تعالوا خلوني افقش عليكم

الخال · 04-18-2009, 10:26 PM

اهلين كيفكم

بصراحه تذكرت كم قصه صارت لي فحبيت اقولها لكم بحكم اننا اصدقاء

القصه الاولى

عندي اخو صغير اسمه (عبدالعزيز) وعيارته (هزار) اخوي هذا حبوب وقلبه طيب لدرجة انك لو تطقه يطق نفسه معك

المهم اخوي (هزار) الطيب هذا دايما اذا بغيت منه فلوس يعطيني اياها

وبما اني اخوه الكبير فعيب علي اني اخذ فلوس منه ولا اردها له فأقوله اذا عطاني فلوس (تراني برجعها لك ) << ايه هين

المهم اني صرت اخذ منه واقوله كل العاده (تراها سلف)

الين صار يطلبني 350ريال

المهم انه جاء عيد الفطر وقالي (يالخال) انا اطلبك 350ريال صح قلت ايه قال ابسامحك بــ100ريال هذي عيديتي لك << ويقولون ليش تحب اخوك (هزار) بلاه مخفه

المهم وكل ما قالي وين فلوسي الي اطلبك اياها اصرفه الين جاء عيد الفطر الثاني وقالي تراني مسامحك بــ(150ريال) تراها عيديه مني لك << الى الحين واخوي مخفه

المهم جاني ويبي (100ريال) الي يطلبني اياها قلت لها بعيد الفطر انشاء الله ارجعها لك

والله ويجي عيد الفطر وتوني ابعطيه الفلوس قالي تراني مسامحك بــ(100ريال) تراها عيديه مني لك

والله وبكل وقاحه مني ارجع الفلوس في بوكي واقوله شكرا يا اخوي الحلو والمخفه

وعاد الحين ابحتري العيد الجاي على شان اقوله وين عيديتي << يلعن ام البجاحه

القصه الثانيه

كان يوم الجمعه المهم دقوا علي (مستر) و (بوح القلم) و (طريمان) و(سكاي) و (اثنين من عيال عمي) ما تعرفونهم

قالوا لي نبي نطلع البر نتغداء ونبيك تجي معنا

قلت لهم والله مقدر عندي عزيمه بالليل وما ابي اوصخ ثوبي

قالوا لي لا تكفى تعال نبيك تجي معنا

قلت لهم لهدرجه الطلعه ما تحلا الا معي << امانه كيف الثقه

قالوا لي لا بس ودنا نكت عليك << ما يعرفون يجاملون

قلت لهم ابجي بس بشرط ما راح اسوي شي وحتى لو غرزنا ترا ما راح ادف معكم << لازم اذلهم شوي

قالوا لي ابد لا تسوي شي بس تعال

المهم رحت معهم وانا كاشخ على شان العزيمه الي بالليل

وصلنا للبر وتغدينا وشربنا شاهي

وبعدها رحنا نطاعس وغرزنا وكلهم نزلوا يدفون الا انا قاعد اطالعهم

طبعا انا ودي اساعدهم بس كان ودي يعرفون اني نذل << الله من زين التصريفه

المهم طلعوا السياره وقعدنا نمشي

ونلقى رجال مغرز ومعه حريم كثار

قلت للعيال وقفوا خلونا نساعدهم

والله ويوقفون وانزل قبلهم كلهم واركض ابساعدهم << مو لله على شان البنات

من زود اني متحمس بغيت اشيل السياره واطلعها

عقبها طلعنا السياره وشكرنا الرجال بس الحريم الي معه ما قالوا لنا شي << هذا المهم

مشينا وغرزنا مره ثانيه واجلس اطالعهم

قالي (بوح القلم) اشتغل معنا لا اشوتك

قلت له البسوا عبيات وابشروا بالي بيساعدكم

القصه الثالثه

كنا بسوريا قبل كم سنه انا و (بوح القلم) و (مستر) و (طريمان) وعيال عمنا

المهم كنا رايحين للمطعم نبي ناكل مشاوي

طبعا المطعم فوق جبل يعني مشوار وانت ترقاه

المهم رقينا ويوم وصلنا للمطعم حط لنا مويه وكم ببسي

السبه (طريمان) شرب مويه من العطش لان الجبل يتعب

المهم قلنا لهم نبي مشاوي

قال الحين مخلصه انتظروا نص ساعه على ما نجيب مشاوي

قلنا لهم لا خالص ما نبي بس كم حساب المويه

قال لنا سعر بعملتهم (الليره) ما اذكر كم بس بعملتنا يساوي 50ريال

قلنا لهم والله ما ندفع وين عايشين والله لو هي موية زمزم

قال السوري لنا ما تبون تدفعون كيفكم

بس انتم وش لون رقيتوا للمطعم قلنا من الجبل هذا

قال طيب تعبتوا

قلنا له ايه

قال شفتوا هذولا << يشر على بودقاردات

قالنا ايه وش فيهم

قال قسم بالله لو ما تدفعون الحساب لا اخليهم يشيلونكم واحد واحد ويرمونكم من فوق لتحت على شان ما تتعبون زي ما رقيتوا

يوم شفنا الدعوه كيذا قلنا له يا خوي ما تبي زود من هالسعر

تقبلوا تحيات اختكم الصغيره

an0.0sh .. }~ · 04-18-2009, 11:09 PM

ياعمري على هزور المخفه

قسم انك بجح وسخيف

وهو يعطيك عيديه

يالبى البراءه بس

بس ليتهم طيحوكم من الجبل

ابي اشوف وش شعورك بعد ماطحت من الجبل

المهم

تفقيشاتك حلووووووه

ودومات فقش همآآآه

المرتكزه · 04-19-2009, 02:07 AM

اقتباس:

عندي اخو صغير اسمه (عبدالعزيز) وعيارته (هزار) اخوي هذا حبوب وقلبه طيب لدرجة انك لو تطقه يطق نفسه معك

ممكن اصادقه
بس عشاان يسلفني واجحده

اقتباس:

قال شفتوا هذولا << يشر على بودقاردات

قالنا ايه وش فيهم

قال قسم بالله لو ما تدفعون الحساب لا اخليهم يشيلونكم واحد واحد ويرمونكم من فوق لتحت على شان ما تتعبون زي ما رقيتوا

هههههههههههههههههههههههههههههههههه

والله مايلعب ذا السوري

زين انكم دفعتوا له ولا سويتوا انفسكم انكم ناس قويين

الخال وربي قصصك توسع الصدر

دايم تعال سولف

so_What.. · 04-19-2009, 09:34 AM

اقتباس:

ونلقى رجال مغرز ومعه حريم كثار

قلت للعيال وقفوا خلونا نساعدهم

كفو الخال تربيتي :: هذولا الناس اللي يستحقون المساعدة ,, بس حرام البنات ما شكروك والا عطوك بوسة على تعبك اللي سويته ,,

اقتباس:

تقبلوا تحيات اختكم الصغيره

مشكورة يا سوسن << ما يقلد احد ابد ,, ههههههههههههههههه رد ع جوالك

دمار شامل · 04-19-2009, 09:40 AM

ههههههههههههههههههههههههههههههههه رد على جوالك يا جبان << ترك الموضوع وركز على هالنقطه

حوبي الخال اول شي تروح لسوريا ولا تقول لي اخاويك .. تراني كنت عزوبي ذيك الايام صح تذكرت كان عندي كوز

بالله سلم لي على اخوك عزوز اشهد بالله انه ارجلكم << وراه قلب عليكم

الخال ممكن اطلب منك طلب

اذا صرت اكلم اهلي بالمسنجر لا تبثرني هماه

ولد العزبه · 04-19-2009, 09:58 AM

يسلمو على هلبكش الي يوسع الصدر ................

الدلع بإسمي إنكتب · 04-19-2009, 02:17 PM

الخال مايصير اقلب ولد واصير خويكم<<

**آنين لوحه** · 04-19-2009, 04:44 PM

اقتباس:

وعاد الحين ابحتري العيد الجاي على شان اقوله وين عيديتي << يلعن ام البجاحه

يآحبي لهـ هزآر

يآربيه قعدت تمآطله ثلـآث عيدآت

مسكين وَ سبهه في نفس آلوقت -> برىآآآ

اقتباس:

قالوا لي لا بس ودنا نكت عليك << ما يعرفون يجاملون

مآقلت لنآ وش ذبّو عليك

اقتباس:

قلت لهم والله مقدر عندي عزيمه بالليل وما ابي اوصخ ثوبي

يآلـليل بتعقد بآلثوب من آلظهر لليل .. قلة ثيآب

صدق آنكـ خآل -> بتنجلد

اقتباس:

قال لنا سعر بعملتهم (الليره) ما اذكر كم بس بعملتنا يساوي 50ريال

مويه بـ (50) ,,

آجل آلعششــآء بكم

آلخآل

وقسم فقشك آونس شي

آستآنست وآجد

كل يوم آافقش همـآهـ

برآيفت آلخآل ..

ورآهـ مآتسوي فيسآت خوآل آذآ جينآ نرد ع موآضيعك نحطهآ -> برىىآآآ

MinoOo ..}~ · 04-19-2009, 08:21 PM

هههههههههههههههههههههههههههههههههههههههههههههههههه هههههههه

وسعت صدري الله يوسع صدرك بالعافيهــ
يسلموو على فقشاتك الحلووه مثلي يارعاك الله

الخال · 04-20-2009, 08:35 PM

الجرح الدفين

اقتباس:

ياعمري على هزور المخفه

قسم انك بجح وسخيف

وهو يعطيك عيديه

يالبى البراءه بس

تراه اخوي يعني عادي ازرفه حلال

اقتباس:

بس ليتهم طيحوكم من الجبل

ابي اشوف وش شعورك بعد ماطحت من الجبل

شعوري بتعرفينه اذا زرتيني بالقبر

اقتباس:

المهم

تفقيشاتك حلووووووه

ودومات فقش همآآآه

مرورك الحلو

وينطيك الف عافيه على المرور

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

تعالوا خلوني افقش عليكم

|| الــدكــــه