بشقق هدووومي

**نوسه** · 11-02-2008, 11:36 AM

السلام عليكم ورحمة الله وبركاته

جت متأخرة قلت : ميخالف أول مرة وآخر مرة

قالت : ماعندي كرسي بروح أجيب ، قلت روحي

جت تسحب الكرسي وأنواع الأصوات كنّه فوق راسي
بعد قلت ميخالف يمكن ماتقوى تشيله مع إنها كبر الثلاجة

القاعة مليانه جلست جنبي ع اليسار وأنا واقفة أشرح ومهيب لمّي
أقلقتني هي واللي جنبها بالسواليف :

قلت وين الكتاب ؟ قالت : أستاذه ماجبته

قلت ليه ؟ قالت : ماشتريته
قلت : يمكن فقيرة موب ضاغطة عليها

وأنا أشرح أنواع الطقطقة بالعلك
طلعّت روووحي المصيبة إذا شفت شكلها أكبر مني 10 مرات
وش أسوّي فيها ؟

خلصّت المحاضرة الأولى طلعت قلت : يمكن إذا رجعت تهدأ
رجعت سلمت ترد السلام زي البزارين أنواع التمطيط بغيت أشقق هدوومي منها

غيبتها هي واللي جنبها وطلعت بعد مانتهت المحاضرة

لحقتني : أستاذه كم غيابي ؟
قلت داريه بتشوفين غيبتك اليوم وإلا لا ؟ تراي مغيبتك

قالت : لييه ؟ وأنا جايه تغيبيني
قلت أسألي نفسك وش سويتي ؟
قالت : أستاذه هذا جزاي أرد السلام وجالسة قدام عندك بعد عشان أنتبه
الله يرحم أمك ليتك مارديتي كان أرحم | كنّي بموت لو ماردت علي
وجلستك قدام زودها نقص لو جالسة ورا يمكن أحسن لي وأحسن لك

المهم جلست تنافخ تبيني أرفع الغياب
وأنا كنت معلمتهم أول مرة إن اللي تشغلني وأنا أشرح بغيبها

قلت اسمعي :تصرفك هذا وش تسمينه ؟
أنا سويت لك شي ؟ طريقة شرحي ماعجبتك ؟
قالت : لا ، قلت : طيّب وش ممكن تفسرين تصرفك هذا ؟
قالت : أستاذه وش سويت ؟ <--- رجعنا على طير ياللي
قلت خليك عاقلة واسمعي : الواحد لما يقل أدبه على شخص ثاني
هو واحد من اثنين :
إما إنه بينتقم منه لأنه غلط عليه
أو هالشخص اللي يتصرف تصرف غلط غلطه نابع من ذاته
ومعناته يبي له يراجع نفسه ويحاول يتأدب مع اللي حوله

وأنتي تقولين إن ماغلطت عليك وتصرفك موب انتقام مني وش معناته ؟
حبيبتي ليتك تستعملين وأشرت على عقلها وراحت

خلصت القصة

هذي السالفة صايرة لي أمس مع طالبة | ما أدري وش أسوي مع الأشكال هذي

وبما إن أغلب اللي هنا طلاب وطالبات ياليت لو يعطوني وش اللي ممكن يردع اللي يسوون كذا ؟

وبس

M!sS Yaay · 11-02-2008, 12:15 PM

هههههههههههههههههههههههههههههههههههههههههههههههههه ههههه

وعليكم السلام روحمة الله وبركاته

أوليي

الحره مبينه موب داخله على طول وبس .. حتى ما تنفستي

ياربيه عليهااا

بس ردك حلو
أنا أشوف اللي سويتيه حلو .. أهم شي ماتقطعين الشرح ع البنات ,
بس لو نبهتيها أو غيرتي مكانها
عشان ماتظن إنها قويه
وأي مساعده تراي بالدور اللي فوق

بالنسبه لـ شلون نتعامل مع أشخاص كذا ,
احس اللي كذا عقلهم صغير ,
أو مايتسوعبون إنهم يغلطون و إن هذي تصرفاتهم
هو شي من اثنين :
* ننبهم ولو حاولوا يتغيرون معناته هم ماقصدوا
* إذا تكرر منهم رغم التنبيه والعقاب وكذا أجل هم متعمدين وهذا شي متعمدينه أو طبع فيهم

ولاتشققين هدومك ولاشي , بعدين من يوديك للسوق

نوسه
وش سويييييييييت

سما الروح · 11-02-2008, 01:33 PM

.؛.

وااااااااااااااعاااااااااااااااااااليييييييييييييي ييييكووووووووووم السلالالالالالالالالالالالالام وراحمااااااااااااتوا الله وبركااااااااااااااته <<زي البنيه

الله يعينتس على هالنفسيات

مع انتس ذكرتيني بالذي مضى

بس هذولي دواهم السفه

بس ما شاء الله طلعتي شديده وردك حلو وحكيم يا الفيلسوفه

تين مساعده تراني بالبيت << ما تقلد احد

نوسه دوتس

.؛.

**st_alBnat** · 11-02-2008, 01:48 PM

خخخخخخخخخخخخخخخخ

مريضه استغفر الله

والله احس الحين ما عاد فيه احد كبير بالجامعه الا انا << اطلعي براااااااا

لا من جد احس تصرفات بعض البنات مالها داعي عقولهم صغيره

نوسه الله يعينك على البثاره << تناظر فيصل

نوسه

**يعيرونن قنو** · 11-02-2008, 02:36 PM

نوسة

ياهبيبة غلبي

عادي جدا

بنات الزمن هذا تقل هم يكدون علينا بتصرفاتهم

يعني اسحبي عليها السيفون ارحم لاعصابك

ولا تحطين عقلك بعقل بزر

لان اغلب بنات الحين تجيك الطول طول نخلة والعقل عقل صخلة

يعني اعتبريها ما انخلقت

لانك لو عبرتيها مرة بتبتل اهم شي انك وقفتيها مرة

بس بعضهم يعجبها الوضع وتجيك مرة ثانية وثالثة ورابعة

يعني آخذه الدعوى لعب بزران

روقي وانا اختس وفلي ابو جدها واسحبي على المخلوقات البشرية اللي زي كذا

نوسة يابعد روهي

ماتسوى عليس رفعة الضغط

~ Ez3aJ · 11-02-2008, 03:54 PM

ههههههههههههه
انا اسويها عشان الفت نظر المدرس
وإذا ما عطان وجه تفشلت !!
يعني اسحبي على اللي كذا
وإذا زادت بتصرفاته
للإداره

نوسه انتي صدز معلمه

‏@‏@

بُرُودْ · 11-02-2008, 08:39 PM

وعليكم السّلام ورحمة الله وبركاته

نوسه أنتِ أبله <--منصدمه

ولاشي يا اختك لأنها ما سوّت كذا إلا وهي بايعه الدرجات واللي جابها

!MaaaSH! · 11-02-2008, 09:04 PM

نوسه

ماعليتس منها >احلفي

صدق اسفهيها لاتقاشرينها خلي حضورها مثل عدمها

.

عاتي حتى حنا كل جامعتنا ثلاجات تمشي

.

دوتسـ

**نوسه** · 11-02-2008, 09:58 PM

اقتباس:


	الحره مبينه موب داخله على طول وبس .. حتى ما تنفستي

أحمدي ربك إنك ماصافتيني بالسي كان شايفه دخاخين تطلع من راسي

ياربيه عليهااا

اقتباس:

بس لو نبهتيها أو غيرتي مكانها

مت وأنا أنبّه ولاحياة لمن تنادي
أما تغيير المكان كني بس أقول لها قومي وتعيي وتكم عاد

اقتباس:

وأي مساعده تراي بالدور اللي فوق

خلّي جواك عام أجل

اقتباس:

احس اللي كذا عقلهم صغير ,

قسم بالله أشوف جسمها وأقول ياربيييه مافيه عقل أبد ( اللهم لاشماته)

اقتباس:

أو مايتسوعبون إنهم يغلطون و إن هذي تصرفاتهم

وش ماتستوعب إلا أنواع التعمد عساها منيب قايله <-- شاشت

اقتباس:

ولاتشققين هدومك ولاشي , بعدين من يوديك للسوق

يوديني اللي بحرف الباء

اقتباس:

نوسه
وش سويييييييييت

أسألي نفسك ياقليلة الأدب <-- تبي تبرد حرة البنت فيك

شكرا مسمستي

**&أحس اني مملوحة&** · 11-02-2008, 10:04 PM

اقتباس:


	السلام عليكم ورحمة الله وبركاته

وعليكم السلام ورحمة الله وبركااته

اقتباس:

جت تسحب الكرسي وأنواع الأصوات كنّه فوق راسي
بعد قلت ميخالف يمكن ماتقوى تشيله مع إنها كبر الثلاجة

ماتبي تتمصع

بشقق هدووومي

!.. [.. الـمـجــلـــس ..] ..!