قصتي انا و رينو وندو وغدو

هلا والله شخباركم ؟ وش اخبار الاهل ؟ ان شاء الله بخير

يوم الايام وقت من الاوقات قلت انا ورينو وندو وغدو نبي نسافر بره نكمل دراستنا
وافقو اهالينا وسافرنا المهم مره سوينا مشكله في الجامعه انا وندى تهاوشنا وتدخلت رينو وغدو وجلسنا نسطر بعض تدخلو الناس يفكونا بس ماقدرو ودونا للمدير هاه وش المشكله الثانيه قلت يااستااذه اقصد يا استااذ مليت انا والله مليت السودانيه دايم اتهاوش معها قال :. ندوو تبين تعهد ليه تهاوشين منال قالت :. كل تبن انت مالك دخل يالله انقلع قام يهاوشها يقول وش ذا الالفاظ السوقيه قلت :. لا تجاريه هاهاهاها . قال :. تنكتين انتي وخشتس شيلي ربعتس وبنت عمتس والله لا يبارك فيكن جننتوني وبكره بقدم استقالتي قالت رينو بكل وقاحه :. ايه قدم ابرك ساعه
قال :. لاتنسين انتي وذوليك مطرودين
وصلنا الباب وذكرنا
انا :.كانه قال مطرودين
ندو :. لا تتوهمين
رينو :. الا كاني سمعت
غدو :. الا قاله
ندو :. ايه ايه تذكرة قال حتى هو بجلس في بيته
انا وافكر وصرخت :. يااغبيااا الحين وش نقول لاهلنا
ندوو :. يؤؤ تتوقعين جدي يزعل لا وش بيسوي فينا
رينو بدت تصيح :. لاا مابي بروح احب راسه
غدو :. ان حبيتي راسه ما اعرفتس ولا تعرفيني ومتبريه منتس

وصلنا البيت
وانا على الكنب وجالسه افكر واصرخ واقول لقيتها
الا وتطمر ندو على الكنبه من اليمين ورينو على اليسار طيروني وغدو في الاض متربعه <~ سعوديه اصليه
قلت اسمعو يابنات :. بتصل على امي تجيب الطبول
قالت ندو :. وش نستفيد منها
قلت :. يادجاجه نطق في الشارع ونشتهر
قالت وقفت رينو :. نعم نعم نعم عيدي ماسمعت
قالت غدو :. نصير طقاقات وش فيها
قالت ندو :. عادي ونسمي الفرقه فرقت الاصدقاء
رينو :. لا والله احلفوو ماااااااااابي
انا :. ايوا اجل ماتبين هاه بتقعدين في البيت لحالتس لا جامعه ولا طقاقه براحتس
غدو وندو :. مينو بلييز اتصلي على امتس خليها تجيب الطبول
انا :. طيب

تووووووووووووووووت توووووووووووووووووووووت
ردت امي

انا :. الوو ماذر
امي :. هلا ببنيتي هاه شخبارك وش مسويه مرتاحه ماكله شاربه
انا :. بخير الحمدالله انتي شخبارك
امي :. بخير الحمدالله
انا :. يما وين الطبول حقاتي
امي :. بسم الله عليك وش تبين فيها فيك شي
انا :. يما طفشانين ومافي شي نسويه ونبي نسلي نفسنا
هينا امي شكت :. ودراسه
انا :. اذا خلصنا من دروسنا مافي شي نسويه
امي :. اجل خلاص برسله
انا :. شكرا ماذر يالله ومع السلامه
امي :. بحفظ الرحمن وانتبهي لنفستس وبنت عمتس وربعتس
انا :. ابشري
غدووو :. هاه بشري وش قالت لتس
انا :. بتجيبه
وتنط ندى لرجليني واصرخ صرخه :. ااااااااااااااااه ياسودانيه يكفي مطرودين من الجامعه من سبتس لو انس ماخذتي شنطني كان ماتهاوشنا ولا صار شي بس صار الي صار
المهم جابو الطبول ونجلست في الشارع وحنا لابسين عبايات طرارات هع ونطق ونبدع

و ياسلامي عليك ياسعوديه والخ ...

ناس تمر وتذب فلوس ناس تناظر بكل وقاحه وناس تتطنز وناس عاجبهم الوضع وناس موب فاهمين شي
المهم اشتهرنا والكل بس يبي يسمع لفرقة الاصدقاء حطينا لنا رقم
لنغني لحفلاتك ام سعوود ارعص رقم 1
لنغني لاسمك ام فيصل ارعص 2
لتسمع بعض الاغاني ام خالد ارعص 3
لتتراسلو معنا ام عبدالعزيز 4

ناسي عجرم :. بعد مينوو مابي اغني هي وخرت معجبيني
نوال :. شلة الصداقه خربت مستقبلي
هيفاء وهبي :. طاحت سمعتي بعدهم
تامر حسني :. ماصار احد يسمع لي
وكثييييييييييييييييييير يشتكوون الحال

في الليل اتصل علينا كاكا وقال :. بجي عندكم قلنا :. لا ليل وحنى ناس نخاف على نفسنا
قال والله اني منيب مسوي شي بس بقولكم شي قلت قله في التلفون :. قال مايصلح قلت اجل تعال بكره الصبح
قال طيب وبكرى جانا وقال تعالو غنو في عرسي قلنا:. لا مانقدر
قام يترجى
انا قلت :. خلاص موافقين بس عندنا شروط
قال :. وش شروطكم
قالت ندو :. اول شي مافيه ناس متفصخيين
قالت غدوو :. ومانبي ناس شاذين
قالت رينو :. ومانبي ناس يتراسلون
قال كاكا :. خلاص طيب
وهو كل شوي يناظر ندى ورينو وغدو ويبتسم لهم وانا اطلع نار ناظرني اووف
وصلته عند الباب وقال :. تراتس احلى منهم كلهم
انا استحيت ودخلت

اليوم عرس كاكا ونلبس براقعنا ونرووح للعرس وحنا لخلاصنا لبلدنا قمنا نقول ياسلامي عليك ياسعوديه الخ ... و جنه جنه سعودي ياوطنه والخ ...

المهم قام واحد مدري منهو الظاهر (غابريل كالديرون)
قال :. كاكا اطردهم هذولا طردوني
قال:. كاكا اسمح لي مقدر هم الي منورين اليوم
حمرة خدودي
بعدين رضى وقمت اغني عن السعوديه المهم قام يرقص وفجااة يسجد <~ متاثر
المهم عطشت وجابو لي مويا رفعت البرقع عشان اشرب المويا وطلع وجهي وكانو يصورون وصورو وجهي
وفي الرياض كان جدي يقلب فجا شاف عرس كاكا وفجاء طلعوني وانا اشرب مويا يقول موب غريبه علي في الاخير يوم شاف الطبول تاكد وصرخ
ويتصل على جد غدو ورينو ويعلمه المهم قالو اقرب طياره دخل جدي العرس وكلهم التفتو قاام معط كشتي وكست ندوو وجد رينو وغدو معط كششهم وطلعونا
:. وش تسووون فيذا انتم جايين تدرسوون ولا جاييين تطقوووون هاه فهموني
انا ومنزله راسي :. جدي حنا انطردنا من الجامعه
جدي :.ولييييييييه ماقلتو لي فهموني
ندوو وهي تشاهق :. كنـ...ـا خـ..خايفــيين مـنكووم ومتفشـ..شلين
جد رينو :. لاا وش وهذي الشغله ماتفشل الحين بتصل على اهلكم
رينو :. لا تكفى جدي اضربنا طقنا سوا كل شي الا انك تعلم اهلي
جدي :. اهلكوم اذا مادرو الحين بكرى بيدرون انا قايل لا بناتنا مانبيهم يطلعوون نعرفهم مهبل بس اهلكم الله يصلحهم
وحنا نشيل قشنا رينو وهي تشاهق :. هــاه وش استفدنـ..نا من هبالنـ..نا ؟
غدوو :. ميـ..ميـنو لاعاد تقـوليــن افكارتس
انا :. الحمدالله والشكر اقوول اهجدي انتي وياها يعني بنقعد طول العمر نطق هينا واهلنا بيدرون بيدروون اننا ماطرودين

رجعنا الرياض واستقبلنا وفد من المعجبين وااا وازعااق وحاله وجدي يوخرهم عننا وناس يدقون معجبين وحاله انا عندي معجبين بدون ما اطق
يوم طقين وش صار للعالم <~ واثقه..
المهم عطينا رااشد ارض كبيييييييييييره هديه مننا له لاننا بس نغني اغانيه

وتوته توته خلصت الحتوته
ترا ذي القصه انا مخرفتها بس في اشياء ماخذتها من قصه ثانيه هع

هههههههههههههههههههههههههههههههههههه



قصه رهيبه والي احلى من كذا انها تجذبك غصبن عليك



تكفين نبي غيرها اذا ما عليك امر

وربي فطست ضحك وربي قصتك تجنن

طيب اذا جيتووو تسافرون مره ثانيه ابي اروح معكم <<للحين مصدقه


بس بروح عشان اصير طقاقه مو عشان الجامعه



موضوعك مره مره بطل

هههههههههههههه قصتكم فانتك^^



يسلموؤوؤووؤ