فضيحة دار الايتام ( تخيل )

[ame="

انتشر هذا الفيديو في اليوتيوب
واتمنى ان يصل لأحد المسؤولين

لم ارى من خلال المقطع ضرب مبرح
و لايعني ان يكون يتيم ان يترك بلا تربية حتى ينحرف
واسأل الله ان يكون القائمين على دور الايتام رجال يخافون الله
وان يعاملونهم المعامله الحسنه، ويحتسبو الاجر عند الله.
كما اني ضد نشر الاسماء ما لم يكون هناك دليل واضح
ارجوا ان تعذرني فالكثير يستطيعون ان يكتبوا ويتهموا
ومن الصعب ان نقيم الحجه على احد ونسلط عليه دعواتنا
ونحن لانعلم هل الاسباب المذكوره صحصحه ام لا.
شكرا لك
وتقبل تحيتي

انا ساهمت زيي زي الكثير اللي تعاطفوا مع هاليتامى
ومابيدي شي الا ان اسعى بنشره عشان لربما يمر على احد المسؤولين
ويحن قلبه عليهم

لكن نشر اسماء
ماقلت انا اللي مسوي هالمقطع انا نشرته فقط وذكرت سببي

مشكور اخوي ع تعليقك

مراحب
اخوي انحش شكرا على مبادرتك في توعية الناس لكن بصراحه انا اؤيد قصيمي في اللي قاله ان حتى اليتيم لو ماعطوه قرصت اذن راح ينحرف بسبب الاهمال ....بس صراحه نسفت الشماغ بحد ذاته تخوف...الله يعينهم ويساعدهم

انحش يعطيك العافيه ع المقطع


صراحة اللقطاء حياتهم صعبه
حتى ولو ماكان الضرب مبرح يا قصيمي يكفي أنه معاه عصا وعقال ومدري ايش !
حالته النفسية كيف بتكون !

بتقول أسلوب تربية !
يعني تتوقع أنه راح يتربى عن طريق الضرب!

حتى لو كان مخطيء الضرب أبداً ماكان علاج ..!
بالعكس يزيد انحرافه ..
الأسلوب الأمثل أنك تحتويه , وتطلع منه فرد صالح وتعيّشه بالمجتمع بدون مايحس بفوارق بينه وبين غيره !


واضح من التصوير أن المدير مستمريء عادة الضرب !

مقطع تدمع له العين

ويتحسر عليه القلب

جعل تنكسر يده يوم تنمد على اليتيم المسكين

ماعمره قرأ الايه من قوله تعالى(فأما اليتيم فلا تقهر) هذولا ايتام امانه

اي واحد يشوف واحد يتيم يحاول يمسح على راسه ويمسح دمعته

أذكر لي مره رحت لمركز التهئيل هذا المركز فيه بنات ايتام بس كبار

بس لو تخليون كيف هم منكسرات من الداخل لانه ايش ماتعرف مين امها ومين ابوها

واللي قويات تشوفهن الحمدالله ياما بويات ولابعضهن تجي لمك وتقول عطني فلوس واذا قلت لا تلزك بالجدار

تعرفون ليش يسون كذا انتقام من المجتمع حتى مره من المرات قعدت اسولف مع وحده وقلت ليش انتي تسوين

قالت نبغى نتقم منكم قلت وش شافتنا اسرائيل قالت انتم تسولفون معنا بس لما تعرفون انه حنا لقطه حولتوا تبتعدون بشتى الطرق

بعدين قلت طيب انا اعرف هالشي من قبل مااتكلم معك وحتى لو عرفت ماراح احاول ابتعد قالت هذا انتي بس غيرتس؟ لاطبعا

قصيمي,عقد لولو

تخيلو لو مره ان اللي ينضرب واحد من عيالكم واللي يضربه المدرس او المشرف

عمر ماكان الضرب تربيه الا اذا طقات كبدك قرصه او قرصة اذان موب خيزارنه وش طوله

الايتام يحتاجون من يحن عليهم موب يضربهم حنا وحنا عيال عوائل نتعقد لااحد يهواشنا اويضربنا

اذكر يوم اني برابع ابتدائي كانت ابله انا غلطت في حقها وبدون قصد ولما قلت لها انا ماكنت اقصد قالت انا ماهمني ماكنتي تقصدين

اولا بس ليش سويتي كذا انا قعدت اصيح ومع ذلك مازلت الاخت تهوش علي
انا تعقدت من المدرسه وصرت كل ماجت حصتها اغيب

وهي مرتين بالاسبوع امي شكت وقالت ليش ماتبين تروحين للمدرسه فيه احد يهواش عليتس بااول شي كنت أصرف السالفه بس قالت امي يأما تقولين لي السالفه ياما اخليتس تروحين المدرسه غصب وقلت لاامي سالفتها امي انهبلت وقالت يكون خير راحت المدرسه وقالت حنا حطين عندكم امانه في ارقابكم

تسون كذا ومن هالكلام يعني وعقبها هالاستاذه صارت تحاول تحاشأ هواشي

يعني ماصار عندنا ضمير ولافهمين التربيه غلط

اعذروني على الاطاله بس من جد شي يقهر يعني حطوا أنفسكم مكانه يعني لاالدلع يصلح ولا الضرب يصلح (وخير الامور اوسطها)

مشكور اخوي

انحش يالبى قلبك يا شيخ


بصراحه انا اتفق مع انحش .. التشهير هنا عشان يفتحون تحقيق بالموضوع + الضرب عمره ما كان تربيه .. الحين العلم تطور وصار فيه اساليب تربيه تعتمد على النقاش والتوجيه باللين ولو كان الضرب هو الحل لمارسه النبي والصحابه مع ابناءهم !!


انا اطالب بفتح تحقيق بالموضوع .. ياخي يكفي انه قاعد بالحياة بدون اهل .. انا لي شهرين بامريكا ومعي زوجتي ومع ذلك احس بالغربه .. اشتقت لاهلي ,, فكيف بواحد طلع على الدنيا ما عنده اهل يفرحون لفرحه ولا اهل يصرفون عليه ويشوفونه وهو يكبر قدام عيونهم

×


[ وإذا وليتم فأرحموا ]

مقطع يصيح والله

شي يقهر , ما اقول الا حسبي الله عليهم , والله لا يولينا من لايرحمنا ياربي

قلوبهم هذولا موب قلوب بشر الا حجر ..
لو بيبرَرَ تصرفه بانها تربيه , عمر التربيه ماكانت بالضرب ولا بعد بعصى جعله الكسر

شي يضيق الخلق والله

انحش عوافي على المقطع
ويارب يوصل لاحد له سلطه . .

×

الله لايولي علينا من لايخافه فينا ولايرحمنا

والله يكون بعون الأيتام يارب
ويبلغهم أعلى الدرجات بالجنان على صبرهم ..


انحش ، الله يجزاك خير