هل تقبلين بزوج راتبه 1500 ريال ..؟!

السلام عليكم ورحمه الله وبركاته

كيف الحال ؟؟>>عسى الحال تمام

المهم يااخواني تعلمون جميعا في مثل هذه الايام كثرت البطاله لدى الشباب ولجؤهم الى الشركات اوالحراسات الامنيه أوغير ذلك

سؤال للفتاه ولامانع من تعلي الرجال

هل تقبلين برجل راتبه 1500 ريال ؟؟

وهل اذا وافقتي تعتقدين ان الحياه تستمر ؟؟

بأنتظار اجباتكم

طبعـآ آلفتآة لآبد لهآ بآن تفكر بآلمستقبل ..


فمع تقدم آلوقت .. وزيآده آلمصآريف ..

هل تتوقع آن آلرآتب هذآ سوف يكفيهآ آلى نهآيه آلشهر ..

فلو فرضنآ آنه كفآهآ ..

عندمآ يآتيهآ آطفآل ..

مآذآ ستفعل كيف ستلبي مطآلبهم ..

ونحن نعلم آن آلآطفآل آلآن غير آلسآبق ..

ففي آلسآبق آتفه شي ممكن آن يصنع منه لعبه له

تسليه وقت فرآغه ..

آمآ آلآن لآبد آن يكون.. لديهـ آفضل آلآجهزه ..

وآن يلبس آحلآ آلمآركآت وموآكب آلموضه وآلعصر وآبنآء جيله ..

لكي لآيشعر بآلنقص ..

رآيي آي شخص رآتبه 1500 لآ بد آن يفكر بمصدر آخر يعوله..

لكي لآيضع آبنآئه في موآقف لآيحسدون عليهآ ..


مشكلتنآ يآلخليجيين.. لآنفكر ..
نتمنى آن تآتينآ آلوظآئف على آطبآق من ذهب ..

ولكن لو وفر مآزآد من رآتبه كل شهر وفتح مشروع

لو قلنآ مشغل..في آحدى آلقرى سينقض عليه آلزبآئن من كل آتجآه ..

فآفي آلقرى آلمشآغل محدوده عكس آلمدن ..

وآلربح مضمون ..


وبس


آتمنى آني نجحت بآلآجآبه على تسآؤلآتك..

شآكرهـ لك عزيزتي

هذآ آلطرح آلرآقي ..


لآعدمنآك

لا ما أقبل به


.
.

صراحة مو عيب الواحد يكون راتبه 1500 ريال , لكن العيب أنه يكون راضي بوضعه في زمان صارت فيه الشاورما بأربعة ريال

لازم مثل ماقالت قطوة يكون له مصدر دخل ثاني ولا يعتمد على راتبه بس , ومو شرط يكون مشروعه راقي , أي عمل يجيب منه لقمة العيش له ولعياله ..

والمكافح هو اللي بيستمر ..

خلاص هونت أقبله

سؤالك بمحله لازم الواحد يفكر وانا من وجهة نظري اشوف ان مافيه شي
اذا راجعه علي اوافق اهم شي الاخلاق وانه يكون طيوب
بتقولون الاخلاق ماتأكل خبز هذي الايام انا اقول راتبي على راتبه يساعد<<<لسا بالثانوي واقول راتبي هههه
اتمنى تفهموا وجهة نظري

انا مثل سكاااي لا اقبل به
لا سكاي وازيدك من الشعر بيت البيرة صااارت بثلاث ريااال

لا بجد يعني الحين اللي يبيع بسوق الخضااار يدخل اكثر من 1500
1500 بوقتنا هذا ماتعيش لو جينا لشقه اللي اجااارها اقل شي وبالطقاااق 15الف
يعني لازم يوفر شهرياً1250ريال يعني يبقى له 250 رياال
ونفرض انه ساكن مع اهله
يعني مفروض يصرف باليوم عليه وعلى زوجته 50 ريااال
يعني سوووق مافي امل تنسى تروح للسوق تشتري ملابس
لان السوق اقل شي 500 ريال هذا اذا قلنا انه يبي يقتصد يعني 10 اياام بالشهر مايصرف ولا ريااال
بكر يبي يجيب بزرااان محتاجين اغراض حفايظ ملابس الخ الخ الخ
يعني بالعربي يموووت احسن من انه يفكر يتزوج
1500 ريال ماتعيش
للاسف في اكبر بلد بترووولي توصل رواتب مواطنيه 1500ريااال هذا ظلم والله
والكبااار اصحاااب الكروووش ياكلون وينهبون على كيفهم اجل ولد العبده يطلع في قناااة امريكيه ويقول لو واحد معه 100مليااار وخذينا منها مليااار (سووو وووت)يعني واذا؟؟ الله ياخذ وجهك وفي ناس مو لاااقيه تاكل حرام عليكم انت وابوووك الله يلعنكم

<<<<الله يستر بكرا بتلقووونه بالحااااير

صرراحه انا لااقبل به

خلينا نكون واقعين شوي وش بتسوي ال1500 هذي وش بتبدي له وش بتخلي

وحنا صراحه في هالوقت صارت عندنا الكمالياات اهم من الاساسيات اذا هو االاساسيات مو قادر يجيبها وش بسوي

ومثل مااقال بوح على حسبته يعني مدري وش اعبر بس صعبه مرره و الحياه مهيب بسهله والله راتبي على راتبه ونعيش

فيه كثير رجال تزوجوا وهم يدرسون وسكنوا مع أهلهم ومشت أمورهم

وفيه حديث عن النبي صلى الله عليه وسلم : ( ثلاثة حق على الله عونهم وذكر منهم الناكح لإعفاف نفسه )
يعني الواحد ولو صار راتبه قليل ممكن البنت تساعده
بأنها تتنازل عن بعض الأشياء لين ربي يفتح عليه
مهوب كل ماشافت شي عند أحد قالت أبي مثله

وعلى قولة مدري مين " يحاول إنه يدور له مصدر رزق زيادة على وظيفته " : )

انا اصلا لو اني بنت ما راح اقبل اني اتزوج شخص راتبه يالله يكفيه

ولو اني ولد ما راح اقبل اعيش البنت بالفقر << وش احس به وانا اقول لو اني ولد

اقتباس:

صراحة مو عيب الواحد يكون راتبه 1500 ريال , لكن العيب أنه يكون راضي بوضعه في زمان صارت فيه الشاورما بأربعة ريال لازم مثل ماقالت قطوة يكون له مصدر دخل ثاني ولا يعتمد على راتبه بس , ومو شرط يكون مشروعه راقي , أي عمل يجيب منه لقمة العيش له ولعياله ..

سكاي كلامك سليم بأن الواحد ما يرضى بوضعه هذا وانه لازم يشتغل كم شغله على شان يكون دخله عالي ويقدر يصرف على نفسه وعلى حرمته


بس انا ما اوافقك بأن الشخص الي راتبه 1500ريال انه يشتغل شغله ثانيه وهو متزوج !!!


لانه لو كان متزوج بكذا بيظلم بنت الناس لان يومه كله بيروح بالشغلات الي يشتغلها على شان يصير دخله عالي

ويصير اول ما يرجع للبيت يرجع وهو دايخ ويدور فراشه


على شان كذا ما ظنتي ان زوجته بترضا بهالوضع


انها ما تشوف زوجها ابد والسبب ان زوجها كل يومه يشتغل على شان يقدر يصرف عليها


انا اقول اقصر الشر من اوله ولا يتزوج الين يصير راتبه كويس



ومشكوره على الموضوع

انا مع قطوة ومع الخال

عشان كذا أقول الأفضل انه يشتغل الشغلتين قبل الزواج

ولما يوفر من مشروعه الثاني يترك العمل الاول

<<ويش رايكم بس؟

مشكورين ع المرور وع أبداء أرائكم \
وانا رايي مع الخال انه مايشتغل شغلتين وهو متزوج فمثل ماقلت انه راح يظلم زوجته
ويله ننتظر اراء البقيه