سامحوني [ و ] حللوني [ و ] اذكروني بالخير

**نوني** · 05-08-2009, 08:29 PM

السلام عليكم ورحمة الله وبركاته ,,

شخباركم ,! عساكم مبسوطين وبخير

لاتخافون أوب تاركتكم بقعد على قلوبكم

بصراحه هالموضوع يدور في بالي من يوم ماعرفت شي اسمه [ نت ] و [ منتديات ] بس تعرفون بزنس وومان مافضيتلكم

المهم ..

اليوم راح أتكلم كثير تحملوني شي

ولاتستعجلون ولو سمحتوا اقرأوا كلامي كله

كثير منا تصيرله مواقف في حياته الـ [ نتيه ] سواء حلوة أو مره ,, مافي أحد مامر عليه هالشي أكيد ,,
وأنا أولكم ,

في شي لاحظته كثير بكل المنتديات اللي أعرفها

وبصراحه هالشي يضايقني كثييير

تبون تعرفون وشو !!

تعامل الأعضاء مع بعض .. !! وأقصد بالأعضاء كل من يدخل المنتدى من إدارة ومشرفين ومميزين وأعضاء وكل شخص وشخصه يدخلون المنتديات

ماراح أتكلم عن المواقف اللي صارتلي لأنو حتى لو ضيقت صدري بس ما أعطيها أكبر من حجمها ,,
لكن راح أتكلم بشكل عام وأسباب هالشي وعلاجه بعد إن أمكن ,,

في ناس ماخذين المنتدى وساعة صدر وبس ,, أوكي حلو تفكيرهم بس لاينسون انو حتى لو مافي أحد يعرف هم مين , أي شي راح يكتبونه معناته هذا هو اللي تربوا عليه ,, وقاعدين يطبقونه هنا ,, بطريقه مباشره أو غير مباشره ,,

يعني يجي واحد حاط نك نيم عادي وتلقى كل تعامله تهزيئ وتطنز واستهبال وهواش وشوفة نفس وقلة حيا و و و و ... القائمه تطوول

واذا قاله أحد شي ! يرد يقول ,, ياشيخ محد يعرفني

طيب محد يعرفك بس خل الناس لين جا طاريك يذكرونك بالخير

أحيانا الاعضاء يشوفون انو المشرفين والاداره يشوفون نفسهم عليهم ولو يجون ينصحون ولا يقولون ملاحظه ولا شي يقولون عشانه كذا قام يتفلسف ويهاوش ويهزئ

و و و القائمه تطوول

في ناس طبعهم كذا حتى مع أقرب الناس لهم ,, بس هذي مشكله لأنو مو كل الناس بتتقبل هالشي ,,
يعني حلو الواحد يشوف نفسيات اللي حوله قبل مايخربها معهم

الاحترام حلو وغصب يخلي الشخص اللي قدامك يحترمك حتى لو هو انسان موب محترم , أكيد موب من المره الأولى لكن بتفيد فيه بالنهايه ,,

الموضوع ماكتبته عشاني ولا عشان شي بالمنتدى بس حبيت أكتب شي فيه فايده ويرضي ناس كثيير

أشين شي لما يجي واحد يقلل من جهودك بالمنتدى !!

والمشكله تلقاه هو مايسوي شي أبد بس شاطر بالمصاله وقلة الحيا والردود البايخه

حلو لما تحس انو في عضو قاعد يسوي أشياء من قلب ويجتهد تجي تروح تشكره ولا ترد على موضوعه برد يبرد الخاطر ,,

مو شكرا يسلموا بآي

<< ويييين

أنا متأكده انو في كثيير عانوا من هالشي هنا وفي المنتديات الثانيه ,, ومتأكده بعد إن أكثر الأعضاء اللي ينحاشون ينحاشون من هذا السبب

يعني مهما كان انت مين عشان تهاوشني وتتطنز وتسوي تمون علي

لازم يصير في عيش وملح قبل ولا !!

يمكن أكون أنا بعد غلطت على أحد بس أكيد من دون قصد

مستحيل أتعنى أنو أزعل أحد مستحييل

واللي صارله موقف معي أقوله الحين أنا آسفه وسامحوني وحللوني وأنا مسامحه كل من غلط بحقي وتكلم علي

::

المطلوب :

كل واحد يكتب اذا مر عليه أي موقف من هالمواقف أو موقف مشابه / من دون ذكر أسماء

أبغاكم تحاولون نلقون حل لهالمشكله اللي تأثر كثيير بالمنتديات

وأبغاكم كلكم تسامحون وتحللون اللي زعلكم هنا

::

أتمنى قدرت أوصل اللي أبغاه ,

شكرا لكم

an0.0sh .. }~ · 05-08-2009, 08:42 PM

وااااااااااااااااااااااااااااوتس

ياني احبتس بقووووووووه

بصراحه

كلامك صحيح

فيه ناس تجي تميلح وتميصل على الفاضي

وناس تجي تحط حرتها بسب الانديه << قد مر علي واحد كذا

انه فيه موضوع بمنتدى ....... << لاتخافون اووب قايلته

المهم

كان عضو اسمه .. .........

وقاعد الاخ يسب ويشتم بالنصر

عاد انا هنا

طولت بالي

وقلت لو سمحت لوبترد زي كذا لاتدخل مواضيعي ابد

بعدين

الاداره شافت ردوده البجحه وقليلة الادب

وسوت له بآآند

وهمين

ارسلي المشرف حق القسم

رساله خاصه

يقول فيها

انه المفروض اعطيك انذار

بس لانك محترمه نفسك ولاحطيتي راسك براسه

ماراح اعطيك انذار

وهــ عاد انا هنا

اسفهلييييييت وقلت احسن

وكان وقتها انا المدير عشان اعطيه بآآآآآآآآآآآآآند << اوووخص ياقويه

الزبده

كلامك يانوني ياليت ينفع مع الماصلين والبثرين

والناس المتخلفه ...

وشكنن

هاااك

**‏9ûmt ∂lk∂l∂m** · 05-08-2009, 09:22 PM

نوني مدري آصفق لك آو آصفق لك آو آصفق لك

جد موضوعك

آهنيك على ـآ آسلوبك بعد

آحبك نوني

صرآحه كثثثير تحصل وبقوه وحتى آلنآس تحسبهآ خفة دم وهي تكون جرح

يعني آلشي آذآ زآد عن حده ينقلب ضده

وكثييير بعد تحصل لي

يعني آلـآحترآم يكبر آلشخص وآلله آني آشوف آشخآص محترمين وآعطيهم عمر 20 23 وآذآ آكتشفت تكون آعمآرهم 17 16

وبعضهم آقدر لهم 17 ويطلع عمرهم 20

يعني جد تستغربين من آن آلشخص يستخف دمه وهو مو خفيف دم

وآنآ آبي آلكل يحللني ويسآمحني وآللي مخطيه عليه يقول عآدي آصحح خطآي

وآنتم بحل

سي يو لتر آعضآء وعضوآت آلعزبه

قوطي منعفط · 05-08-2009, 09:44 PM

وعليكم السلام ورحمة الله وبركاته

والله يذكرتس بالخير ويحللتس ويبيحتس

ترا ما شفنا منتس إلا كل خير

ويعطييس العافيه على هالموضوع الرائع <<<على الجرح

والحقيقه ما جتني الجرأه أطرح زي هالموضوع

اللي كان مشغل بالي وهو سبب ترك المنتديات

لأني ما حبيت أكون زي ماقالو ( إذا كنت رايح سو الفضايح )

لكن أنتي ما قصرتي

نرجع للموضوع

يمكن أكون واحد من الأعضاء البثرين والماصلين أحيانآ

لكن في خاطري هالبثاره إنها رد دين

بمعنى

نزلت موضوع ولقيت فيه رد بايخ أو مصاله من عضو

فتلاقيني أنتظر الفرصه متى ينزل موضوع عشان أتبيثر عليه

وهذا طبعآ إذا كانت بثارته ما تنطاق

أما إذا كانت ما تسوى قرصت عليه أو سفهته

وش رايكم بالصراحه

هذا بالنسبه للمصاله وقلة الحيا

لكن سبب ترك المنتديات بوجهة نظري الشخصيه

أشوف إنها تكمن في عدم التقدير للمجهود رقم واحد

أثنين تطاول بعض الأعضاء على العضوات من دون رادع

بالنسبه للبنات

ثلاثه بالنسبه للأولاد فشلهم الذريع في عدم تكوين علاقات

من أي نوع فتلاقيه يدور له عزبه ثانيه تظفه

ورابعآ وهو اللي يهمني وذكرتيه في الموضوع

البروووووووووووووود الغير مبرر من قبل الإداره والأعضاء

بالنسبه للإداره من مراقبين أو مشرفين

أنا أتعب على مواضيعي ليش ما ألاقي حوافز

تشجعني أبذل أقصى مجهود عندي للحصول على المزيد

وفي الأخير مرده للمنتدى نفسه

أما الأعضاء

يا أخي منتب ملزووم ترد على الموضوع (قل خيرآ أو أصمت )

ليش تحاول تكسر مجاديف غيرك

عشانك ما تعرف تكتب مواضيع وتقعد تتميلح

أو غيره عشان موضوعه أفضل من موضوعك

ليش ما تفكر تتعلم منه وتستفيد بتشجيعك له

ومرده برضه لك

ما تلاحظون إني مسكت خط

شكلي تحمست واجد للموضوع وهو يستاهل

يعطيتس العافيه أخيتي وسامحيني على الإطاله

مبطي ما شخبطت

ويمكن أرجع أكمل

<<<قوطي منعفط بعد الحلاقه<<مصاله

بريداوية · 05-08-2009, 09:52 PM

موووضووع بالصميييم

اهنيييك نوووني ع اسلووبك

وو.. اقول .. سامحوني وحللوني ..وانا مسامحتكم ..

و..لااحد يستخف دمه وهو ثقيل ..ترى يصير مااصل وبقوه

دمار شامل · 05-08-2009, 10:32 PM

بصراحه ما عندي شي اضيفه للموضوع لانك كفيتي و وفيتي ..

لكن ممكن اقول اننا في العزبه ان شاء الله كل واحد منا اذا شاف على واحد خطأ يحاول يوصل له الخطأ ويفهمه الصح وان شاء الله اننا كلنا نعبر عن شخصياتنا وتربيتنا

f a n t a s t i c · 05-09-2009, 12:28 AM

أولآ أهنييك يآ نوني ع آلطرح آلرآئع .. أسلوب حلو .. آلموضوع آللي تتكلمين عنه حلو بعد !!
وأنآ بـ صرآحه مآ صآر لي في آلمنتدى فتره طويله في آلمنتدى .. !
ومآ قد صآر لي موقف يعني يذكر .. إلآ آلتعصب آلريآضي .. وآلله كل مآ أشوف ردود بعض آلآعضآء بذآك آلقسسسم .. من عقبهآ كرهت آلقسسم ذآك .. ومآ أدخله وآجد .. أخآف تصير مشكله !

وغير كذآ آللي يشوف نفسه عشآنه صآر مشرف أو إدآري أو مرآقب أو عضو محد مثله مثلي يعني .. !

هذآ تقريبآ أول مره يصيير كذآ وإستآنس وفآهم غلط يحسب آللي يصير بأحد آلرتب آللي قلتيهآ لآزم يتكبر .. أو إنه " بزر " وموب شرط في آلعمر تلقآه بآلعقل .. !

لَا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ

بـ صرآحه موضوع خونفشآري .. !
يعطيك آلعوآفي .. وسآمحينآ ع آلرد آللي أحسه أوب حلو مره !!

**قصيمي** · 05-09-2009, 12:41 AM

مثل العادة نوني اسلوب راقي ومحترم وتميز في طرح المشكلة

المفهوم وصل وانا اشاهد مثل هذة المشاكل في بعض المواضيع.

شخصياً لم اتعرض او لم اشعر باني تعرضت لشي يزعجني

واحاول بكل ماستطيع ان لا اجرح احد من اخوتي.

وارجوا من الجميع ان يسامحوني اذا زعلت احد من دون قصد .

ولكي فائق الاحترام

**نوني** · 05-09-2009, 01:10 AM

ياحبيلكم
أشوى جازلكم الموضوع

لي باك مع كل واحد منكم

S k Y · 05-09-2009, 01:48 AM

حلو طرحك !

هادي , سلس , طالع من قلب على قولتهم

ماودي أكثر كلام , اللي قبلي كفو ووفوا ..

لكن من جد شخصيتك في المنتدى تعبر عن شخصيتك أنت في المجتمع !

بعض الناس أعرفهم وزاد حبي لهم بعد ماشفت كلامهم وتعاملهم الراقي ,
وبعض الناس أيضاً انعكست شخصيته سلباً من خلال كلامه ,
والأكيد أن اللي السلبي في تعامله ماراح يستمر !

موضوع راقي يا نوني !

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

سامحوني [ و ] حللوني [ و ] اذكروني بالخير

|| الـمـجـلـــس