيفه
قالت : انا مرت عم العريس تعطيني مرت عم العريس؟
قلت ايه مرره <-- ودتس احياناً تسكت

مشاعل دوتس ب1 م9