المطعم الهندي

بسم الله الرحمن الرحيم ..


اصدقاني العيال وصديقاتي البنات امس هو عيد الأم ,, بصراحه انا مدري ليش هالناس متخلفين يعني الأم لها يوم والاب له يوم و الايتام لهم يوم المفروض كل ايام السنه يوم ام و يوم اب ويوم ايتام ويوم شجره << الاخيره جت معهم بالغلط

بصراحه تخلف .. بس ماعليكم من هالحكي وخلوني اقول لكم سالفة قديمة صارت لواحد من العيال مره كان رايح للبقاله بيشتري بطاقة شحن سوا عشره ريال ,, وكان مستعجل وراعي البقاله هندي والظاهر توه جاي المهم قال له خويي عطني بطاقة سوا عشره ريال .. جا هو عطاه بطاقة ام 100 ريال قال معليش هذي بطاقه 10 في جنبها صفر ينفع خويي حيوان قال يالله مو مشكله هات , ومن ذاك اليوم معد شاف الهندي الظاهر راعي البقاله سفّره

ندخل لموضوعنا اليوم .. زي العاده كنت عازم فيصل لمطعم (كوبر الهندي ) << مدري هو اسمه كذا او شي يشبهه اللي بنهاية شارع التحليه

(فاصل)

على طاري شارع التحليه انا ملاحظ ان اللي يدورون هناك ابو حنوس وكاثرين بشكل غير طبيعي وش اللي عرفهم بالاماكن هذي ,, يعني خلاص شارع الاربعين اللي بالنسيم ما فيه احد يدور

(عدنا)

زي ما قلت لكم كنت عازم فيصل على العشاء و قلت له يا ولد وين تبي نتعشى قال مشتهي المطعم الهندي , قلت يالله قدام , قال ما تجزم , و رحنا للمطعم آنف الذكر , ودخلنا برجلنا اليمين , وقعدنا في المكان المخصص للعائلات (تخبرون فيصل معي وانا اغار عليه من عيون الذئاب البشريه ) ,, المهم ونطلب طلبات على النية مدري وشي الصراحه بس الزبده انها كانت حلوه وان شاء الله فيصل بيصير رجال ويعزمني فيه قبل اسافر

وهذي هي الصور
























وبعد ما خلصنا العشاء عطونا ورقة ملاحظات نعبيها وماقصرنا معهم عبيناها نحسبهم بيعطونا جائزه وقعدنا عند الكاشير نحتريهم يعطونا شي بس قالوا لنا سي يو ليتر

أعرف هآلمطعم موب شين أكلهم

والخبز حقهم حلو اذا جاك حآر

دمآر متى بتعزمن أن شآء الله

أهم شي ههههههههههههههههههههههههههههههههههههههههههههههههه

يآربي بس لاتسخط علينآ

اقتباس:

وان شاء الله فيصل بيصير رجال ويعزمني فيه قبل اسافر

سمعت فيصل أعزمه وخلك رجآلن سنع

خلوه يحلف انه هو اللي عازمني

العيد الام اكبر تخلف يعني ماتعرفون امكم الا هاليوم >>استغفر الله
على طاري العزيمه
ماشالله عليك يادمار شقردي
المفروض هو الي يعزمك دامك عنده>>>بتنجلد من فص فص

شكل المطعم حللو

حركات دمار عازم فيصل
ملقوفه


المفروض هو الي يعزمك لاناك بتسافر

لوووووووووول

دمار احلف انك انت اللي عازمه .. P:

بالعافيه على قلوبكم مطرح ما يسري يمري ..

دمآر .. قل فتحي


اللآآه كوبر شندني

علييييك خط ..كانه خط اختي بثاني ابتدائي

الله يرحم أيامك ياأخوي ..مايعزمنا الا بهالمطعم -<الصراحه ابثرنا به بس فقدناه


بالعافيه على قلوبكم

هو هو ياخزيااااااااااااااه فشلتناااااااااااا

حتى هم ماسلمو من ظرافتك اجل تكتب تبوني ارقمكم وش تحس فييييه


بالعاااافيه على قلووووبكم

ولاتعزمون ولاشي

جعلكم المر << بالعافيه


دمار دايم احس فيصل هو اللي يعزمك مب عيب عليك ؟





من اللي كاتب الكلام؟ حلو خطه