الحمدلله اني مو [ جــوال ] !!

@ بسم الله الرحمن الرحيم @

كيفكم واخباركم وعلومكم ان شاء الله كل ابو دايم وانتو كويسسين << ماخلت شي

اليوم اللي هوامس طبعا << بدينا بالخنبقه

الموهيم مالكم بالطويله يااصقيقائي الاعزاء

اختي وهي راجعه من الاختبار جتني وهي متحمسه وحالتها صعبه وتصحيني من النوم << طبعا

الاخت عطلت وتخرجت ابششركم وحصلت على شهاده البكالوريس


ايه ششسمه وجتني وتناديني وانا اللي اصحى واطير عيوني وش السسالفه << طبعا الكشه على ارتفاع ميه وخمس طعش سم كيلو بالساعه

قالت فاااااااااااااااااتك قلت وشو من اللي مات << متعوده على الروعات

قالت اليوم بالمدرسه لماطلعنا من الاختبار تونا طالعين من اللجان الا والمراقبات والمدرسات

يجمعونا ويقولون يلا كل وحده على طابورهاا <<

وجمعوهم الطالبات والمدرسات والاداريات والمراقبات والخادمات والهندي حق البقاله

المهم يوم جمعو امه محمد الا والمديره حقت المدرسه طالعه ومعها مراقبتين وطالبه << يالهوي

وجات المراقبتين وكتفو الطالبه وجت المديره معها مقص اكبر حجم << حق الشجر الظاهر

وتطلع جوال بيدها وتكسسسر ابو ابو ابو ابوه بالمقص حطته على الطاوله وانهالت عليه ضربا لين

مابقى الا رقم 3 بس

ويقال ان المديره حصلت صور للبنات ولجدارن المدرسه << الله عاد من زين الجدران

تصور البناات ليييييييييييييييه ؟؟؟؟

هذا هي السالفه سردتهاباسلوب فكاهي شوي علشان يسهل وصلها لكم وايضا لتكون مليئه

بالتششويق << اووت بس

طيب انا بصراحه لما صحصحت من النوم وركزت بالسالفه قعدت اقلبها براسي واقول هل صحيح تصرف

المديره تصرف حكيم او العكس واذا كان العكس وش كان مفروض يكون عقاب الطالبه !!

انا بصراحه لي وجه نظر بالسالفه بس حبيت اششوف رايكم بالسالفه من كل النواحي ؟

وهل فعلا تصرفها هذا راح يكون عظه وعبره لكل طالبه حضرت الموقف ؟

اتمنــــــىا القى تفاعل يالبى قلوبكم

حتى لو شفتو السالفه تافهه بنظركم ردو علي لاني بصراحه اشششوفها ابداااا موتافهه ,,

دمتم بود

بقلم / اختكم فانيليا بالشقليطه

فآنيليـآ / شكرآ ع آلموضوع !
بدآيه حلوه

: )

/


أول شي تصصرف آلمديره خطـأ !
لأن مآ فيه قوآنين أو تعليمآت ، إن آللي يلقون معهآ جوآل تروح آلمديره تمسكهآ وتكسر آلجوآل !
وبعديين مفروض عآقبتهآ بـسحب آلجوآل ، ويعلمون ولي أمرهآ ، وهو يتصصرف ، طبعـآ تنمسح آلصور ، لكن خطأ إنهآ تكسسره !

بسس مآ أشوف إنه صآر عظه وعبرّه، لأن أقدر أشتكي عليهآ بـ تصرفهآ هذآ ويعآقبونهآ ع تصرفهآ آللي هو تكسير آلجوآل ، لأن مآلهآ أي حق تكسره !


رد مختصصصر جدآ !
وشكرآ لك /

اشوا اني يارب الحمد لله منب مدير .. آجل بنت وجآيبتن جوال معها ولا وبعد إنها مصوره فيه داخل المدررسه . انا اشوف انه اقل عقوبه هذي والله .. ياناس وربي عيب ياخي طيب وشوله التصوير .؟ علشان تفضح بنات خلق الله .. ياخي هذي ان كانها على كلامك انها مصوره البنات والبنات مايدرون تسمى مفسسده .. لانها انتهكت اعراض ناس
مآ ودي آطولها وهي قصيرر بس آني آشوف انه تحضر ولية آمرهآ وتعاقب البنت بعقاب اشد من آن يكسر الجوال

تحملوني على الرد بس شي يقهرر .. تخيل آن بنت مصوره آختك وهي مآتدري وش تبي المدرسه او الجامعه تسوي بس تكسر الجوال .. آتوقع صعبه .. حتى إنت يالواحد تبي رد إعتبار

مشكوره على مثل هالمواضيع .. وللنقاش لي عوده

الا متى وحنا نسخدم جوالات الكميرا الاستخدام الغلط ..

تصرف البنت ما يختلف عليه إثنين انه غلط .. خصوصا اذا هي ماخذه الصور من غير علم البنات

ومن الخطا إن السالفه تمر مرور الكرام .. طبعا يقولك من أمن العقوبه اساء الادب

لازم تكون فيه عقوبه .. انا لو مكان المديره ابكسر راسها مو بس جوالها لان المديره اكيد ما تصرفت التصرف هذا الا لانها راح تتحمل المسؤليه كلها .. وطبعا راح ابلغ اهلهااا .. واتوقع لو شفت صور لبنات المدرسه كثير ممكن افصلها كم يوم عن المدرسه وتكون عظه وعبره لكل بنت في المدرسه ..

ثانكس شوقلطيه

السلام عليكم ...

بصراحه بغض النظر عن ان البنت جايبه جوال , ومصوره فيه , ( طبعا هي غلطانه وتعاقب !

لــــكن المديره مالها أي حق انها تتصرف عالتصرف , وأبد مو علأآج ! يعني يقالها عظه وعبره للغير , بصراحه تصرفها قلة أدب

ولا المفروض أن البنت ياخذون جوالها ويستدعون أمها \ تعاقب بأي طريقه غير هذي الطريقه !

أستغفر الله قسم عندنا سلوكيات بالمدارس تحوم التسبد وللأسف من اللي ينظر لهم أنهم قدوم مديره , مراقبه , مدرسه وهم يبغالهم دورات في التعامل !

شكرا فآنيليآ ^^

اي مخالفه لنظام يستوجب العقوبه
واذا ارتبطة المخالفه بجنحه اصبحنا امام جريمه.

اذا تم منع الدخول للمدرسه بالجوال، ومع ذلك لم تمتثل الطالبه
فهنا تقع العقوبه نتيجة عدم الامتثال للنظام....
ومن الممكن ان يستدعاء ولي امرها ومنقشتها واصدار العقوبه المناسبه
على حسب حجم المخالفه.

اما اذا ارتبط مع مخالفة الدخول بالجوال تصوير فنكون امام جريمه تستحق الطالبه الفصل نتيجه للاثار المترتبه على التصوير فمعنى انتشار مثل هذه الصور ضياع وتهديد وقد تصل الى الابتزاز للبنات ومن ثم ضياع سمعتها وتحطمها......

ان ما قامت به مديره المدرسه تريد ان تثبت للجميع
ان الطالبه التي قامت بالتصوير تم اتلاف جوالها امام الجميع
فهذا من الحلول الجيده لانهاء الموضوع،

وللمديره تصعيد الموقف بتحفضها على الجوال والرفع بالطالبه
ومن المكن يتم فصلها وهذا قد يضيع مستقبلها.....

ومع ذلك فقد اختاره المديره الطريق الاسلم للمحافظه على سمعت الجميع.

تحيتي لك

موضوع يستحق النقاش...

بصراحه اللحين البنات مايأمنون ابدا ...كم مره نسمع ان المدرسه الفلانيه مصوره وان الجامه الفلانيه صورت
واي عقوبه على البنت اللي مصوره بنات .. تستاهلها..

وانها تكسر جوال بنت مايكفي.. لازم يسون لها مجلس تأديبي ولا تفصل...

هاذي عن اللي مصوره بنات اما اللي جايبته بس ماصورت...ماتوصل للفصل.. بس لها عقابها

هذا رأي الشخصي...



فانيليا..

موضوعكـ روعهـ .. تشكرين عليهـ..
ومبروك التخرج...

..
..