خربت فرحتي وبغيت أنجلد

قوطي منعفط · 05-13-2009, 10:15 PM

السلام عليكم ورحمة الله وبركاته

أسعد الله أوقاتكم بكل خير

أخباركم جميعآ إن شاء الله تكونوا بصحه وعافيه

الحقيقه إنكم على البال دائمآ

لكن الظروف ماسمحت إني أتواصل معكم

لأن ما معي سياره <<< أمحق عذر

عاد قلت منيب جاي للعزبه

إلا ومعي سيارتي الجديده

يعني باركو لي <<< والله لوإنك شاري بنتلي

لكن شوفو وش حصل لي وأنا رايح للوكاله

بحاول أختصرقد ما أقدر

السالفه سلمكم الله

طلعت من بيتنا وركبت ليموزين

وذبيت على الباكستاني كلمتين

يقالك بطيح الميانه بينا <<<شاري سياره مبسوط

وبعد ما ضحكنا شوي

قام سواق الليموزين

من باب الميانه بعد يعرض علي

اللي ما كنت أتوقعه

صديق أنتا يبغا حشيش

أنتا يبغا شراب <<< وسكي

أنتا يبغا بنااااات

كلو موجووووووود !!!!!!!!!!!!!

سلامااااااااااااااااااااات

الله يحلل البحرين إذا هذي السالفه عندنا

المهم طارة بوهتي

قلت كله فيذااااااا <<< أنا قلت فيذا

يوم كع ذاك الفرامل وقال أنتا سعودي

قلت إييييه لييييه

ومار ينزل ويلف على السياره ويفتح باب الراكب

وما دريت بنفسي إلا وأنا متصطح على الرصيف

قال يللا رووووووووح

ما أمداني أستقعد إلا وهو كافخ

لا وفي مقطعه

على طريق التخصصي بجنب جامعة الإمام

يعني إنس تلاقي فزعه لو رضني

المهم يوم وقفت على حيلي

ومار يجيني ليموزين ثاني

قلت في نفسي لو باكستاني منيب راكب ناقص بعد

أشوى طلع سعودي وركبت معه

قال وش فيك شكلك متطاق مع أحد

قلت ليه شايف شي أنت

قال لا

قلت أشوى

لكن من ضيقة الصدر قلت له السالفه

قال أيه موجوووود !!!!!!!

قلت لهالدرجه الأمر صار علن

قال بزيدك من الشعر بيت

من ربع ساعه كنت مركب زبونه

ولما قربنا من المكان اللي كانت تبيه

قالت ترا ما معي فلوووس

قلت يعني

قالت خذ اللي تبي بس فلوووس لاما عندي

قلت آخذ زي أييش <<< مسوي عبيط

قالت عندك مكان ولا عادي بالسياره يمدي

يقول إني قلت أعوذ بالله من الشيطان الرجيم

وأنزلي الله يسترعليتس

يؤ يؤ يؤ يؤ يؤ يؤ يؤ يؤ يؤ

طبعآ قمت أسولف معه وخذنا وعطينا في هالناحيه

وقال هالشغله موريتنا العجب

لكن الحمدلله اللي عاصمنا من هالخرابيط

المعنى في هالسالفه

لهذي الدرجه صار الأمر عادي ؟؟؟؟

وش الأسباب بنظركم ؟

وهل تتوقعون لرجال الأعمال <<<الإهمال دور ؟

كونهم يجيبون العماله ويضغطون عليهم

ويقولون لهم نبي فلوسنا كل شهر

وأنت يالعامل دبر نفسك

وما تشوفون إنه لما الهيئه كانت في عزها

ماكنا نشوف هالأمور

وهل نترك بناتنا وحريمنا يسوقن السيارات

أرحم لنا ولهم؟

أنا قلت اللي عندي باقي اللي عندكم

على فكره نسيت أسأل الباكستاني

وش يحسبني من أي جنسيه

مع إن السديراوي وااااضح

خاصه إذا لبس ثوب مهوب ثوبه

تحياتي للجميع

قوطي منعفط راعي الدودج

الله يبارك فيكم

آلزين نجدي · 05-14-2009, 12:53 AM

يؤيؤيؤيؤيؤيؤ

لذا الدرجه وصلت الوقاحه بالعماله
::
المشكله الكل يدري عنهم بس محد يتحرك والا يزيدون الرقابه عليهم

المفروض انت اخذت رقم سيارته والا بلغت عليه اول ما مشى

لا بعد البنت اللي ركبت مع السعودي الله يهديها تبيع شرفها عشان عشره او عشرين ريال

يعطييييك العوافي اخوي
ومبروك البنتلي
بمناسبه السياره خذ اعضاء العزبه بتمشيه عليها

D 7 D 7 · 05-14-2009, 01:40 AM

مبروك الموتر الله يعطيك خيره ويكفيك شره..

t o r n a d o · 05-14-2009, 02:02 AM

اييه هين الديره صـآيره سـهـآلــة بـكـل شــي <<عاد الله يكافينا شرهم

ومبرووك عليك السياره

والله يعطيك خيره ويكتفيك شره

تـحـيــآتــe

an0.0sh .. }~ · 05-14-2009, 02:17 AM

ياحركاااااااااااااات

كفو كفو اطلق واحد انت

الله يطعمك من خيرها ويكفيك شرها

f a n t a s t i c · 05-14-2009, 02:22 AM

هلآ قوطي .. !
أول شيء مبروك آلسيآره وآلله يعطيك خيرهآ ويكفيك شرهآ إن شآء آلله .. !

وثآني شيء آلموضوع هذآ عآدي جدن جدن آللحين !!
أغلب آلعمآله كذآ ، إلآ من رحم ربي !

حنآ قبل كم يوم كآن عندنآ’ سوآق ، وكآن يهرب شغآلآت ، يعني يآخذهآ من عندك ويوديهآ لـ آلنآس ، ويكسب 200 ريآل أو 300 !
وآلله مآ أحد توقعهآ منه !

لكن آللحين تلقى عآمل محترم ، وآخرتهآ !

ويعطيك آلعوآفي .. !

**قصيمي** · 05-14-2009, 02:58 AM

الف مبروك قوطي
العماله قنبله موقوته بدأت بالانفجار
الله يستر علينا منهم،
تحيتي لك

**نوني** · 05-14-2009, 04:47 AM

هلا قوطي
شخبارك
مبرووك السياره الجديده ,, الله يعطيك خيرها ويكفيك شرها ,,

::

والله هالموضوع صايرين نسمع عنه كثييير للأسف قصص بالهبل والمشكله ماعندك أحد يضبطهم صح
الله يستر علينا يارب : )

تسلم يدينك

MiSS.me · 05-14-2009, 06:06 AM

الف مبروك قوطي على السياره ويعطيك ربي خيرها ويكفيك شرها

من ناحية العماله ماينشره عليهم كثر مانشره على ابناء بلدنا انهم ينشرون الفساد من مخدرات وخمور وزنا و.و.و...إلخ

الحين رجال الاعمال ماهمهم الا انهم يكسبون وبس مايهم يصير فساد مو فساد عادي اهم شي البزنس يكبر

وهالمراه اللي ماتستحي انا ودي اعرف ماهنت عليه نفسه ماتسحقر نفسه انه تسوي شي زي كذا وبعد تصبخه بالوجه صريح

يعني كل هذا عشان فلوس ولا عشان ايش مجرد نزوه من جد قهر

انا كنت اول انقهر لما اسمع عن العماله وقصصهم بس الحين عادي لانه الحين ماصار العماله وبس صارو من بني جلدتنا وابناء وطنا

اذا ابن العم يظرك وش تمان من الغريب

قوطي شكرا على الموضوع البطل

دمار شامل · 05-14-2009, 07:46 AM

اول شي مبروك السيارة الجديده الله يعطيك خيرها ويكفيك شرها ..

بالنسبه للموضوع .. وبعد اللي سمعته انا افكر جديا ارجع للسعوديه واشتغل كداد ( ليموزين )

والله وانا اخوك اذا عرف السبب بطل العجب معد صار فيه احكام على هالمجرمين يعني قبل نسمع كل يوم جمعه واحد مقطوعة رقبه واحد مقطوعة يده ... الخ

الله يحمي بلادنا من هالاشكال يا رب

عوافي يا بطل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

خربت فرحتي وبغيت أنجلد

|| الـمـجـلـــس