ياناس مابي اتزوج مطوع ...

السلام عليكم ورحمة الله

أم علي كانت مسرورة جداً فقد تقدم لابنتها ابتهال عريس ملتزم وذو أخلاق عالية
وعندما جاء الخاطب لرويتها جاءت ابتهال على استحياء ونظرت الى الخاطب ثم انصرفت مسرعة وهي تبكي وقالت لامها مآبي ذا المطوع، قالت أم علي -وش يعيب الرجال-

قالت ابتهال يمه له لحيه، يعني مطوع، يعني مشاعره جافه، يعني راح يحرمني من كل شي ،يعني ما فيه طلعات ولا فيه سفرات ولا مطاعم ولا سهرات ولا جوال ولا دش....ولا كوفيره.. يمه ما تفهمين ان المطوع غير الناس.....

يا بنيتي من إلي قالك ان هذي أطباع المطاوعة؟؟
ابتهال: كل البنات يقلون كيذا..


ألام: لأحول ولا قوتاً إلا بالله. صرتي مثل أخوك علي ما يبي خديجه بنت الجيران يقول انه ملتزمة، وهو يبي بنت رومانسية وترقص ويبي شموع وحركات.... الله يخلف على بس.


موضوع الحوار ان هناك اعتقاد بان الملتزم سواءً رجل او امرأه فانه
جاف في مشاعره لا يعرف للعواطف والرومانسية اي طريق، وان السعاده مع
الملتزمين _ المطاوعه_ معدومه وشعارها الحرمان....




فهل هذا الاعتقاد عام وصحيح وهل لهذه الاسباب يرفظ الارتباط بالملتزم او الملتزمه، ام ان الواقع عكس ذلك..


بانتظار ردودكم التي التي ستضع النقاط على الحروف.

تحيتي لكم

لا والله بالعكس الملتزم احسن واحد والله في واحد اعرفه مناسب ناس ومطوع وكلن يمدحه و واحد مناسب ناس ولاهوب مطوع ولا ندري وش خبره ولا شي

بس اهل الخراب يعكسون هاذي النضريه للبنات والشباب عشان نخرب

ولاكن انشاءالله بتروح ممنا هاذي المشكله مشكور اخوي قصيمي

المشكله ان بعض المطوعين الله يهديهم والله يصلحهم
يعطون فكره للناس كذا !!

والا والله الارتباط بالمطوع احسن شي للبنت ..
انا عن نفسي اتمنى ..


ووش نقول للناس اللي تفكر ان اصاابعها سوى !!!
الله يهدي الجميع يارب ،،


قصيمي ..
ابدعـت في اختياركـ
يعطيك العافيه ،،
ماننحرم ..

مراحب لك يا أستاذ قصيمي <مادري ليه اهابك انت بذات احس عقلك يوزن بلد

للاسف فيه في مجتمعنا كثير ها الظاهرة يعني البنت تقول أصوم أصوم وأفطر على بصله (مع احترامي)لكن هذا الظاهر وما تقدر تجبر شخص على شى أهو كارهه وللأسف اغلب البنات ماخذين فكرة خطأ ان الملتزم يتزوج على الواحده بسرعه يعني مايقعد مع زوجته شي
والناس لها الظاهر ان الملتزم مستحيل يقصر مع زوجته بشي شوف هي وش مسويه


ومن منظوري بالعكس الملتزمين أكثر الناس تفتح بالوقت الحالي سواء رجل أم امرأه

ارجو اني اكون وصلت اللي عندي

أتوقع انه يختلف الالتزام من شخص لآخر ..

فيه ملتزمين متشددين جدا وعلى جهل وعندهـ الحرمة مثل العبدة او أفضل قليل حتى لا أبالغ

وفيه ناس ملتزميين وعلى علم ويعطي زوج\ته كل اهتمام والرومانسية على قولتكم


وكعادتنا نقدم لك الشكر على طرحك ,,قصيمي,,

يجيك وآحد مطوّع أو ملتحي .. !
وتلقآه أدج خلق آلله !
ويجيك وآحد مآ عنده لحيه .. !
وتلقآه أخلآق ومحآفظ ع دينه !

يعني يسألون عنه .. وكذآ !
ولآ يهمهآ شكله ومظهره .. آللي يهم آلقلب !!

قـصيمي .. دآئمآ مبدع .. يعطيك آلعوآفي !

لا بالعكس اعرف كثير مطاوعه مره رومانسيين وراعين سفرات مع زوجاتهم وسهرات

واغلبهم ضحك وفله بعكس اللي دايم ينقال عنهم انهم ما يضحكون ولا يفلونها

بس انا من رايي عيب المطوع باغلب الاحيان انه يتزوج على زوجته

تقبل رايي