عامين أحبك و أكتم الحب و أخفيـه )":

بسم الله الرحمن الرحيم /



امس هو الرابع عشر من اذار اقصد الرابع عشر من مارس ( سؤال رومانسي .. وش يذكركم هاليوم فيه ) ??

صح صح عليك .. يذكرنا بميلاد منتدى العزبه

طبعا ممكن يطري على بالكم سؤال .. ليش ما سوينا كيكه زي السنه اللي راحت !!

بقول لكم ان العام ما كان فيه انهيار اقتصادي في العالم أما الحين الواحد لازم يشد الحزام , يعني لحد يعشي احد في مطعم فاخر , حدكم سندويشة كبده وواحد ببسي

وعلى طاري الازمه الاقتصاديه ,, اذكر ايام ازمة الخليج ,, كانوا العالم يعبون المستودعات مواد غذائيه ورز << يعني الرز موب مواد غذائيه

المهم اذكر ابوي جايب 10 خياش رز وحاطينها بالمخزن .. وانا من ذاك اليوم الى هذي اللحظه يدور في خلدي << خلدي لو شلنا حرف ( ل ) تصير خدي << خدي لو شلنا حرف الخاء صارت دي << اطلع برا وسكروا المنتدى

ايه اقول لكم انه يدور في خلدي الحين لو ان صدام الله يرحمه ويحلله ويبيحه ضاربنا بكيماوي << كيماوي لو شلنا منها حرف ال .. <<اخلص علينا

الحين لو انه ضاربنا كيماوي كان من بياكل هالخياش

نرجع لموضوعنا

طبعا حنا الحين في عام 2009 .. وفيه انجازات كثيره صارت للعزبة خلال السنه الماضيه من اهمها :-

1- خلال هالسنه كسبنا تواجد شخص يكفينا منه طيبة قلبه وعمره ما قالنا لا ابدا ويشاركنا باراءه واقتراحاته لكن عيبه انه ما يبي يكون مشهور انه جيسس (support)

2- نوسه تركت الاشراف بعد فتره طويله وتفرغت لحياتها العمليه << قلنا انجاز مب خساير

3- مستر مدري يتعين مراقب بدل من ام شعر ملولو وابو سعود اللي ما يحبني

4- نوني من عرفناها وهي بتنزل فعاليه والى اليوم ما شفنا شي

5- احس اني مملوحه للحين تبحث عن وظيفه

6- فيصل اكثر واحد في السعوديه يغيّر لوحة سيارته لأنه يسوي بلاوي الله يصلحه

7- الخال صار معد يكلمنا و متكبر علينا من عقب ما مسك اوباما الحكم

8 - تم فقد الاختين يعيرونن قنو والاخت وحى وحى في ظروف غامضه لمن يجدهم ارجو تبليغ اقرب مركز شرطة (الصور في الاسفل )

<< لاعمره يكتب انجازات



المنتدى مر بأوقات صعبه خلال هالسنتين وبوقفتكم الله لا يخلينا عدينا المحنه ..
ولله الحمدلله اعضائنا فيهم ميزه نادر تلقها بالمنتديات الثانيه.. وهي انهم تقل عائله وحده فيهم التقي وفيهم الداشر


طبعا حكمتنا في الحياة هي ( العزبة بالكيف وليست بالكم )




في الختام نشكر اختنا ظلال حليمه بولند ( بنوته فله ) على تصميم الاستايل والابداع فيه واشكر الجندي المجهول في العزبة (support) على تركيب الستايل في فترة قياسيه وعلى الرغم من فارق التوقيت بيننا وبينهم




وشكرا لي ..

نقطه انتهى

هلا هلا

ياحبيلها عزبتنا حتى لو زعلنا منها مانقدر نفارقها

::

ياحبيلها ذا الآدميه أطلق وحده بالعالم

وشسمه عاد طيب هي شوي تنشغل والحين هذاها بتسوي بس تنتظر مستر وصمت



-

اقتباس:

تم فقد الاختين يعيرونن قنو والاخت وحى وحى في ظروف غامضه لمن يجدهم ارجو تبليغ اقرب مركز شرطة (الصور في الاسفل )

كثير فاقدين حتى قوطي وماش كثير والله

اقتباس:

في الختام نشكر اختنا ظلال حليمه بولند ( بنوته فله ) على تصميم الاستايل والابداع فيه واشكر الجندي المجهول في العزبة (support) على تركيب الستايل في فترة قياسيه وعلى الرغم من فارق التوقيت بيننا وبينهم

بنوته يااي مرره يجنن الستايل

سبورت ,, مافي كلمه توفيك حقك

::

للأمام ياعزبتنا ,,

الى الأمام ياااعزبتنااا بس انتبهي لاتصدمين << ماصله والله ادري

عقبال المية سنه انشاالله

ومشكوورين كل اللي بذلووو جهدهم ليزيدون العزبه بريق ( دله ) سوى خلف الكواليس او بجنبهاا

ياحبيلها العزبة ميلادها بـMarch زييّ

أجل بسوي لها حفله معي بس الاسبوع الجاي


عقبال ماتصير شبكة عالمية


شكرا لكل اللي ساهم بنجاح المنتدى .. راعي العزبة ,support, فيصل , دمار ... وآخرون

والشكر موصول لكل الأعضاء الله يعطيهم العافيه وعلى رأسهم أنا




والله يديم علينا هالمحبة والتعاون .. وصح لساني

اول شي المنتدي روعه بمعني الكلمه

للا ماما ياعزبتنا

عقبال الميةسنه انشا الله

مشكورين

,’

عزبتنا شي روعه ، ولو أتكلّم من اليوم لبكرا ما أوصّل لكم حبّي لها

الأحمرات لكم ألف شكر على كل شي ،،

اللي راحوا يا رب يرجعون قريب

الله لا يفرقنا أبد ’’

في مثل هذا اليوم من السنه القادمه سوف يوكون عدد المشاركات مئة الف مشاركه

شاكر ومقدر

الصراحه اني قضيت احلى ايام هنا في العزبه

صح اني ما اعرف احد ولا احد يعرفني

لاكن يعلم الله انه احسن منتدى سجلت فيه

ويكفي اعضائه واخلاقهم الحلوه

شكرا لكل من ساهم في نجاح العزبه من اعضاء واداريين

وعقبال مية سنه قدام يا احلى متدى في قوقل