رجال وإلا حرمه تعالوا هنا

وش رايكم بالمطر والجو اللي يدوّخ

مساء المطر والربيع للجميع


طبعا كلنا نعرف إن مافيه إنسان معصوم
كلنا نغلط
بس قليل اللي يعترف بغلطه
والأقل اللي يعتذر لما يغلط

اممم
فيه موضوع طاحت عيني عليه عن اعتذار الرجل للمرأة إذا غلط عليها والعكس
وطبعا أغلب الردود جت على إن الرجال مستحيل يعتذر
وعلى قول أم رأفت : ( نجوم الثريا أقرب من إنه يعتذر لك )
ومن واقع التجربة جِد نشوف أغلب الرجال مستحيل يجيك ويقول لك : أنا آسف
وإلا معليش أنا غلطت عليك وياليت لو تسامحيني
ما أدري هل يحسون إن اعتذارهم يقلل من رجولتهم ؟
وإلا أصلا مايعترفون بالغلط خير شر <-- هذا الموت
وفيه بعضهم لا حرام يعترف بالغلط بس مايقول لك إنه غلطان ويجي يتأسف شفهيا
لا ممكن يسوي لك شي حلو تحبه
يوديك لمكان عارف إنك تنبسط فيه
بس مايقول : أنا آسف ، لكن تقرا من تصرفاته إنه يحاول يعتذر عن هذا الفعل بطريق غير مباشر
يعني مثلا لو تهاوشتوا وجاك وقال لك وين شماغي ؟ وإلا أكوي شماغي ، ترى هذا معناته إنه يراضيك
وأحسن شي اللي يجيك ويقول لك : أنا آسف غلطت عليك
أما عاد اللي يجيب لك هدية هذا ليته يغلط كل يوم
وتجي عاد الحرمة اللي ماتعوق وتقول : وش دعوى تتأسف مابيننا اعتذار ، وهي تفرك من جوا تقول إن ماجاء يعتذر والله لأسوّي وأفعل
عاد الحرمة الخبلة والخفيفة هي اللي إذا غلط عليها وزعل راحت هي اللي تراضيه




*
*


( أنت رجال ؟ تعتذر وإلا لا ؟ ليه ماتعتذر ؟
حرمه ؟ عمرك صار لك موقف كذا ؟ من يعتذر ؟

عطونا حتسيكم عن هالموضوع
وشيلوا وحطوا لأن الموضوع تحت أمركم


ترى كل هالكلام من راسي إلا كلام أم رأفت بس

وشسمه

موضوعك آبطل من آلليز وتسآلي


آلموهيم


آلـآعتذآر من آلرجل مستحيل يقوله لو وشو بس

وآلله لو تقعدين طول عمرتس وآنتِ زعلـآنه تحترينه يرآضيك مآفيه آمل

وحنآ يآلحريم طيبآت علىآ طول نرضى


ولو زعل نقوم آلدنيآ ونقعده عشآن يرضىآ >> مآيلحقون جزآنآ


مدري ورآه آحس آلموضوع بتصير به هوشه


نوسه

موضوعك فللللللللللللللللللللللللللله وسندريلا>>بدينا بالمصاله

امحق مراضى اكوي شماغي>>يسمع بالرومنسيه هذا

هذا لايرضي ابد يجلس زعلان احسن له



نوسه الحين قصي يدي ان مادخلوا المماليح وقالوا انا حنا ندور رضاكم ويعتذرون وعادي

وفيصل بيبدا بالهوش وبيدخل بالموضوع سدير


ونتمنى لك المزيد
موضوع مغلقامن الحين>>>متفائله

ونوسه دوك

قصيمي أشوا إنك منتب رجلي

يعني هذا الشي يبرر لك إنك تغلط عليها وتمشي ؟ طل والله

اقتباس:

ثانيا:- المرأه مثل البعير تشيل بقلبه، يعني لو اعتذرت راح تفتحلي سجل من الاخطاء لن ينتهي ابداً، فا التطنيش ارحم.

الأخطاء من وين جايبتها ؟ من الشارع ؟
حنا ماقلنا سبّل عمرك ورح اعتذر لها كل ماغلط عليها أحد حنا قلنا إذا أنت غلطت اعتذر عن غلطك

اقتباس:

ثالثاً:- المرأه مثل العود على اول ركزه اذا اعتذرت منها تعودت ان تنتظر الاعتذار على كل صغيره وكبيره والا راح تتنفخ كل يوم لذلك ماحد الله اعتذر من اساسه.

وجع ذي ماصارت حرمه حمار _ الله يكرم الجميع _ ، يعني تبي تغلطون وماتعتذرون عشان ماتتعود على الاعتذار
وأنت ورى ماتعوّد روحك إنك ماتغلط

اقتباس:

رابعاً:- يبقى الرجل له هيبته وعزة نفسه فلن اذل نفسي ومصيرها ترضى.

الغلط ذلة وعدم الاعتذار عنه عزّة بأي قاموس هذا ؟
الغلطان يعتذر وبيكون قدره محفوظ لو اعتذر ، وبتصير مكانته أعلى من اللي يمشي ويغلط ويخاف تعتذر بعدين تروح هيبته



قصيمي مشكور على المداخلة

والله الموضوع شيق << متعوب عليها


بس انا اشوف ان الشعب الان تثقف مو زي اول يعتبر الحرمه ولا شي .. بالعكس انا اعتقد ان اغلب الشباب صار يخاف من حرمته << كل واحد يتكلم عن نفسه


يعني انا عن نفسي ما اشوف فيها شي لو اعتذرت لزوجتي او لاختي او لحبيبتي << وراه خربها


بالعكس الاعتذار اعتقد انه شي كويس بس اهم شي ان الطرف الاخر ما يعتبر الاعتذار ضعف او عدم رجوله لانه لو اعتبرها كذا ضاع الهدف من الاعتذار .. ونفس الشي للحريم بعضهم تشوف ان اعتذارها لزوجها بيقلل من مكانتها عنده و ...

finally, I hope to make that us goal