حديث غيمة : |

ياكل الرياض ..
ـــــــــــــــــــــــ ضاقت سماك بطير ؟!

ياحلو الواحد لما ينجز أشياء ماكان متوقع يسويها

بس اللي يقهر ،
على قد الفراغ اللي كنت أحسه هذيك الأيام
صار عندي ألحين أشغال يوم بديت فيها
تحسفت إني ماسويتها هذيك الأيام ..


ياشين الشغل إذا جاء مع بعض : (
وياشين الفراغ <--- ماينعرف لها

يالله رُبّ ضارة نافعة يمكن ماعرف قيمة الوقت
إلا لما أشوف وش كثر اللي أنجز فيه ..

يارب التيسير والتوفيق من عندك

أما اليوم شوي وأصيح
موقف لا أحسد عليه

تخيلوا الفصل اللي راح عندي طالبة حملت مادتي
المهم جت لي بداية الفصل قالت : أستاذه أي شعبه تدرسين ؟
قلت لها رقم شعبتي ..

يوم جاء وقت محاضرتهم لقيتها تنتظرني عند الدرج
قالت : أستاذه تعالي أدلك قاعتنا ..
رحمتهاا مرة مدري ليه ..
ورحت معها ..
المهم مارتحت أدرس هذي الشعبة مدري ليه ،
يجيني أنواع الإكتئآب قبل محاضرتهم وأثناء وبعد المحاضرة

كذا لاشعوريا يوم السبت لقيت نفسي عند الوكيلة
أقول لها : ودي تغيرون قاعتي مارتحت لهم

قالت : شوفي أحد يبدلك وأنا ماعندي مانع ..
ولقيت أحد وبدلت الحمد لله ..
جاء يوم الأثنين أنا رحت للقاعة الجديدة والأستاذة اللي بدلتها راحت لقاعتي ..

خلصت المحاضرة ، جتني قلت : بشري ؟
قالت : من دخلت وهم يسألون عنك ..

قلت : قولي لهم يريحون

يوم جاء اليوم جتني هذيك البنت اللي حاملة المادة ، وعيونها مليانه دمووع
قالت : ليه تسوين فيني كذا يا أستاذه ؟
كذا تروحين وماتعلمينا ولاشي

أستاذه تكفين أرجعي وإلا بجي معك
أستاذه بنروح الوكيلة نخليها ترجعك


قلت لها : لا وين تروحون أنا اللي طلبت يغيروني
بس ماعندي مانع تجين عندي
روحي ضبطي جدولك وتعالي عندي

بس المشكلة خلاص انتهى وقت تعديل الجداول

يارب يوافقون إنها تجي عندي

وتاقت نفسي لك يا

..........................مهوى الأفئدة..


مدري وش فيني اليوم مشتهية أروح لمكة

حينما ينقضي الليل بصحبته
إذا رحل [ هو ]
وبقيت و الليل
بلا دليل ..

علمتُ حقّا
أن الليل طويل ..



لك وحدك ..

ويسكنني الحنين
تطوّقه عبراتٌ السنين

ذكرى .. حلوةٌ .. موجعة
صادفت قلباً رهيفاً
فتوالت عليه " لِتقُضّ مَضجعه"




لكل من هوى به متصفحه هنا

هكذا اليوم
مثل هذه الصفحة البيضاء
نملأه بما نشاء
سعادة أو حزنا
وربما كان كله هناء
حينما نسلّم أمرنا لربنا
ونؤمن بالقضاء ..


أعجبتني مقولة لابن عمر _ رضي الله عنه _
( أصبحتُ ومالي سرور إلا في مواضع القدر )
يالله ما أعظم تسليم الصحابة وإيمانهم بالقضاء والقدر
فهو هنا متيقن أن يومه كله سرورا لأنه لن يحدث له إلا ماقدره الله ،
وماقدره الله سعادة حقا ..

وقال أحد التابعين فيما معناه :
( لو خير كل إنسان بما يجري له لما اختار غير ماختاره الله له
فكل قضاء الله خير )
لكن ربما لم يسعفنا إدراكنا بالوقوف على ذلك الخير

يارب رضنا بالقضاء والقدر

صباحٌ مختلف

الأمس ..
كان طويلا جدا

صبحه مُفزع
ومنتصف النهار صداعٌ شديد
وليله ارتباكٌ مُلفِت

قبل وقت النوم
كانت الحلقة ستنتهي بتأنيب الضمير

وخلاصة اليوم
لاشيء : (

بالرغم من طول الأمس إلا أني لم أخرج منه بشيء يذكر
وكنت أظن بأني سأفعل وسأفعل : \


اليوم بدايته تبشر بالخير

ليس الخيارُ لقلبي
بلْ أنت مَن
خلّفت حُبّا
أهملتَهُ فَحَويتُهُ
ورَعَيتُهُ
واليومَ حانَ له "الفطام"

*
*
*

فيه واحد شاف رؤيا
ناس كثيرين بمقبرة وطالعين منها
وفيه زي البذر مرمي على الأرض ومفرّق
وكل واحد منهم يحاول إنه يجمع أكبر قدر ممكن منه
زي ماتجمع الدجاج العيش ..
المهم يقول : كل الناس يتحركون ويجمعون إلا شخص واحد !
سأله ، قال له : وش يسوون هذولا الأموات ؟
قال يجمعون من دعوات المسلمين ..
قال : طيب أنت ليه واقف تتفرج عليهم وماتجمع ؟
قال : لأن عندي ولد يدعي لي وما أحتاج إن أحد يدعي لي

المهم يقول : بعد فترررة تكرر علي نفس الحلم ، بس لقيت الرجال هذا جالس يجمع معهم ..
سأله : ليه تجمع معهم وولدك يدعي لك ؟
قال : ولدي مات

قصة تصيّح : (





ياكثر الأشياء اللي يقدر يسويها الواحد وتكون سهلة عليه
وينفع فيها غيره ومع ذلك يغفل عنها ..

يعني دعوة للأموات يمكن توافق شخص في أمس الحاجة لها وإحنا ماندري
ويمكن لما ندعي لهم يسخر لنا ربي أحد يدعي لنا عقب مانموت


اللهم اغفر لجميع موتى المسلمين