اخيرا ركبت بي ام ..

بدون مقدمات انا بخبركم قصتي ..


انا كشخة ورزة وكلامي دايم مسموع << مداح نفسه كذاب ..


المهم انا معي ددسن 89 باب واحد والباب اللي عاليمين لونه اسود ,, واسمي محمد اللي مخقق نص بنات الرياض << تراني صادق هههههههه ..



بداية قصتي يوم كنت صغير ,, قدر الله علي وعرفت الخال يوم هو صغير وكان سبهه ودب وشكله فالسطل ,, كان جيران ولد خالي ,, وكان ولد خالي دايم يشتكي منه لانه يضربه ,, وكنت انا الفزعة حقت ولد خالي ,, وكنت دايم اصفق الخال ,, << صجيتكم بولد خالتي ..


المهم نقل ولد خالتي عن بيت الخال وفرقتنا السنين عن بعض ,, درست وحست ورحت وجيت ..

وشاءت الصدفة اني اقابل الخال بالجامعة وكنت من زمان عنه بالبداية ما عرفته ,, وكنت امشي معه واناديه فيصل الــ << احم احم >> وما جاء ع بالي اني يكون فيصل اللي كنت اعرفه زمان ..


وبعد اسبوعين جاب طاري ولد خالتي << لحول >> وقلتله انت تعرفه قال ايه كان جيراننا قلقته صادق انت ,, قال ايه ,, قلت يعني انت فيصل السبهه السكه الغبي المتخلف اللي كنت دب وكنت اصفقك دايم قالي ايه قلت ونعم ..


وبعد كذا صار فيصل صقيقي الصدوقي المصدي ,, يعني صرت اغششه بالاختبارات لمين حمل له كم مادة يعني وصرنا فلله ..

وفي يوم من المماريت جا وقالي وش رايك نطلع انا واياك اليوم ,, قلت قدام ,, قال تدري شلون الوعد محطة هيت - للي ما يعرفها اللي على مخرج 14 - قلت طيب ,, عاد انا قلت لازم اتكشخ حتى يقول وش ذا الجنتل جيت رحت وشريت بخاخ ابيض حتى اصبغ باب ددسني الاسود ,,

وشريت لي شرابات وزبيريات جديدة ورحت اغسل الددسن ووقفتها عند محطة هيت قاعد احتري الخال ,,


وما دريت الا وذيك البي ام الجاية والزنن يدهر قلت لحول وانا مسوي كاشخ انا ووجهي ..


وينزل الخال وجيت سلمت عليه وحبيت كتفه << متأثر بالاخبار


المهم قمت اناظر الددسن حقتي وحقدت على عمري ,, قال هو وش تبي من البقالة قلت عطني مالبورو احمر << يعني تراني قوي ادخن ,, جا راح للبقالة يجيب الاغراض قمت انا انتظره ويوم جا وقابل واحد يعرفه وقعد يسلم عليه جت سيارة ورا سيرة الخال يبي يعبي بنزين جا الخال وعطاني المفتاح وقالي وخر السيارة <<< هنا تقع المشكله ..

يعني انا بحياتي ما ركبت سيارة من بعد الموديل 89 يعني افخم سيارة عندنا جمس 89 احمر ..


وقمت اناظر السيارة واناظر المفتاح << تورط الرجال ..

واللي يطق بوري قمت انا قلت ما يبيلها عرفت الطريقة ..


افتح ياسمسم ,, افتح ياسمسم << عيت السيارة تنفتح ..

جا الخال وقال وش فيك قلت لا بس ما تعودت اركب سيارات بايخة زي البي ام << ايه هين ..

قالي وين سيارتك لبقها زين حتى ما تنسرق ,, قلت والله ان الدي بي 9 بالورشة << معرف اكذب
وجيت مع السواق بالفانتوم حقت اختي وراح السواق اختي تبيه ..






المهم انا مليت من الكتابة والقصة ماصلة وانا امصل منها بس حبيت اقولكم بعد ماركبت البي ام وش عيوبها ..


1- انك اذا شغلت المكيف يصير مكيفها بارد ..

2- انك اذا طولت ع صوت المسجل يرتفع الصوت ..

3- انك اذا دعست بنزين تمشي ..

هههههههههههههههههههههههههههههههههه
ههههههههههههههههههههههههههههههههههههههههههه


ياخي اخر ماكتبتـ .. شيء عجيبـ .. ماقــد .. شفت مثل عيـوبهآآ ..
البلا انك اذا دعست بنزين تمشي السيــآآرهـ .. غير الونيت تنتعهـ

<--- بتنجلد من كلـــآمهآ

اقول وانا اختك لاعمرك تكتب سالوفه وانت خدران وباديه حالة الخمبقه ..

ترى ماانصح بهآآ .. وشوي شوي تطلع الخورهـ ..

ينطيك العافيه

الخمبقة / الخورة << يبيلك قاموس انتي ..

هههههههههههههههههههه


مشكورة ع مرورك ..

اهنن اهنن براعي الددسن

اشوا انك عرفت

اقتباس:

المهم انا معي ددسن 89 باب واحد والباب اللي عاليمين لونه اسود ,, واسمي محمد اللي مخقق نص بنات الرياض << تراني صادق هههههههه ..

طيب والنص الثاني وراهم مايخقون؟

ولا مرتبطين

<<تجاريك بالمصاله

اقتباس:

وشاءت الصدفة اني اقابل الخال بالجامعة وكنت من زمان عنه بالبداية ما عرفته ,, وكنت امشي معه واناديه فيصل الــ << احم احم >> وما جاء ع بالي اني يكون فيصل اللي كنت اعرفه زمان ..

شسمه يقلون رب صدفه خير من ألف ميعاد <<صح كذا ؟

اقتباس:

وبعد اسبوعين جاب طاري ولد خالتي << لحول >> وقلتله انت تعرفه قال ايه كان جيراننا قلقته صادق انت ,, قال ايه ,, قلت يعني انت فيصل السبهه السكه الغبي المتخلف اللي كنت دب وكنت اصفقك دايم قالي ايه قلت ونعم ..

كل هذا ونعم؟

اجل لو تمدح وش بتقول؟

ولا هذا مدحك؟

اقتباس:

وفي يوم من المماريت جا وقالي وش رايك نطلع انا واياك اليوم ,, قلت قدام ,, قال تدري شلون الوعد محطة هيت - للي ما يعرفها اللي على مخرج 14 - قلت طيب ,, عاد انا قلت لازم اتكشخ حتى يقول وش ذا الجنتل جيت رحت وشريت بخاخ ابيض حتى اصبغ باب ددسني الاسود ,,

شسمه انا لو يدرسوني الطرق سنه كامله مستحيل اعرف
بس لو ابو شراره يخليني اجلس مكانه كان انا بخير <<منزعجه من ابو شراره ياخي ابوي بس يتكلم عن ابو شراره وانا دايم اسمه ولا أدري وش سالفته عاد القدر جمعني بأبو شراره وانا بالسياره مع ابوي وأشهق واقول لأبوي هذا ابو شراره قال ايه ليه قلت لا بس ابي اتعرف عليه <<ترا ماجاني كف ابد

وقد شفته بالقناة الأولى السعوديه وحبيته صراحه كنت متخيلته شي شي طلع ولا شي

اقتباس:

وما دريت الا وذيك البي ام الجاية والزنن يدهر قلت لحول وانا مسوي كاشخ انا ووجهي

شف انا مو قلت لك لو يدرسوني الطرق سنه مستحيل اعرفهم؟

ترا حتى لو يدرسوني انواع السياراة الف سنه مستحيل اعرفها

اقتباس:

المهم قمت اناظر الددسن حقتي وحقدت على عمري

ياولد الحلال اهم شي انها تمشي ترا اذا صار حادث وتعجنت السيارة ماراح تفرق بين سيارة حلوه او شينه <<الله من زين التشبيه

اقتباس:

المهم انا مليت من الكتابة والقصة ماصلة وانا امصل منها بس حبيت اقولكم بعد ماركبت البي ام وش عيوبها .. 1- انك اذا شغلت المكيف يصير مكيفها بارد .. 2- انك اذا طولت ع صوت المسجل يرتفع الصوت .. 3- انك اذا دعست بنزين تمشي ..

يؤ يؤ كنت ناويه اشتريها واسوق
الحين هونت كل هذي عيوب خلاص مابي مابي