الدجاجة الصقعاء خخخ

مساء الورد


ياكرهي للدجاجة الصقعاء
ياكثر مارددت هالكلمة وأنا أشوف مواقف تصير حولي
وما أقول إلا عسى مايعاقبني ربي ويرزقني بدجاجة صقعاء



طبعا الرجال يبي بزوجته مواصفات ، خلونا عن المواصفات الخارجية
وخلونا نتكلم عن المواصفات الجوهرية
اللي هي تربيتها ، ثقافتها ، عاداتها ، أخلاقها ... الخ
ونفس الشي الزوجة ماتبي أي رجال ؟ حاطه ببالها مواصفات معينة
إذا كانت موجودة بالرجال يمكن إنها ترفضه أو توافق عليه على حسب نوعية هالمواصفات
ممكن نحصر الموضوع أكثر ،
حلو إن الرجال مايرد لزوجته طلب ومايخليها تتردد إنها تطلب منه
بس لمّا يكون الرجال ورى حرمته ، قالت : إيه ، صار معها ، قالت : لا ، نفس الشي معها
يعني تقدر تقول ماعنده استقلال بشخصيته
سواء كانت بأشياء تخصه هو أو تخص زوجته
أو تخص الأسرة بصفة عامة
ممكن لما تكون الأشياء مافيها تأثير على اللي حوله ( أهله ، أهلها ... ) شي بينه هو وزوجته هذا ماعلينا منه
لكن لما يكون الأمر يظهر للكل وفيه تأثير هنا المحك ، وهذا لب الموضوع اللي بنتكلم عنه ..

يعني أقرّب لكم أكثر .. مثلا مثلا ..
لو صارت الحرمة ساكنة عند أهل رجلها ، طبعا أكيد لازم تزور أهلها
وافقت يوم إن أهل رجلها مسوين عزيمة وعازمين الصاحي والمهبول ومتجمعين كل بناتهم وزوجات عيالهم
وهذي تجي تقول لرجلها : مشتهية أزور أهلي اليوم ، ودني لهم
يجي عاد هو كلش ولا زعل أم العيال ، وبدون مايناقشها ويعلمها إن هذا الشي عيب
والمفروض إنها تجلس مع الضيوف وتوّجب مع أهله بعدين إذا خلصت العزيمة وداها
يركض ويشغل السيارة ويقول مشينا
هنا نقدر نقول إنه دجاجة صقعاء
وإلا إذا جا العيد قش حرمته وعيالها وطلعهم من بيت أهله ووداهم يتعيدون عند خوالهم
بدون مايسلمون على جدتهم وجدهم اللي بنفس البيت <-- الله يعين مرة ولدي
هنا يمكن يصير دجاجتين



الموضوع اللي بنتناقش فيه ..
- هل تلاحظ وجود هذه الظاهرة
- هل تؤيد / ين هذا النوع من الرجال ؟
- كيف تقنع الحرمة إن هذا الشي غلط إذا صارت ماتبيه ؟
- وش ممكن إنك تفسر تصرفات الرجال اللي كذا ؟
- أي شي يخطر ببالكم عن هالموضوع








للي مهوب دجاجة صقعاء

نوسه خطير موضوعك والله

بالضبط وصلتي خيتوو هذي هي الدجآجه الصقعآ بعينهآ هع

اقتباس:

- هل تلاحظ وجود هذه الظاهرة

نعم نعم موجودهـ بس ولله الحمد مهب كثيررهـ
عندي بالعــآيله أثنين من هالعينه أحيــآنآآ ودي أفرمهم بمولينكس والله

اقتباس:

- هل تؤيد / ين هذا النوع من الرجال ؟

لآلآ وألف لآ
لآني بصرآحه أحسه رُجل بدون شخصيه وضعيف بعد
ولآ له كلمه على أهل بيته
عن نفسي مــآ أحب الرجُل إلي يمشي على هوآ زوجته
وكل شي تقووله هو الصح والبآقي غلط
أصلن يووم يكون كذآ أحسه يقلل من أحترآمه لنفسه عند النــآس
وهي أكيد مـآ تمــآدت إلآ يوم مــآ لقت أحد يردهــآ
والعكس صحيح بعد مآ أحب الحرمه بدون شخصيه

الحيــآهـ تفـآهم لآ أنـآ أسير المتسلطه ولآ هوو متسلط
كل شي يسير بالتفـآهم حلووو>>مدري وش دخلهاا بس حبيت أقولهــآ

اقتباس:

- وش ممكن إنك تفسر تصرفات الرجال اللي كذا ؟

طرطور أكيد مآ يبيلهــآ كلآآم

اقتباس:

- أي شي يخطر ببالكم عن هالموضوع

إن شــآء الله تنقرض هالنوعيه لآني أكررهم خخ

يعطيك العــآفيه نوسه عالطررح
لقلبك

موضوع جداً محترم ولكن للاسف ليس لي خبره لاتكلم عن مثل هذا الموقف، وعموماً يفترض ان لا يكون الرجل منحازاً مع طرف دون الاخر وان يسعى جاهداً لربط قلوب الطرفين بين الاهل والزوجه، فكلاهما لهم حق عليه.
نـــــــــــــــوســـه جلست افكر كثير في معنى الدجاجه الصقعاء وبالاخير استطعت ان اصل لنتيجه وهي ان الدجاج عندما يكبر يسقط الريش الذي على راسه ويصبح غير صالح للاكل وايضاً يتوقف عن البيض يعني يصبح عديم الفائده يعني ايضاً لا بيهش ولا ينش، وحتى هذه اللحظه جاوبت على ثلاث اسئله فقط، بقي سوال وهو - كيف تقنع الحرمة إن هذا الشي غلط إذا صارت ماتبيه ؟

تعتمد على شخصية الرجل فلا اعذار بخصوص اجتماعتنا الاسريه، ولكن قد تجري الرياح بما لاتشتهي الاخووووات يعني قد تجتمع مناسبتين في وقت واحد فكما ان لكم حق ايضاً لاهلها حق
فلا باس ان تجلس معكم ما شاءالله ثم تكمل عند اهلها، فلا ضرر ولا ضرار، واحب لاخيك ما تحبه لنفسك بكرا ستكونن بنفس الموقف.
تحيتي لك

قصيمي يعطيك العافية على المداخلة

بـآك

لـآ تعليق يآلعبده >> تمون




:::



موضوعك كنآ نتكلم عنه آنآ وآختي يوم آلخميس ..~

آستغفر آلله آلعظيم آلرجل آللي كذآ مآيسمى رجآل ( مع آحترآمي له )

بس صدق يعني وش فآيدتك آذآ تمشيك حرمه ..{

تصدقين عندنآ عآئله معروفه ببنآتهم آذآ تزوجن مآصآر لرجله كلمه

وآلله موب آبآلغ

حتىآ تخيلي يوم كنآ نخطب لـ آخوي قآل بنآت آلفلـآن مآ آبيهم لو وشو بس

قلنآ ورآه عيآ يقول >> طبعآ حنآ دآرين بس كذآ نسأل

وصديقتي يدورون لـ آخوهم وقآيل لهم بنآت آلفلـآن مآ آبيهم وقآلوآ له ورآه قآل معروف عنهن آن آلرجآل مآله كلمه عندهن

يقول وآحد من صديقآي متزوج بنت من عآئلتهم

يقول وحنآ جآلسين مثلـآ نسولف ومستآنسين

تدق عليه بسرعه آللحين تجي للبيت

آللحين تجي تآخذن

آللحين ... آللحين

ويقوم وهو منقهر


معروف عنهم عند آلعيآل مره

آستغفر آلله آلعظيم آللهم لـآ شمآته

بس وآلله آستغربت يوم شفت موضوعك نفس موضوعنآ آنآ وآختي

اقتباس:

- هل تؤيد / ين هذا النوع من الرجال ؟

لـآ وبقوه آستغفر آلله ..}

اقتباس:

- وش ممكن إنك تفسر تصرفات الرجال اللي كذا ؟

موب رجآل (مع آحترآمي آلشديد له )

اقتباس:

- أي شي يخطر ببالكم عن هالموضوع

كتبنآ


مشكووره علىآ آلموضوع آلخطنطر

ـآلسلآم عليكـم ورحمـة آلله وبركــآته !

آلمـوضوع منتــآز بآلحيييييل .. وخلونـآ نبدأ !

- هل تلاحظ وجود هذه الظاهرة ؟

نعم ويآ كثرهآ بآلمسلسلآت .. لآ لآ جد فيه هذي آلظـآهره لكـن نآدره شـوّي !!

- هل تؤيد / ين هذا النوع من الرجال ؟

آللهم لآ شمـآته .. لآ أؤيده وبقـوه

- وش ممكن إنك تفسر تصرفات الرجال اللي كذا ؟

إنه رجآل زلآبه .. آللهم لآ شمـآته !!

- أي شي يخطر ببالكم عن هالموضوع

وآلله أقول لآ تصيـرون دجآجآت أصقعه !!

و غير كذآ آلرجآل آللي كذآ يكون من يوم إنه صغيير شخصيته ضعيفه إو إن زوجته قويه مثل مآ قآلت إختنـآ صمــت عن آلعآئله ذوليك .. > شكلهم قويآت !

نـوسه مشكـوره على آلمـوضوع آلنقـآشي آلمنتـآز !