بس إنتَ أولْ [ أبتسم ] .. معَكـٌ آلحيآة بـ/ تبتسم .. "بربتسي الخآصه" !!

●●{ شـ غ ـب · 05-25-2009, 02:45 PM

بِـسًـمْ الله الرًحَمَنً الرَحِيًـمْ ..
السَـلآمْ علَيـَكٌمْ وَرَحَمًة اللهَ
يسًـ عَ ـدْ أيـآمًكـَمْ ~ْ
يَسًــ عَ ـدْ وَجٌوَدِيً بَيَنًـكٌمْ ~ٍْ
أوَلْ مَوضٌـوعْ لٍـَيْ فِيً القَسًـمْ وَ أتَمًنَىْ ينـًآلْ إعَجًـآبـًكٌـمْ [ ]

أي والله أبتسم

ووسع صدرك ,, ألّزم مآعليك نفسك

الزبـدة ..

حبيت أضيف موضوع عن سمكره النفس وعنايه

لآن لآحظت قليل في المنتدى مواضيع من هالنوع ..

وبدآل مآنبحث بمنتديآت ثآنية نبحث هنآ ..!!

و مين مننا اللي ما تعتني وتدوّر ورا الأشياء اللي تخليها أزين وأزين ؟

بنآت

تعالوا ابيكم بكلمة راس

تعودنآ بأن البنت لما تنخطب و يقرب عرسهآ تبدأ تبربس بنفيستها و تمطرس بخشتهآ// ليزر , حمام مغربي , تنظيف بشره . . . الخ

جدول طويل عريض اغلبنا حافظينه. .

وكأنه المعرس اللي جا فجأه ذكرها انها بنت

لا ونبي تصير بشرتنا تلق لق , شعرنا يلمع ,الحبوب تختفي , ركبنا واكواعنا تصير بيضا , اجسامنا حلوة ومشدوده وكل ذا نبيه بشهر !!

ما ننكر ان العنايه لازم " تتركز و تتكثف " للعروس

بس ولو

عندنا فترة طويله قبلها ننتبه لانفسنا
وبالذآت نعرف ان ذا الأشياء كثيره زي الليزر وعلاجات البشره تحتاج فتره طويله ومتابعه عشان نستمتع بنتايجها

خلاص خلصت الكلمة ! كل وحده ترجع محلهآ

.
.

اللحين نجي نتكلم في الشي اللي يخلينآ ازين شي

"حمآم مغربي منزلي"

معروف عندنآ بالحيل بس لو أقولكم نص البنآت مآيعروفون له

عشآن كذآ نفيدهم ..

نجي لفوآيده

له فوآئد كثيييييره ..

بشكل عام " يساعد على تنظيف الجسم من الجلد الميت "

تصير البشره ناعمة // صافيه // فيها لمعه صحية

بما انه يزيل طبقة الجلد الميت , راح يساعد بأن أدق الشعرات اللي موجوده داخل الجلد بانها تطلع

وتصير عملية ازالة الشعر " الحلاوة " من بعده راح تكون جداً ناجحه

ندخل بالتفاصيل أكثر ؟

¸.•°°•.¸ البخار // الساونا ¸.•°°•.¸

عشان نسوي حمام مغربي في البيت بنحتاج لـ ساونا منزليه " تكون موجوده في اغلب محلات التجميل الكبيره " وسعره زين من 350 الى 250 ريآل ..

و لو مو موجوده ممكن نعبي البانيو موية حاره , ونتاكد ان الابواب تكون مسكره , يعني ما في تيار هوا او مروحه شغاله , عشان يتكون عندنا بخار

بالنسبة للساونا تعالوا نشوف وش وضعها بالحياه بما انها أول مره أسوي حمام مغربي في البيت

اول شي لازم نتأكد بأن مخرج الهوا مسكر , يقولون في ناس قعدوا ينفخون ينفخون وبالاخير طلع الهوا يطلع من جهه ثانيه !

يقطع ام الغباء اللي كذا

بعد كذا نشبك جهاز المويه بالساونا + من الجهه الثانيه بالكهربا " 220 " ونعبيه موية دافيه

ممكن نحط مع الموية عطر فواحه تساعد على الراحه

نحط داخل الساونا كرسي صغير , بلاستك // خشب , وتقعدين عليه < طبعآ بدون شي

عشان يبدا البخار داخل الساونا يطلع يحتاج من 15 - 20 دقيقه

- ليش البخار ؟

ينشط الدوره الدمويه // يفتح لون البشره // يفتح المسامات بالتالي يسهل التخلص من الجلد الميت // يزيل الارهاق العضلي والعصبي..
ويقولون يخفف الوزن وكثرتة تفقد السؤال في الجسم اذا ماعوضت بشرب كميات كبيرة من الماء..
ولآزم تسوون ريآضه بعد عشآن مآتترهل شسمه

وهو ممتاز جدن للانفلونز إلآ أزين شي ومريح في التهاب الحلق

وتسنتس في كمادة كاملة

وعيبه ضار بالشعر ويكون مفيد لشعر اذا وضع على الشعر زيت قبل الدخول فية

أو غطوا الشعر بشي ..

وحمام الساونا يقولون ضار لرجآل

ومرضى الربو لاينفع معهم بل ضار لان الحرارة تزيد من ضربات القلب

واللي فيهم ضغط

بس الممتاز فيه انة مفيد للعضلات وخاصة بعد مجهود شاق

وزيييييين للعظام

نجي

¸.•°°•.¸الصابون المغربي ¸.•°°•.¸

صابون بـ زيت الزيتون يُحضّر في المغرب , اهم شي يكون الاصلي موب تقليد وتقولين مآجآب فايده ..

هو سائل يشبه للزبده السايحه , موجود في محلات العطارين او بعض مراكز التجميل

- ليش الصابون المغربي ؟

يشيل الدهون والترسبات في البشره بالتالي يفتح لونها + يشيل الخلايا الميته . .

طريقتي فيه

ناخذ شاور بالمويه الدافيه بس , استعداد للحمام المغربي , نبدا نحط من الصابون على كل الجسم + الوجه " اللي بشرتها حساسه لا تحطه "

وننتبه انه ما يدخل بالعين لانه يحرق مرره , او بالفم لان طعمه شين و مر < لآتلوموني ذآيقته

بعد كذا ندخل الساونا بعد ما يكون اشتغل البخار فيها ونجلس اقل شي من 10 - 15 دقيقه , واكثر شي 30 دقيقه عشان ياخذ مفعوله , او في بخار البانيو للي ما عندها الساونا المنزلي ..

واللحين جا دور

¸.•°°•.¸ الليفه المغربيه ¸.•°°•.¸

ليفه خشنه مصنوعه من ألياف الشجر نلقآهآ بعد عند العطارين

تشيل الجلد الميت + تنشط الدوره الدمويه بالجسم

نغسل بموية دافية بعد الصابون وبعد ما نكون قعدنا تقريباّ 20 دقيقه داخل البخار , نتأكد ان الصابون كله راح

نبلل الليفه بموية حاره ونبدا فرك , بقوة متوسطه تميل للقوية

نركز على (( المناطق اللي يكون الجلد أسمك وأغمق ))

راج يطلع الجلد الميت على شكل خيوط

و فوراَ راح تحسون بالفرق في شكل البشره

لا تتحمسون وتفركون بقوة ترى يقولون في ناس جرّحت عمرها وجابت العيد

بنفس الوقت لو فركتوا بشويش ما راح يطلع معاكم الجلد الميت

بالنسبه للوجه , يفرك بشويش بشرته رقيقه , اللي بشرتها حساسه تنسى الموضوع بتآتآ البته

بعدين نغسل بموية دافية

" انتبهوا تستخدمون موية بارده عشان لا تتسكر المسامات للحين ما خلصنا شغلنا "

وبعده

¸.•°°•.¸ الصنفرة او الـ scrub ¸.•°°•.¸

ممكن نستخدم اي نوع عندنا بس نحاول ما يكون عطري لآن البشره بتكون حساسه

ممكن خلطات طبيعية // سكر // لوز مجروش . . . الخ

العطار عطاني صنفره ومدحها الى بكره وقال انها مشهورة , بس انا اول مره اسمع عنهآ

قلت أذآ مآنفعت موب ضآره

أسمهآ كريم كاب " كريم لصنفرة وتبييض الجسم " والله موب شين تصدقون ؟

ينحط عالجسم ويترك مدة 10 دقايق الين ما ينشف , وبعدها نبدا نفرك نفرك الين ما يطيح كله

حسيته ينعم , وبعدها ناخذ شاور بس بـ موية تميل للبروده . .

وتستخدمين صابونه الجسم وانا افضل الباباي أحسن منهآ مفيييش

هنا أقدر أقولتس نعيماً يا حلوة وحمام الهنـــــــــــا

------------------------------------

وحبيت أبين لكم شي كثير صآير ونشوفه هاليومين !!

اللي هو ~{ حمآم مغربي في مرآكز التجميل

شي معروف الوحده اذا بغت حمام تروح لهم

بس اللي يضيق الصدر

تنكشف عورتهآ لحرمه

وهذآ شي محرم !!

اقتباس:

من حديث أم الدرداء رضي الله عنها قالت :خرجت من الحمام فلقيني رسول الله صلى الله عليه وسلم فقال (من أين يا أم الدرداء ؟) قالت : من الحمام . فقال صلى الله عليه وسلم( والذي نفسي بيده ، ما من امرأة تضع ثيابها في غير بيت أحد من أمهاتها ، إلا وهي هاتكة كل ستر بينها وبين الرحمن ).

اقتباس:

وثبت في صحيح مسلم من حديث أبي سعيد الخدري أن رسول الله صلى الله عليه وسلم قال: ( لا ينظر الرجل إلى عورة الرجل ، ولا المرأة إلى عورة المرأة ،و لا يفضي الرجل إلى الرجل في ثوب واحد ، ولا تفضي المرأة إلى المرأة في الثوب الواحد).

فدل هذا الحديث على حرمة ذهاب المرأة إلى هذه الحمامات فإنه يلزم من ذلك وضع ثيابها عنها ، وهذا فيه هتك كل سترٍ بينها وبين ربها جل وعلا ..

ولآزم بعد نحط في بالنآ هاذي الحمامات مانستبعد أن فيهآ ( كاميرات خفية مصغرة) تصور

الله يستر على بنآت المسلمين

يعني سووه في البيت أحسن

يتبع من بربستي الخآصه أذآ تبوون!!

}~ غلآتي · 05-25-2009, 03:24 PM

تسلمين مدربيهـ الدمجهـ.,’
من جد موضوع رآآئع وحلو ..
بس معليش؟!
وش نوع هذا جهآز السونآ ..يعني من اي شركهـ
<<هههع تحمست البنت هههع .. بس ينفس الوقت خآآيفه اخآآف يصير التمآس ولاشئ ويقب علي ~
}~خوآفه درجه اولآ..

●●{ شـ غ ـب · 05-25-2009, 03:47 PM

الله مير يسلمتس

لآ مآيكهرب ولآشي

هآذي صوره اللي عندي

عاد يقولون كثرة أستعماله يخربه

بس للحين عندي تمآم ..

النوع الثاني ..

والفضي يطول أكثر بس سعره أغلى من الاول .. وموب نفخ مثل الاول ..

تلقينهم عند يو مآرك والفالح ومحلات اللي يبيعون أغراض المشاغل ..

}~ غلآتي · 05-25-2009, 03:50 PM

~{أهآآآآآ..
.
~ يعطيك العافيه مدربيهـ..
معليش تعبنآآك .,’

.

●●{ شـ غ ـب · 05-25-2009, 04:09 PM

الله يعافيتس

لآ وشدعوه مآفي تعب

-------------------

بربسه جديده

عندكم عرس وإلآ عزيمه وبتحطين ميك آب ..!!

لآزم قبل بـ 5 ساعات على الاقل تحطين مآسك لوجهك عشآن يطلع الميك آب طبيعي أكثر ووجهك مشدود وصآفي

من تجآربي لمآسكآت الوجه أحسن شيء وصلت له ..

مآسك صفآر البيض + النسكافه

مقآدير :

صفار بيضه وحدهـ
ملعقه نسكافه

أخلطيهآ وحطيهآ على وجهك سآعه .. ياليت تكون الظهر وبالليل الميك آب

بتحسين بوجهك مشدود مآره بس عادي الوضع طبيعي

وربي من تجربة بتشوفين فرق من أول مره

الوصفه شفتهآ في برنآمج ريتشآل رآي في أم بي سي فور في مقابلة مع مرة دكتور فيل

كانت تسألها المذيعه عن سر صفاء بشرتها ومشدوده وهي عجوز عمرها تعدى الخمسين

تقول من خبرت نفسي وأنآ أحط ماسك صفار بيض + ونسكافه

أتمنى تفيدكم

المرتكزه · 05-25-2009, 04:31 PM

تسلمين على المعلومات مره مفيده

عجبني الماسك ودي اجربه

بس المشكله فيه بيض <<اقدر احط بداله اي شي؟

●●{ شـ غ ـب · 05-25-2009, 06:17 PM

هلا مرتكزه يالله حيها

أهم الشي البيض هو اللي يشد

وعآدي منتب مآكلته بس لطيه بوجهتس وبس

قطوه بس تخربش · 06-27-2009, 12:59 PM

مآشآء آلله عليك

وربي مجهوووووووووووووود جبآآآآآآآآآآر

<< تحمست من آلحين تبربس بنفسهآ

بس بسئلك آلمآسك آلي قبل آلميك آب كم يجلس ؟؟

يعطيك آلف آلف عآفيه

ورربي موضوع متعوب عليه
تسلم آنآمل آلي كتبهآ
ربي لآيحرمني منهآ

ڜي ثآآنـــُے · 06-27-2009, 05:41 PM

شغ ـب ~

لقد افديتينآ فـي طرح هذآ الموضوع المميز . ,
يع ـطييج ربي الصحة والع ـآآفية ~
وتسلميين ع هييك مج ـهـود طيب منج !
وع النصآآيح الطيبــه ., ولآهآن قدرج الغلآ ..

No 1 No · 06-27-2009, 05:46 PM

انا من النوع الي احطها يوم

واتركها يعني ابي يظهر مفعولها بيوم

ان شالله يستفيدون منه البنات الصبورات

شكرررااا

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

بس إنتَ أولْ [ أبتسم ] .. معَكـٌ آلحيآة بـ/ تبتسم .. "بربتسي الخآصه" !!

|| بربسة بنات