قصت الخال مع الملك عبد الله ..

السلام عليكم

كلش عاد ولا منى تصدقون اني لاشفته يجيني عسر هضم << يقلع ام الخشة ..
كيفكم شباب وصبايا العزبة المخيسة << بيتصفق ..

______________________

اليوم : الأربعاء 20/ ذي العمرة / 1429 ه << وش هالشهر الجديد ..
المكان : مطار الملك خالد الدولي ..
الرحلة : رقم 46222 المتجهه لمطار اسطنبول الدولي ..

سيداتي أنساتي سادتي المتوجهون إلى تركيا نرجو منكم التوجه للطيارة وأولكم so_what .. اليوم بنخليه يركب بجنب السواق,, الرجال يروحون مع باب الرجال والحريم يروحن بعد مع باب الرجال لانه مافيه إلا باب واحد للطيارة ..

ركبت الطيارة وكان بجنبي واحد منتهي شكله عمره 77 ولاعبه فيه الدنيا وسنونه متفرقات بين كل سن وسن ساعه مشي ..

قلتله مساك الله بالخير ياعم ناظرني وقال ماتعرف تركب وانت ساكت يلعن ام التحطيم ياشيخ ..

وش عندك ياخال وين رايح قالي رايح لسوق عتيقه ,, لعنبو دارك واحد راكب طيارة ورحلتها لتركيا يعني بالله وين بيروح ..

وش عندك ياعم قال والله بركب سنون << هذا العذر الوحيد للرجال لاجو يسافرون برا ..

طارت الطيارة فوق << أجل بتطير تحت يعني وبصراحة السواق كان جيد ودانا مع طريق مافيه ولا إشارة ..

نادت المنادية اننا وصلنا اربطو أحزمتكم ووقعت الطيارة على خير ونزلت ولا عالم وناس تخترش بهالمطار ولاذاك اللي يجيني ويقول تبغى تكسي قلت ايه وركبت معه وقال على وين يانور العين قلت له ابي منى قالي وشي منى هذي قلت اللي بالمسلسل
قالي وين يابو الشباب داخل بوفيه تطلب على كيفك هذي ما احد يقدر يوصلها هذي ممثله مشهوره وطوال الشوارب ماقدر ياصلون تجي انت وراسك هاللي كنه مرتبة سيكل وتقول ابيها ..

قلتله ياخي انا ابيها بدافع الحب والشرف لا لشئ آخر ..

قالي الظاهر انك تعبان من السفر خلني اوديك فندق تنام وترتاح ولاصحيت يحلها حلال ..

ووداني ابن الحلال لفندق اسمه ( فندق نم وانت ساكت )

ونمت ونمت ونمت لين صحيت ... على زقزقة الأرانب ولبست وطلعت يوم لقيت راعي التكسي قدامي قال هاه ارتحت ..

قلتله الحمدلله يالله مشينا ندور على منى ..

وتبدأ رحلة البحث عن منى ..

ونلف اسطنبول شارع شارع ومن حارة لحارة ..


وفجأة لقيت الخال يدور ..


قلت له وش عندك ..؟ قال ادور منى .. قال يالغبي تو داق علي واحد من الشباب يقول توه شايف منى بحياة مول << ما يعرف يكذب ..

عاد الخال السبهه صدق وراح ..


عاد بعد ما صرفت الخال رجعت ادور وادور منى ..


وقفت عند واحد وقلتله ادور على منى ماتدري وينه قال وش مناه قلت منى اللي بالمسلسل
قالي الحين جاي تلف بالحارات والشوارع تدور منى
الله يخلف عليك لكن شف انا سمعت انها لها قصر في مزرعتها
وصف لي المزرعة ..

ورحت للمزرعة محملاً بجميع معاني الحب والشوق واللهفه ..

وصلنا المزرعة وكان مكتوب عليها ( مزرعة منى والعائلة الكريمة ) ..

وقفت عند الباب متررد خطوة للامام وعشر للوراء لين وصلت عرعر ريوس ..

رنيت الجرس طلع لي الحارس نعم يالحبيب قلتله ممكن منى على الخاص << متأثر بالشات ..
انا بصراحة من المعجبين فيها وودي اكلمها شوي ..
قالي طيب خلينا نعرض الموضوع على مدير اعماله ونشوف ..
قلتله ياخوي وش مدير اعمال اقول نادها واكلمها وخلاص ..
قالي لا يالحبيب فيه جدول مواعيد وش تحسبك ..

قلت طيب انا اوريكم ..

قلت لراعي التكسي خلاص انت رح وانا ادبر عمري ..

وجلست عند الباب ثلاث طعش ساعه ولاشفت شي ..

يوم جت الساعه 12 بالليل ولا انا اللي اطمر فوق الجدار واطب على المزرعه وامشي بشويش متجه للقصر يوم دريت ولا فيه عشرين الف كلب حراسه وراي ..

يؤيؤ يالهووووووووووي وادوس ذيك الدوسه وتوي اكتشف اني سريع من الروعه ..

لين وصلت القصر وادف الباب بقوة ودخلت القصر ولا وش اشوف ..

شفت منى جالسه بالصالة ..

قامت مفزوعه وبدت تصارخ حرامي حرامي ..

يابنت الحلال ياعدل يابدل مافيه البنت علطول شغاله صراخ واتكلم ياهوه يابنت الناس والبت شغاله صراخ في صراخ وجلست الف حولها قلت يمكن في زر قفل مركزي يسكر هالصراخ ..

عيت تسكت البنت والله وانا اللي ابدا اصارخ معها بقوووه ..

وقفت عن الصراخ وقالت وش عندك تصرخ ..
قلت انتي وش عندك تصرخين ..؟

قالت لانك طبيت على ياحرامي ..

انا منيب حرامي افهمي السالفه وبعدين صرخي مع اذانك لوتبين ..

قالت وش السالفه طيب ..؟

قلت انا معجب جايك من السعودية وعيو يدخلوني يقولون موعد ورجل اعمال ونا قلت والله ماعندي استعداد ضارب هالمشوار عشان مدير اعمال ومدري كيف ..

قالت طيب يعني تطب من السور كذا لا احم ولادستور ..

قلت ايه واطب في حوض بطنك بعد ..

قالت شكلك ناوي شر انت وفي هذي اللحظة ولا الشرطة يدخلون ويطبون على تصفيق وترفيع لين بديت اشوف الفيصلية ..

قالت لهم هذا حرامي طاب على قصري ..
قلت خافي الله وقولي الحقيقة قولي اني منيب حرامي ومجرد معجب ..
قالت لااااااااااع هذا حرامي وابي حقى منه ..

جرجروني في الشارع وركبوني في الدورية ..


ورحت للحجز وقالو ماراح تطلع لين تنازل عنك منى ..

وجلست بالحجز يومين وتعرفت على نزار لين جا الظابط وقالي تراها تنازلت بس بشرط انك تكتب تعهد انك ماتعرض لها مره ثانية ..

قلت طيب نوقع وامرنا لله ..


وطلعوني واول ما طلعت رحت للقصر ..<< احلى يالقوي

وجيت بحط يدي على الباب برن الجرس .. ولاهذي منى تطلع بالماي باخ وتشوفني ..

قالت انت ماتتوب يعني ..

قلت اسمعى يابنت الناس انتي ماعطيتيني فرصه اتكلم ..

ماخليتيني اقول وش عندي علطول شرطه ومدري كيف يامنى استحى على وجهك انتي بنت ناس عاقلة والله عيب اللي تسوينه .. وبعدين وين منى اللي بالمسلسل حبوبه وحنونه وشلون تغيرتي ... أنا ماجيت ادور عليك انتي .. أنا جاي ادور على منى الحبوبه منى البسيطه ..

تأثرت من كلامي وقالت لسواقها ارجع للقصر وقالت لي تعال ..

وجلستني معها في القصر وقالت يالله وش عندك ..

قلت بصراحة أنا معجب فيك وأحبك ..

دخلتي قلبي من اول ماشفتك بالمسلسل ..


وتركت اهلي وبلدي واشغالي وجيت بس عشانك وعشان اشوفك ..

قالت : مشكورة جداً وانت شخص تستاهل احترامي وتقديري ..

وآسفه على اللي حصل ..

قلت عادي ولو تبيني ارجع للسجن عشانك ماعندي مانع <<< والله من الصدق

قلت يامنى انا ودي اكون معك أنتي بس جربيني وراح تشوفين وشلون انا اقدر اسعدك ..

قالت يالحبيب انت وين وانا وين .. تراني ممثله وجاني غيرك من المعجبين آلاف ..

وانت وضعك غير وانا وضعي غير حنا في عالم التمثيل عالم ليس بالنظيف .. بس هذولا انتم من تشوفون ممثله رحتو ملح معها .. تاركين بناتكم العففيات الشريفات اللي الوحده منهن تتحمل العنا والمشقه من اجل اسعاد زوجها والحفاظ عليه .. وجايين لنا احنا .. والله شي عجيب وغريب منكم ..؟

ارجع لديرتك واحمد ربك على النعمه اللي انتم فيها ..

نزلت راسي .. وطلعت من القصر وعلى المطار وانا اقول ... ياحبي لبنت ديرتي من لحمي ودمي ..

النهاية ..

اتمنى اعجبتكم






تحياتي :


so_what ..



الا نسيت اقولكم ترا العنوان لا يمت للموضوع بصلة بس كان لفت انتباه ..


ادري حقدتو علي .. ههههههههههههههههههههههه



الا بسألكم << ذا وش يسوي لان بسراحة بديت افكر بافكار شينة ..


ههههههههههههههههههههههههه

اسمعي بقولتس شي بس لا تقولين لحد ..



تراني ما كد ركبت طيارة زكل ما قلت لبوي ابي اركب يقول اذا اعرست ..

حشا مو طيارة رايح البحرين انا ..؟


يعطيك العافية على مرورك ..

والله لا اعرف منى ولا عرفات <<< بايخه

كلام حكمه

انا قايله من زمان بس ما احد يسمعني

	يــالميــس انتي جميله .. صـح .. لكــن ويش جـاب = حسنك لبنت الخليـج اللـي حلاهـا مفصّلا بـالــمقــاس اللـي يخلـــي مثلـك وغيـرك تــهـاب = خايفـة تدخـل مقـارن مـع جمـال مكـمـلا عــقــل وثــقـــل وديـــن وشـي يــثيـــر الانـجـــذاب = حشمـة مامثلهـا يابنـت فـي كــل الـمـلا مامشت درب السفور ولا ارخصت لبس الحجاب = يـوم كـل العـز دحـدر عزهـا فـوق اعتـلا بــنـتــنا يابـنـت كــنــز مـا بــه أي شـــي يــعــاب = بنتنـا يابنـت كنـز وسـط حـصـن مقـفـلا مـن ســهـام حــاولـت تفتــح لهـا بـــاب وبـــتـاب = مـن شياطيـن تمنـى لـو تحصـل مـدخـلا حاولو نفــث السـمـوم وقالــو ان هــذا ســحـاب = ممطـر يابخـت بنـت مـن سيولـه تغـسـلا ارسلـو جيـــش هـدفـه يغيّـــر الـنظـره وخـــــاب = راح خاسـر ماقـدر ياخـذ مـن البنـت الـولا هذا هو وصف الجمال ان كان عنك الوصف غاب = اشهد ان مابك حلا .. لو كـان لـك سهـم غـلا وان كـانك اعجبـتي شباب فمثلهـم واكثـر شبـاب = جازم بان الحـلا فبنـت الخليـج أصـل الحـلا

آسف على المرور اللي طويل جدا

[قصه ولا اروع والخياااااال واجد

بس صراحه جنان وصراحه اشك انك ولد >>>>>اول مره تسمع ولد يمدح هو اذا مدحتو ا ماقصرتوا بس بالعناد اشطر

>>>بتكحلها اعمتها

ولا تحرمنا من جديدك

تقبل مروري تسبيره:

الا صدق مين منى هذا مين تطلع ؟؟؟