شبابي معفن .. طلعه الاتي

بسم الله الرحمن الرحيم

السلام عليكم ورحمة الله وبركاته



وصلنـا لـ دور المتعـه .. الدور الحازم ! لـ الفرق السعوديّة
طبعاً الكلّ شاهد الجوله الماضيه .. اللي كان أهم مافيها أن جميع الفرق السعوديّة !
تأهلت لـ دور ال16 ,



--------------------

تصدّر الهلال مجموعتـه بعد فوزه على الباختكوريين بـ هدفين مقابل لاشيء ..
سجّلها " العنبر _ الصويلح "
وإن كانت المباراه شهدت تحكيـم " الله بالخير "
وتعرض فيها ( رادوي ) و ( المرشديّ ) لـ مجازر عنيفـه !
إلاَ أن المباراه شهدت إثاره وجنون كرويّ .. وإمتاع هلاليّ من مدّه طويلـه ماشفناه
خاصةً في شوطـها الثاني !

الهلال تصدر مجموعته بـ14 نقطه .. ،
سجل 11 هدف ودخل مرماهـ 4 اهداف .. ،
# يعتبر افضل فرق غرب آسيا ’ وثاني افضل فريق في القارهـ من حيث النتائج ..

----------

مباراه الحفلـه ..
الاتي طلّع كل حرتـه بهالمباراه بفوزه بـ سباعيّة مقابل لاشيء !
أم صلال .. كانت قد أراحت خمسه من لاعبيها أمام الاتحاد ,
بالتالي الخساره لاتمثّل انهزاميّة فريقها ..

الاتحاد تصدر مجموعته بـ12 نقطه .. ،
سجل لاعبوهـ 14 هدف ’ ودخل مرماهـ 4 اهداف .. ،
# لم يخسر على ارضه سوا نقطتين من تعادل امام الجزيرهـ الاماراتي ..

-----------------

المباراه هذي أفقدت الاتفاق صدارتـه .. من بعد الطقطقـه اللي كان يلعب فيها !
ترقّع الكوماندر بـ ثلاثيّه ! من قِبل الايرانيين وعلى أرضهم وبين جمهورهم !
الاتفاق تصدر مجموعته بـ12 نقطه .. ،
سجل لاعبوهـ 15 هدف ’ ودخل مرماهـ 8 اهداف .. ،
# الاتفاق لم يخسر ولا نقطه داخل ارضه ’ ويعتبر افضل الفرق تهديفاً في غرب القاره ..

--------------------

انهزم الشباب قدام بيروزي .. بـ هدف مقابل لاشيء !
ممكن كان الأرض والجمهور عامل للخساره ,
خسارة الشباب جعلته وصيفاً لـ مجموعته بـ7 نقاط خلف بيروزي بـ فارق الاهداف .. ،
سجل لاعبو الشباب 4 اهداف "بـ خلااف اهداف الشارقه" ’ ودخل مرمى الشباب هدفين .. ،
# الشباب تضرر كثيراً من انسحاب الشارقه وكان الاول لولا انسحاب الشارقه وكان المستفيد الاول بيروزي ..

** _____ **

_ ترتيـــب الفِرق _

# الهلال تصدر مجموعته ويلاقي ام صلال القطري ثاني مجموعة C في الرياض .. ،
# الاتفاق احتل صدارة مجموعته ويلاقي ثاني مجموعة A باختاكور الاوزبكي في الدمام .. ،
# الشباب اخذ المركز الثاني في مجموعته ، ويلااقي الاتحاد اول مجموعة C في جده بـ سبب تصدر الاتحاد .. ،
# الاتحاد تصّدر مجموعته ويلاقي الشباب ثاني مجموعة B في جده ’ "وهي المواجهه الثانيه بين فريقين من بلد واحد" ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

نجي للجوله القادمـة ..
دور الـ 16 يشهد 3 مباريات على يومين !
واحده يوم الثلاثاء .. ومبارتين يوم الاربعاء ,

الاتحـاد & الشباب
مباراه الثأر ..
الاتّي بيدخل في أوجّ حماسه من بعد انتصاره بـ السبعه ! ويبي ينال من الشباب بعد ما سحقـه بالرباعيّه ,
الشباب هو الآخر يهايط من الحين .. ويقول أن " الوصول لـ دور 8 " موب صعب المنال !
اليوم : الاربعاء 27 مايو | 3_6_1430
الوقت : 8:40 مساءً
المكان : جده .. باستاد الأمير عبدالله الفيصل
القنوات الناقله : ابو ظبي _ آرتي
الغيابات : كماتشو .. الذي غيابه قد يعرضّ الشبابيين للخطر ,

ــــــــــــــــــــــــ

الاتفاق & باختكـور
الاتفاق بعد خسارتـه الأخيره لم يفقد صداره مجموعتـه واستمر متصدراً .. ولكن بشكل عمومي الاتفاق شغله ممتاز بهالبطوله وصل لـ دور ال16 بجداره !
مباراتـه مع باختكور مهمّه جداً لـ تأهله دور 8
الغيابات : " صالح بشير " لـ الاصابه اللي ممكن تأثر على الاتفاقيين !
باختكور هو الآخر داخل المباراه هذي بعد خسارتـه قدام الهلاليين بهدفين مقابل لاشيء ..
الغيابات : ماعندي علم بس أتوقع مافيه
اليوم : الاربعاء 27 مايو | 3_6_1430
الوقت : 8:40 مساءً
المكان : الدمام _ استاد الأمير محمد بن فهد
القنوات الناقله : السعوديه _ الجزيرة > ماتأكدت

ـــــــــــــــــــــــــــــــــــ

الهلال & أم صلال

الهلال .. يدخل المباراه متصدّراً مجموعتـه بعد فوزه على باختكور بهدفين مقابل لاشيء ,

و تعدّ هذه المباراه المنعطف الأهمّ لـ التأهل لدور الثمانيـه

اليوم : الثلاثاء 26مايو | 2_6_1430

الساعه : 8:35 مساءً بتوقيتنا

المكان : الرياض الجميله

القنوات : أبو ظبي " نقول فارس عوض " / السعوديه / ارتي
الغيابات : لايوجد

ومضه..

طبعا التحليل بيكون بالموضوع هذا بعكس موضوع المان والبرسا

معليه كنت قاعد اعدل شخصيتي ... توني جالد لي مجموعة برشلونيه قاعدين يسكرون من الحين عشان ينسون نهائي الابطال من الحين هههههههههههههههههه

بسم الله الرحمن الرحيم

الهلال و ام صلال

شف من ناحيه فنيه في مباراة بكره .. الهلال لا محاله فايز فايز .. ما قدامه غير الذهب .. وابن مساعد بعد تصريحه القوي .. قاله نفوز بكره الكاس بالرياض .. يعني معناتها لاعبين وجماهير راح يتحمسون 100 % .. بكره الملعب فل الفل .. وهذي نقطه تخدم لاعبين الهلال

يعني الجو النفسي مريح

نجي للمستوى الفني .. ام صلال مهما قالوا انهم ريحوا ومش عارف ايش .. بيدخل مدافع .. يعني ظغط هلالي هجومي عليهم .. راح يتوج بهدف في اول ربع ساعه بعدها تنفك السبحه ويخرطهم الهلال بعنف

اتوقع الهلال يفوز وبنتيجه قويه .. اهم شي يكون التحكيم معنا .. لاننا تعبنا من الحكام الاسيوين ضدا ضعيفين وقراراتهم مهزوزه ما ينلامون يجبون لنا السواقين يحكمون ههههههههههههه

الاتفاق وبختاكور

اتوقع فوز بختاكور .. لعدة اسباب .. الاتفاق فريق منظم ولعبه جماعي وعلى ملعبه خطير .. لكن ينقصه اللاعب الهداف .. غياب بشير ونفسية برنس تاقو غير مشجعه للفريق بالفوز ..

الاتفاق لو لعب بتقفيل الخطوط الخلفيه الشوط الاول راح يفوز .. اهم شي لا يندفع بالهجوم .. لانه موب مثل الفرق الكبيره تقدر ترجع للمباراه بسرعه لو انهزمت

---

الاتحاد و الشباب

في النقص اللي يعيشه وسط الشباب .. توقعاتي للاتحاد .. عامل الجمهور قوي عند الاتحاد .. ايضا ملعب جده ملعب يعشقه لاعبين الاتحاد قبل جماهيرهم .. الفوز للفريقين صعب .. ولا اتوقع نتائج كبيره ..

الاتحاد اذا ترك اللعب عن طريق لاعب واحد .. ايضا نقطه مهمه كالديرون والفلسفه .. يعني ممكن يطلع نور في نص الشوط .. ممكن يبدا بالصف الثاني .. مدرب يقرا المباراه احيانا بالعكس .. صحيح ان الفريق له ظروفه لكن موب لدرجة المجازفه باهم اللاعبين !!

---

توقعات سريعه قبل تبدا المباراه لانه راح يقطع علينا البث من الاستديو


الهلال 2/0
الاتحاد 1/0
بختاكور 2 صفر


وتبقى المباراه في ارض الملعب .. وكنت دايم اقول ان ما فيه الا مرشح وحيد في اسيا وهو الهلال .. و راح تتبين لكم في دور الاربعه

طبعا شكرآ على حضورك يامحللنا الكبير ..


طبعا اخالفك باخر نقطه الا وهيا انك تقول مرشحنا الهلال انا اخالف تبي الصدق مافيه من الفرق السعوديه زي الاتي والله اذا عصب يعرمش اللي قدام وبعدين فيه وسط وحراسه وهجوم قوي والدفاع لك شوي عليه..


يعني اوقع اللي بيوصل للنهائي ان شاء الله الاتي وبياخذها..

^
^

انت محلل لا .. انت مقدم ولا لك حق تخالف راي واحد .. يا رجال انا رشحت الاتحاد من تحت الطاوله .. عشان ما يقولون هلالي حاقد .. والا ان جيت للجد الشباب لا زال يمتعك بالهجوم والوصول السريع للباب .. فارض هيمنته على اقوى فريقين في الدوري السعودي .. الهلال الان اوراقه بدت تتجمع من جديد فا عشان كيذا قلت لك الهلال الاقوى لعدة اسباب .. اول شي وصول الهلال لدور الثمانيه معناها محترفين اقوياء راح يكملون مع الفريق .. مدرب تكتيكي بحت .. اسماء في الهجوم الهلالي راح تدعم الفريق .. الوسط والدفاع ما عليها خوف .. كنا بس نحتاج مهاجمين بارزين مع ياسر !!

بالتوفيق لام صلال

الله يلعن الاتحاد الآسيوي ويلعن اللي بيضرب ناديين سعوديين مع بعض ..

رئيس لجنة الانضباط الأخ مصيـّف في باريس من الاسبوع اللي فات وساحب على دور الـ 16 .. وقاطع كل الاتصالات فيه ..!

بالله هذا اتحاد آسيوي !!

ياشيخ قسم بالله الدوره الرمضانيه حقت رعاية الشباب المنظمين حقينها مايسحبون على الدوره ..!


من بعد سالفة كوماتشو وانا معد صارلي خلق اتابع اخبار الفريق

الله يلعنك يالآسيوي ..

^^^
^^

وش سالفه كماتشو الحين عجزت افهمها