ياولد إنتا وهوّ تعالوا هنا : )

**نوسه** · 01-05-2009, 07:13 AM

اقتباس:

نوسه روحي .. غبرتي علينا

محد قال لكم لاتلبسون كمامات

اقتباس:

والله ودي كذا يصير معي سياره وانفش شوشتي زيهم
وأنادي أصدقاي ونحدد وقت ونجي ورا بعض على بالي ماندري ..
أوه فلانه .. ونقعد نسلم ونسلم ونسلم

والله إنك صادقة
تحسين لهم سنة ماشافوا بعض

وأهم شي بالسالفة نفش الشوشه

اقتباس:

ممم ماعندهم أماكن , كله عائلات عائلات

ماشاء الله المقاهي على قفا من يشيل
وإلا الشارع أوجه

اقتباس:

و لأ أنا موب منهم < نايمه وهي ترد

إلا منهم | بس كملي نومك

اقتباس:

نوسه ,
موضوع حلو , شكراً

مسمسه مرورك الأحلى

العفو

دمار شامل · 01-05-2009, 07:46 AM

هذولي الشباب يتكاثرون بشارع تركي بن عبدالعزيز الاول .. ليش هالمكان مدري بس يوم سالت فيصل قال انهم كانوا يجتمعون بالتحليه ويوم كثروا فيها ابو حنوس .. غيروا محلهم وراحوا هناك

اما انا والله ما احب اوقف بالشارع واقعد اسولف يا نروح لمقهى ولا نركب السياره ونفرفر

مدري يمكن لي باك اذا جا احد وحارشني << مب يقصد فيصل

F A I S A L · 01-05-2009, 01:38 PM

نوسه انا بقول الجواب اليقين .. صدّقيني انا الصح وخذيها مني بـ حكم اني انسان كـُوول شين

اللي تلقينهم في التحليه صافطين على اليمين ويسولفون هذولا يعني ( اللي ماشافو بعض من زمان ) ..

انا اقولك ليش .. لأن التحليه معروفه مكان تجمّع عيال الرياض .. و شي طبيعي اذا واحد راح هناك بيشوف ناس يعرفهم .. وفيه بعضهم ماقد شافهم من زمان يوقفون على جنب ويسلمون على بعض وش اخبارك ووين الناس ووش سويت ووش ماسويت وانت تدرس والخ من السواليف..

انا كذا تصيرلي المواقف زي كذا بعض الأحيان لأني مسنتر 24 تبن في التحليه .. اشوف اخوياي اللي كانو معي في جامعة سلطان(لأنهم معروفين حقين تحليه) والا ناس اعرفهم من برا.. اهم شي اننا من زمان ماشفنا بعض ووننزل نسلم على بعض ونسولف واذا قضينا ركبنا سياراتنا ودزينا

مب شرط التحليه .. اي مكان اصادف فيه واحد من زمان ماشفته نوقف على جنب ونسلم على بعض

اقتباس:

هذولي الشباب يتكاثرون بشارع تركي بن عبدالعزيز الاول .. ليش هالمكان مدري بس يوم سالت فيصل قال انهم كانوا يجتمعون بالتحليه ويوم كثروا فيها ابو حنوس .. غيروا محلهم وراحوا هناك

ايه معروفين حقين التحليه السابقين .. من بدت التحليه تمتلي حنس و هم حوّلو مكانهم من التحليه لتركي الأول وخاصة ورا بيت محمد بن عبدالعزيز .. وانا اول من ينحاش مع اللي نحاشو لتركي الأول

طبعاً التجمّعات تكون بالليل.. اما بالنهار الحنس يكونون مشغولين والا نايمين تلقين الناس في التحليه واذا جا العصر الى تالي الليل راحو لتركي الأول ..

بتقولين وش سبب التجمعات .. انا اقولك ليش؟

لأن اللي يتجمعون مب 1 و لا 10 و لا 20 .. كثاااااار.. يعني قروب اخويا .. كل ويك اند يتجمعون هناك ويسولفون وش صار ووش ماصار

لو يدخلوننا الأسواق كان تجمعنا فيذاك مثل مايتجمعون البنات .. بس وش نسوي؟ لنا الله

بس فيه شي بسييط وبنسبة ضئيله جداً .. يتجمّعون علشان يمرّون البنات ويفتحون الدرايش ويتميلحون عليهم .. وهذي تصيييير كثييير ..

زي مره سالفه قد صارتلي .. كنت مظلل بيربري والمرور الكلب وقفني في العليا العام وخلاني اقشّعها قدام العالم.. حقدت عليه الكلب الجيزاني .. وانا قاعد اشيلها بنت مرّت وفتحت الدريشه تقول ( لا حرام علييك لا تشيلها مرررره تجنن .. مررره شكلها حلو .. مررره مدري وشو !! )
اكييد انها حلوه .. لو مب حلوه ماظللت الشكل هذا

البنات اللي يتميلحون كثير.. مايصدقون يشوفون واحد واقف على جنب الا وفاتحين الدرايش يتميلحون!!

يعني زبدة كلامي والشي اللي ابي اوصله لك يا جدتي .. ان الناس يتجمعون علشان السواليف والسلام.. وهذا الغالب دائماً ..

::
:
::

دمار يا منحط

الزبده يا جدتنااا .. وش رايك بسواليفي؟؟ حلوه صح ؟

**طفلة الورد** · 01-06-2009, 02:23 AM

!!

ياحي زول مرني ياحيه

نجي للموضوع ولو اني بنت
بس ما يمنع

وش يسوون مالقوا مكان يتنفهون فيه ياحياتي حياتهم

- وش اللي يحسون فيه هالشباب وهم مترززين بالشوراع ؟

يعني انا قوي + سيارتي جميله

- أنت من النوع اللي كذا وإلا لا ؟
الايام تثبت
نوسه اذا سقنا نتقابل بسيارتنا هماه

- وش المتعة اللي يلاقونها من الاستعراض ؟
سواليف , سواليف , وراك متحمسه , تدرين يمكن لانك شفتهيم بالنهار على غير العاده

اقتباس:

هذولي الشباب يتكاثرون بشارع تركي بن عبدالعزيز الاول

انا اشهد كثر التراب كثرهم , تشك احيانا ان فيه مُجمع هناك

اقتباس:

و هم حوّلو مكانهم من التحليه لتركي الأول وخاصة ورا بيت محمد بن عبدالعزيز ..

خطر يسدون الحي من كثرهم . .

مره كنت رايحه لذيك الجهه والوقت كان متاخر يمكن 2 باليل تقريبا ومع سواق وكان ذاك الشارع مليان ,
واحد منهم الله لايهنه كان معرض سيارته موقفها بالعرض .. شارع ابوه
على اعصابي انا خفت بس اشوى ان امي معي خصوصاً زي هالوقت وهالحي والعيال اللي متجمعين , بس اشوى صار مؤدب ووخر سيارته ولا سووا استهبال الا اللهم خطر يطبون عندنا من الشرافه بيشوفون من بالسياره

حوبي خلي عيالنا يتنفهون , ويسولفون ويوسعون صدورهم

على اني اكرهه هالحركه

نوسه بحبك

!!

**نوسه** · 01-07-2009, 04:35 PM

مملوحة :

اقتباس:

الحين وش عليتس منهم هاللي يسون كذا واقفين عند باب بيتكم والا واقفين فوق راستس <<

حوله

اقتباس:

نوسه

تكرهيني صح؟

ياليت أقدر

سمو موب قصدي إنهم حارقين رزي بس بعض الأشياء تحسين مالها داعي
تبين الصدق مدري ليه اللي كذا ارحمهم

**نوسه** · 01-07-2009, 04:50 PM

اقتباس:

نوسه اعقلي وخليهم بحالهم

اللي يشوفني يقول جايبتن تريلة تبي تدعسهم

بس شفتهم كثير قلت بشوف وش عندهم

بعدين أحس مكبرين السالفة السوق مالهم فيه شغل كله ملابس حريم وأطفال
يبي يدوجون ويقولون وراكم ماتدخلونا

عندهم المقاهي على قفا من يشيل يروحون ويتلينون هناك ، يتجمعون وهم جالسين مايحتاج يوقفون <- وش عليك منهم هماه هم اللي بيوقفون

شكرا يا الجلادة

**نوسه** · 01-07-2009, 04:53 PM

فرعون

اقتباس:

عن نفسي ما قد جربت هالحركة .. اصلا ما اقدر اوقف بالشارع مع الازعاج والقلق والبواري .. اتنرفز ..

شكلك رقيق

اقتباس:

بس اتوقع انهم يحسون انهم "كول" يمكن؟

والله إنك صادق

اقتباس:

او يمكن يتوقع ان وحدة تمر وتعجب فيه وهو واقف جنب سيارته .. سواء كانت همر 2009 والا فورد 1970 لونها وردي ..

وراه عاد لونها وردي

اقتباس:

الله يهديهم عموما ومن جد نسبة من المشكلة هي عدم وجود تنويع في الاماكن الشبابية اللي ممكن انهم يقضون وقتهم فيها ..

والسواة

اقتباس:

يعطيك العافية ..

الله يعافيك فرعون

**نوسه** · 01-07-2009, 04:56 PM

اقتباس:

انا ودي جذيه عندي سياره واسوق خخخخ

بس ابوي مايرضى اسوق سايره خخخخخ بس عادي بانشي اركبه

عارف لك أبوك

اقتباس:

بس اذا سقت امر على صديقاتي واخذهم ونروح لاي مكانر مول ولاالبحر ولا اي مكان

بسيارتي ياااي وناسه وعاد جمعت بنات ام الوناسه

وتاخذوني معكم

يعطيك العافية هموسه

**نوسه** · 01-07-2009, 05:00 PM

اقتباس:

أول شي صحيح فيه ناس كيذا ..
يعني يقال لي تراني قوي ما احس بالبراد >> الله يشفيه بس !!

ههههههههههههههههه

اقتباس:

وآخر شي أسبوع مصخن عند امه

على قولت أمي البرد داخل بعظامك

اقتباس:

وفيه بعض الناس , كيذا ماتعود يلبس شتوي , مب يعني شوفوني تراني قوي !
بس هو كيذا !!

أنا سويتها مرة بالجامعة على بالي أموت حر وأنا أشرح وغبت من بعدها أسبوع فلونزا حادة

اقتباس:

وفيه ناس فعلاً ترى مايحسون بالبرد مررره , يعني طبيعتهم ماشاء الله يتحملون ..

ياحظهم ذولا ماشاء الله : )

اقتباس:

لا ..

بس تراني قوي

وش اللي يثبت

اقتباس:

موضوع حلوو

مرورك الأحلى سكاي

**نوسه** · 01-07-2009, 05:03 PM

اقتباس:

هذولي الشباب يتكاثرون بشارع تركي بن عبدالعزيز الاول .. ليش هالمكان مدري بس يوم سالت فيصل قال انهم كانوا يجتمعون بالتحليه ويوم كثروا فيها ابو حنوس .. غيروا محلهم وراحوا هناك

إيه أنا دايم أشوفهم هناك ، حتى الظهر وأنا جايه من الجامعة يترززون

وفيصل ماشاء الله كلش يعرفه ماعنده لا أعلم أبد

اقتباس:

اما انا والله ما احب اوقف بالشارع واقعد اسولف يا نروح لمقهى ولا نركب السياره ونفرفر

أنت بسم الله عليك مميز

اقتباس:

مدري يمكن لي باك اذا جا احد وحارشني << مب يقصد فيصل

جا فيصل وماجا باكك

شكرا دمار

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

ياولد إنتا وهوّ تعالوا هنا : )

|| الـمـجـلـــس