والخاص حق فيصل يشهد

مدخل/
طفا عندكم الكهرب؟؟ هذي العبارة اللي صرنا نسمعها كل مادق التلفون بدل وش اخباركم ؟ وش علومكم؟؟ خخخخ
والكهرب عندنا حكايته تحكيها ريحتك اذا قعدت من الساعة 2 الظهر إلى الساعة 5 العصر بدون كهرب
انواع الخياس خاصة اللي توه راجع من الدوام اوووووووووووووووووف
يرجع بينام يلقى البيت بدون كهرب
بس ابشركم الحين هوايتي أتروش..
من كثر ما اتروش جلدي بدا يتحتوت خخخخخ

ياحلال عيني مبطية ماجيت افقش عليكم
لا عاد الصراحة قبل ابدا اهذ المسباح اليوم بقولكم نقطة مهمة
وهي ان هالمواضيع اللي اكتبه مافيها شي من الخيال
كلها واقع اعيشه وانقله لكم كما هو
عشان كذا قنو اللي قدامكم هالحين هي نفسها قنو على ارض الواقع
الا اللهم اني املح من الفيس اللي انا رازته بصورتي الشخصية
..
وش اللي خلاني اقول كذا؟ لاني احس الدنيا ماشية معي عكس
يعني وين مااطقه عوجاء
والخاص حق فيصل يشهد
ياما جبت العيد فيه
المهم بقولكم سالفتين
كل ماتذكرتهن صرت مثل الفيس هذا
قبل اقول السالفة/
نسخة من الموضوع إهداء لاخونا الثقل / sky
ودي اعطيك سطل فهاوة مني (حتى تدرك معنى الخبال الحقيقي)
نرجع لموضوعنا/
السالفة هذي فيها أكشن ماحصلش
رحت مع اختي (أم القلنقس) للبنك
وبما اني داجة امس الضحى فأكيد اللي تبي البنك اختي وانا كومبارس
والصراحة مااحب اروح لأماكن مشبوهة زي كذا يعورني قلبي
بعد ماخلصت اختي شغلها قالت / دوري احد يرجعنا------هذي بالنسبة لي عبارة الموت لآني بخسر أقل شي 15 ريال عشان ألقى أحد يرجعنا للبيت
وامسك القائمة:
ابو شكيب غير موجود بالخدمة مؤقتاً
ابو رمش حتى لو لقيناه مافي أمل يجي ياخذنا توه راجع من دوامه
باقي زورو حقنا ( ابو مقص)
دقيت عليه واثر الماخوذ نايم وقومته يعني عادي لو بيده ام خمس فرمني بها
بس ياعين حيي قال لي/ كولي تبن هذاي جاي
الحين لازم نقعد نتحرى على الأقل ثلث ساعة لين يجي
قلت لاختي : مانب داخلة انتظر داخل حر وكتمة(الصراحة مهما كان اراعي شعور بوكي المنشق)
وبهاللحظة دقت علي وحدة من زملاتي بالمكتب
وانا من النوع اللي اذا دق جوالها نست الدنيا باللي فيها
وارد على البنت واقعد اسولف انا واياه ومع السواليف بدت يدي تتفاعل مع الموضوع وترتفع وتنزل..
وانا قاعدة عند بوابة البنك--(اقولكم نسيت نفسي)
وعشان تتصورون الموقف صح
قاعدة أقول:
ايه الله يعافيك..
الله يجزاك خير..
ماقصرتي..
مع تحريك اليدين----تمارين صارت
لمحت وانا في معركة المكالمة بزر مع ابوه طالعين من البنك
الولد وقف يناظرني هو وابوه شوي وجاء الولد عندي وقف وراح
وانا ماسكة خط إلى الآن
وتجي اختي وتجلس جنبي وتبدأ تضربني مع كتفي وتهاوش---تكرونية ولا فخر
وانا معطيته بالآخر وأسولف
يوم خلصت وعينت من الله خير واسكر الجوال
والقى بيدي ريال
عاد الحين بدت معركة الضحك
(الولد ماانتبه اني اكلم بالجوال ومن قعدتي وحركات يديني وكلامي يحسبني ادعي له هو وابوه جا عطاني ريال)

**********
السالفة الثانية/
عادي هنا تنبيه: لا أحد يشككني بنفسي لأني إلى الآن مب مصدقة اللي صار لي..
أنا من النوع اللي لو يحترق بيتنا باللي فيه مادريت عنه
وقبل فترة كانت الأجواء العائلية ساخنة شوي
وموقتين مايتناقشون الا الظهر وانا ما اقوم إلا بهالحزة
واذا قمت ونزلت عندهم والا الحامي فايتني
واستمروا على هالحالة ثلاث ايام
وقنو كالعادة
خارج التغطية
ماتجي الا بالاستراحة بين الشوطين
بيتنا انقلب محل كفرات
والنفوس صارت مزارع بصل
يعني عادي أسأل /وش السالفة؟
وتنتهي حياتي على هالسؤال
المراد
باليوم الثالث
وتحديداً بعد المغرب
اجتمعنا على القهوة
ولا تسمع اللي جنبك من المبزرة
دخلت وحدة من العيلة من زمان ماشفناها
وسلمت وقعدت (طبعا الحرمة طول الوقت متغطية كان فيه رقاجيل)
شوي الا يدخل ابو رمش-------ركزوا عليه هذا لأني توعدته عقب هالسالفة لأفشش كرشته..
ويقعد وقهوة وسواليف ..عادي الوضع
أذن العشا تفرقوا الجماعة
وهبط الليل بهراطيطه على الكون..
وقعدت قنو تقل سكنية لحالها..
وفجأة دق جوالي جتني رسالة ---- بغى يوقف قلبي من الفرحة من زمان مادقت نغمة الرسايل
كان المرسل/ ابو رمش
يقول/
فلانة ما قالت شي عن موضوعنا؟؟؟
طبعا يقصد الحرمة المتغطية
وقنو ماعندكم احد وجه فقر جوالي مقطوع
وافتح النت واخل حسابي بموقع خدماتي
وارسل الرسالة التالية/
لا اصلن من يوم دخلت وهي متغطية ولا قالت شي
بعد ماارسلت الرسالة
شفت الرسائل المرسلة(19)!!!!
واشيك على الحساب (كنت حاطة أرقام العيلة كلها بقروب واحد)
انا جتني حالة هستيرية من الضحك
لآن من ضمن اللي ارسلت لهم الرسالة/ رجال خواتي - الحرمة المقصودة وزوجها وولدها وبنتها
يعني فضيحة بجلاجل خخخخخ
المشكلة اني مرسلة الرسالة الساعة 12 ليلا والعالم وراهم دوامات بكرى
شوي الا يستلجون العالم:
ابو مقص/
يالتكرونية الا ماسكة معك ترسلين هالخرابيط ؟؟
وحش فيغا/
الرسالة جايتني غلط؟؟
أم الهكي/
وش السالفة؟؟
وحدة من حريم اخواني/
وش القصة؟؟
جيت بكحله واعميته/
دخلت خدماتي مرة ثانية وكتبت الرسالة التالية/
العذر والسموحة ياجماعة الخير
موقع خدماتي بدا يضرب شوط ويرسل نفس الرسالة للعالم كله
اهجدوا وناموا ماعليكم الا العافية-قنو
وضغطت إرسال
وارسلته للـ (19) مرة ثانية
ما أردى من الأولى إلا الثانية
طبعا وحش فيغا شكله سهرانه
ارسلت تقول/
يالعمياء مرسلة لأهل الرس كلهم؟؟
وأم الهكي مانامت هي ورجله ارسلت تقول/
متنا عليك من الضحك رجلي جاني طايرتن عيونه من الرسالة الأولى
طبعا اللي عليه العلم الحرمة المتغطية ماقالت شي
ومن هالحركة واضح اني فضحتهم وخربت جوهم
وعقب الهيصة هذي كلها
جتني حوالي الساعة 1 رسالة من (مدير المستودعات) هذي اختي الكبيرة شكلهم بسابع نومة وقاموا/
من هي اللي قاعدة ومتغطية؟؟ ----هذولا ماعندهم أبراج مرة خخخ
المهم السالفة ما انتهت يوم صار من بكرى وحنا على الغدا
قنو مثل العنز اللي تحرث عن السكين
رحت قلت لأمي واختي وقلت لهم السالفة احسبها بتجوز لهم
لعلهم كرشوني
وازعل واطلع لغرفتي
جا وقت العصر وقت الدوام اللي ما ادري وش يبي من الحياة؟
كانت اختي نايمة بغرفة فيها المكوى وطاولة الكوي
دخلت الغرفة واخذت الطاولة والمكوى بكوي لبسي قبل يجي كريّم ولد ابو علي
يصجني --------إلى الآن مأساتي معهم خخخخخخخ
كويت لبسي وجيت برجع الطاولة والمكوى للغرفة نفسها
والله وتقوم اختي وتركبه ام العبيد وطرآآآآخ الباب بوجهي وتخانقني من ورا الباب/
حطي الطاولة عند الباب إذا قمت أنا ادخلها
(شوفوا على تكرنتي إلا اني أطلع أرض الله الماطية عند تكرنة أختي)
انا اصلن قافلة معي فما عبرت السالفة تركت الطاولة ورحت لدوامي وعينت من الله خير
يوم رجعت قلت وانا داخلة بسوي نفسي مالي خلق وبطلع لغرفتي علطول
الا وتستقبلني اختي قابسة بس فيها ضحكة/
قنووووووووووووووووووووو
هالحين ماعندنا جدران يوم انك تسندين الطاولة على الباب؟؟ يوم فتحت الباب طاحت علي!!!
خخخخخخخخخخخخخخخخخخخخخخخخخخ

طبعاً انقلب البيت كله ضحك وكانت امي مب موجودة يوم رجعت
إلى الآن ما انطحن الحب اللي براسها عقب خناق الظهر كملت الناقص
وابشركم انتهت السالفة اللي قايمتن الحرب العالمية الثالثة في بيتنا بسببها على خير
وعقب العشاء اتصلت اختي (مدير المستودعات) تقول/
رجلي يسأل / من هي قنو؟؟؟---- العالم وين وانت وين يارجال ؟؟؟
خخخخخخخخخخخ

طبعاً عقب هالسالفة حسيت من جد حالتي صعبة

مخرج:

لازم أهج لو قعدت ببيتنا يومين زيادة ممكن ارتكب جريمة

أجل ينطفي عندكم الكهرب

وش سويتي بالريال..؟

الحين الي متغطيه وش سالفتهــآآ

وليش زعلانه

ههههههههههههههههههههههههههههههههه

خبله يختي انتي
بس ترا نص كلامك ما فهمته من الضحك
والله وسعتي صدري الله يوسع صدرك بالعافيه

عاد انتي تكلمين بالجوال عادي ماتنلاميين .. انا تجيني حاله اسولف مع نفسي .. طبعا عادي اني اسولف مع نفسي وانا امشي والا وانا بالسياره والا اغني .. بس الحركه اللي تفضحني اذا قمت احرك يديني

خخخخخخخخخخخخخخخخ

من جد مت من الظحك

مالك حل غير تربطين نفسك لاكلمتي الجوال


خخخخخخخ ومشكوره على الموضوع اللي من جد

يموت من الظحك

عاد سالفة الجوال ظاهره منتشره

وزين انك تحركين ايدينك بس

انا ارفع صوتي واروح واجي

واذا كنت بالسياره وقفت ونزلت من جد ادخل جو

قنو يالعبده

وسعتي صدورنا ياجعل ابوك في الجنه

هذي لك
وهذي وزعيها على العده اللي عندك

لووووووووووووووووووووووووووووووووووووووول

أحداث تجنن
يبيلك فلم وثائقي
خه خه

و حالة سواليف الجوال مع تحريك اليدين
منتشره بينا كلنا
لوووووووووول


الله يسعدك و يخليك يا رب

عوافي يا الغلا
ما ننحرم .,!َ~.

هههههههههههههههههههههههههههههههه

والله يآ دخلت ويآكِ جو مع هالقصه اللي تشرح

الصدر يآبنتي آنتي فصل مافيه طلآب ههههههههه

المفروض قصصكِ اليوميه تصير مسلسلآت يالبى خشتكِ

ههههههههههههههههههه يعطيك العافيه ولآ هنتي

تحياتي لكِ