وتحطمت أحلامهم

][ بدآيـــــه ][ ..





جيتي على هالدنيآ .. الكل كآن يتطلّع يبي يشوف المولوده اللي بهيئة مــلآك .. جيتي وتزفّك بها الدنيآ فرحة أمّك وطموح وحلم أبوووك فيـــك ..

كنتي تكبرين امآم عيوونهــم .. والفرحه مآ بتسعهم وهم يشوفون ملآكــهم تكبر وصآرت تدعي..
( بآبآ ومآمآ ) ..

الكل كآن رآســم بخيآلــه شي كبيييير عنـّـك .. الكل كآنت نظرتــه لبعيـــــــد .. بعيـــــد مرره يوم يشوفون زوجك آخذ بيدّك ورآيحين لحيآتكم الجديده ..

طفلـــه بس الاحلآم اللي انرسمت لك عدّت السنين والشهووور حتى !!

ومضــــت الايآم .. وطفلتنآ بدت تكبــــر وتكبــــر بين حنآن ام .. وآمـــآن أب !!


( نجحـــتي من الابتدآئــي )..


فرح لك الكل .. وكبرت احلآمهم فيــــك .. كبرت طموووحك وصرتي تتخيلين نفسك دكتوره ... معلمه .. اي شي .. الاهــم من كذآ .. انك تتخيلين انك شـــي له فآيده والكل بيحتآجك ..

عديتـــي من مرحله الطفوولـــه .. صرتي بنظرك كبيـــره خلآص ودعتــي ايآم الطفوولــــه .. وصرتي تحثيــن خطواتك لهذآ " العآلم المجهوول " ...

صرتـــي تسمعيـــن .. صرتي تشوفيــــن .. كانت عندك رغبــــه انك تسمعين وتفهميـــن اكثر واكثر .. تسمعين بمغآمرآت اللي بسنك _ الطفوليـــه بنظرنآ.. الكبيره والعظيمه بنظررك_ ..


تسمعيـــن فلآنـــه عرفت لهآ شآب .. وانها تكلمه من دون مآيدرون اهلهآ وطلع لها جوآل ومحد يدرري بـــه !!
تسمعيــن ان فلآنـــه طلعت مع شآب .. بس 10دقآيق ورجعهآ للمدرسه هو بس يبي يطمن عيونه انها بنت وتحبه !!

حسيـــتي ان في اشيآء كثيييره انتي ما تدرين عنهآ وغآفلــــــه ..

بديتـــي تحسين انك تبين تستطلعين عن قررب او بمعنى أصح .. (اجرب مو خسرآنـــه شي ) بس كانت احلآم وطموح امك وابووك توقف امامك برغــم صغر سنك .. فتترآجعيــــن عن قرآرك !!


وكبــرت حبيبتنآ .. ونسيــــت اللي كانت تفكرر فيــــه لمجرررد الاحلآم اللي طلعت امآم عيونهآ ..

احـــيآن الانســـآن يتأثر بالبيئه اللي حوولــــه .. واحيآن بجهد هالانسان يقدر يغـــير اشيآء كثيره من حولـــه بس يبــي له صـــبر ..


][ دخلتي مرحله الثآنويـــه][ ..


كان عآلم غييير بالنسبــــه لطفلتنآ .. الان خلآص كبــرت وصآر تفكيرهآ غير .. ونظرتها واحلآمها وطموحآتها غــــير ...

بس انتي ظليتي زي مآ انــــتي .. مآتبيـــــن تغيرين نظره ابوك وامك فيك .. ظليتي بنظرهم البنت المدلله اللي حآطين عليهآ امآلهم وفخرهم ....

بهآ الســـن خآصــــه تكون الوحده تبـــي معآملـــه غــير .. تبي حب وحنآن مآ يتوقف ابد .. بعضهم بتشبع هالشي فيهآ بالحلآل والا الحرآم مآيهــم .. الاهم من كذآ انها تعيش بحب وحنآن ...

صرتـــي تسمعـــين كثـــير .. وزادت الرغبــــــه عندك انك تشوفيـــــن هالعآلم الغريب .. اللي الكل يوصفه انه عآلم غيـــر .. حب وحنآن وأمااااان !!!!!!..

تعيشين وتكلمين انسآن تنآميـــن على أحبك وتصحيـــن على أحلى الهمسات ..


قررتـــي تجربيـــــن .. وهدّيتــــي كل الطموحآت اللي بصغرك .. هديتي نظرة ابوك وامك واحلآمهم فيـــــك بليلة غآب فيهآ القمــــر ....
بغرفتــــك ولوحــــــدك .. محد يشوفــــك الا من بيــــده كل شي .. يملك سمعك وبصرك وانتي لآ تملكين ضر ولآ نفع لنفســــك ..

أخــذتي رقم هذآ الذئب .. او حتى ايميــــــله ....

( بدأتي تكلمينــه ) ..

كنتي ترتجفيــــن لآنك قبل كم دقيقه كنت البنت العفيفـــــه الطاهره بنظرررك .. بس الان !!

كل شي تغــــير ..

بدآيته تعآرف ... كلآم سطحـــي .. بدآ يشكي لك همـــه .. وبديتي تطمأنين له وترتآحيــــــن .. بديتي تشكين له همـــك ..


" وجه الشبـــه بينكم "


ان كلكم تشكون لبعض بس الاختلآف بالنوآيآ ..

انتي تحلميـــــن .. ونظرتك كآنت فوووق .. هو يحلم بعد .. بس كآنت احلآمـــــه غير عن احلآمك ..
كانت احلآمــــه تسليه .. ضحك .. لعــب .. تمكّن ..


[ وبعـــدهـــآ ]

يشبّع رغبآته الحقـــيره ..

هتكتـــي استآر كثيــــره ...

هديتي احلآم لآ تحـــصى ..

صرتي امآم نفسك انسآنـــه رخيصــــه مهمآ كان ..

ضيعـــتي طمووح كانت ترآفقك من صغرررك .. وتكبر معآك .. طمووح اب أشقى عمره حتى يشوف بنته كبيره وزي مآ كان يبيها .. وآم اعطت رآحتهآ وفرحتهآ لبنتهآ ...

غفلــــتي عن من يرآك ويرى تصرفآتـــــك ..


عشــــتي بنفـــق كل شي فيه احمــــر .. احلآم وكلآم معسووول وحنآن بس مآفكررتــــي...


وش بتكوون نهآيه هالنفـــق ؟؟!!
على الطرف الثآني من هالنفــق ذئب ... يرقب هالفريسه بفآرغ الصــــبر ..

وعــــود بالزوآج .. وعــــود بحيآه غـــير .. وعـووود بالوفآء طوووول الحــــيآه ...

أخــــذ منك اللي يبـــي .. اشبع رغبآتــه الشيطآنيه بالكلآم حتى أخذ أغلى شي عندك !!!!


ورمـــــآك وهو يردد ( مآ ارضآها ام لآولآدي .. واللي تكمل معي حيآتي ابيهآ بأخلآق .... مو رخيصـــه )


كآن يعرف عنك كل شي .. ائتمنتيه على نفسك وكل مآ تملكيــــن .. يملك محادثآتك ومكالمآتك ورسآيلك وكل شــــي .. فضحك بهـــآ .. وصرتي يـ (العفيفه !!) على كل لســـآن..


انتهى كل شي بالنسبـــه لأهلك .. صرتي انسآنه رخيصـــه ومفرووغ منهـــآ امآم قرآيبك ..

انهآرت احلآمك ..

انهآر كل شي فيــــــــك .. فقــــدتي كل شي .. فقدتي ثقه اهلك اللي وثقـــوا فيك وسلموك كل مآ ترغبيـــن فيه .. فقدتـــي كرآمتك وسمعـــتك !!


مشـــيتي يالعفيفـــه بالحرآم بعد مآ كنتي طفله بريئه تشوف اغلآط غيرها وتغمض وتعيش بأحلآمها وطموووحهآ ..

رآح الطمووح وبقى الخزي والعآر وصمـــه على جبينـــــك .. كلهآ .. من لحظه ضعـــف غفلتي ان الله يشووف مآ تفعليــــن وقآدر على كل شــــي ...


رآح الذئب يدور لفريســــه ثانيه ... تركك ورآ ظهــــره ومآ فكر بمشآعــــر اللي كآنت بيوم من الايآم تحلم انه يجيهآ على فرسه الابيض .. ويعيشون حيآتهم بالحب اللي بدوا فيه علآقتـــهم ...


][ انتهـــــت قصة بطلتنآ ][..

انتهـــت بالطريقه اللي عمرهآ ما تمنتهآ لعدوهآ حتى ..

وصدقيــــني رآح تكون هذي هي النهآيه لكل علآقه بدأت بالحرآم ... مهمآ طالت مدتها واستمرت سنين وسنـــين .. مآكان اولـــه حرآم .. فنهآيته خزي وعـــآر ...

انتي يآ غآليتنآ اللي تقـــريــــن كلآمــــي .. ترضيـــــن ان تكون نهآيه حيآتك زي مآكانت نهآيتهآ ؟؟ بآقـــي تبين تمشيـــن بالطريق اللي انتي فيه وتجربيــــن والا خلآص .. عرفتـــي ان كل
علآقـــه بغير اطارها الشرعي مصيرهآ الفشل ..


" يآ غآليتـــي " ..

انتي عزيزه بعفـــتك .. مصوونـــــه بكرآمـــــتك .. انتي اسمـــــى واعلــــى من انك تمشين بطريق نهآيته مجهوولــــــه ..

بقصص غيرنآ عبره لنآ ..

يآمآ سمعنآ وسمعنآ ليه مآ نتعـــظ ؟؟ ليه مآ تجلسين عفيفـــه اليـــن يجيك نصيبـــك .. وتحبيــــنه برااااحتك وتعيشين معه احلآمك بس .. بالحلآل ..

حلو انك لمآتقوليـــن له احبك .. يكون اول شخص بحيآتك تقولينهآ له .. بيكون لها طعم ثآني صدقيـــني .. بتحسين كل شي فيك ينطقهآ له ليه لآ وانتي اللي كنتي صآينه نفسك 16 .. 18 .. 22
.. او حتى 25 سنــــه !!


أعـــرفي وثقي ثقه كآملــه ان مآفيه حاجة اسمهآ صدآقـــه بيـــن بنت وولــــد ..

(( الامـــر محــــرم )) ..

ليه حنآ مآنبي نعترف بها الشي ؟؟
مآفي شي اسمــه حب من النت والا الجوآل ..

اذا كانوا ازواج اقآرب ويعرفون طبآع بعض تصير بينهم مشآكل .. فكيف باللي يتزوج بهذي الطريقــــه من بنت مآيعرف عنها شي .. من بنت بيجلس طول عمره هآدم الثقه اللي بينه وبينهآ ..


"زي مآكلمتني وحبتني بتكلم غيري وبتحبه .. مدام ان مشآعرها لكل من عرفتـــه مكشووفه ومعروفه يعني بتصونهآ وبتحفظهآ بعد الزوآج" ..


حتى انتي يالغآليــــه .. بتثقيــــن فيــــه وهو بيوم من الايآم عطاك الكلآم المعسووول .. بتثقين انه بعد زواجكم بسنه او سنتين اوحتى عشر مآ يقوم يحب ويتعرف ويرجع لعادته القديمـــــه !!

خليك عفيفــــه وشريفـــــــه بكل مكآن وبكل زمآن .. وين مآ كنتي عطآءك بالخيــر والايمآن معـــرووف ..

وثقـــي ان الله رآح يعطيك على قد نيــــتك .. وربي مآيضيع انسآن خلقــــه ابدآ ..

مهمآ قريتي كلآم معسوول له .. او ردود حلووه منـــه تجآهلي هالشي وخليك فووووق .. عظيمه وكبيره بأخلآقـــك وعفّتك .. لآيغرك كلآمه المعسول ومدحه لك .. تري هو حآطك من ضمن
قآئمته الطووويله .. يبيك فريسه له يمكن الالف حتى !!

مهمآ ارسل لك وقآل انآ معجب بأسلوبك ونبي نتعرف على بعض اكثر .. أعـــرفي انه يبيك ضحيه له ...

حطي اهلك اللي شقوا عليك وتعبوا حتى شافوك كبيره ومتعلمه ومو نآقصك شي ..
حطيهم قدآم عينك .. يرضون لحبيبتهم ومدللتهم هالشي ؟؟

تقدرين تكلمين هالذئب قدام اخوووك او حتى ابوووك ..

الشيء اللي تخآفيـــــن انك تسوينه امآم النآس ثقي ثقه كامله انه غلــــــــط .. فأتركيه وتجنبيه اذا ما كان لشيء فهو للـــــه .. وأعرفي ان الله راح يعووضك خير منه بالدنيآ قبل الاخــــره ...


( وانت يآاخووووي ) ..

سؤال وجآوب عليه بينك وبين نفسك ؟؟

ترضى لأخـــــتك ان تكون في موقف حبيبتك مع شآب ثآنــــي ؟؟

ترضى انها تتكلم بالسآعآت وهو يغرقهآ بالكلآم المعسووول ؟؟

بيكون جوآبك لآ .. لآنك عزيز ولك شـــرف مآترضى احـــد ينتهكه مهمآ كان ..

ليه ترضـــى لغيرك ان عرضــه ينتهك منك ؟؟ ليه ترضى لبنآت النآس شي انت مستحيل ترضآه لأخـــتك ..

ثق يآ اخــــي ان اللي يدق ابوآب النآس رآح يندق بآبه عآجلآ ام آجــــلآ ..

واللي مآيرآعي الله بأعرآض غيرره .. راح يجي يوم ويهتك ويكشف سترره .. وأعرف ان هذآ الشي من ايذآء النآس ..

وهالشي من اللي يعجل عقآبه بالدنيآ قبل الاخــــره ..

يوم تكون تكلم بنت وتحادثهآ - لآ تستغرب ان اختك جالسه بغرفتهآ وتكلم شآب - .. ولآ تزعل وقتهآ فالحرآم حرآم على الكل مو على اختك وانت لآ ..

أنتبــــــــــــه .. انتبــــــــــــــــــه ..

واتق الله في عرضـــــــك .. واخواتك اللي مآلهم ذنب الا انك اخوووهم !!

ان احببت بنـــــت فأدخل البيوت من ابوآبهآ .. روح واخطبهآ من ابوهآ وان كنت تستآهلها فصدقني ماراح يردووونك ..

وحبّوا بعض بالحلآل .. بس لآتعشمهآ فيك وبالاخيـــر ترميهآ ..

البنت يوم تحب تحب بكل شي فيــــــهآ .. تحبك بمشآعرها واحاسيسهآ .. تحبك بقلبهآ وبكيآنها كله ..

يرضيك تكسر خاطرها وتهد كل شي فيهآ ...

وترميهآ رخيصــــه قذره الكل يبتعد عنهآ .. ويتكلم فيهآ ..

اللي يرضيك يصير مع خوآتك سووه في بنآت النآس ..

وحكم عقلك وقلبك !!


][ بالاخـــــــــــــير ][ ..


لو كل وآحــــد منآ حطّ الله امآم نآظريـــــه .. وعرف ان الموووت يمكن يفآجأه وهو عآيش بالحرآم ..

لو كل وآحـــد منآ غمض عيونه بس وتخيل يوم يقف امآم الله .. ويسأله عن هالامـــر الفظييع ..


وش بيكون جوآبـــــــه ??..


والله مآ كان سمعنآ بالمآسي اللي تصير يوميآ .. وما كان شفنآ بنآتنا يطيحوون كل يوووم بمستنقعآت الرذيله ..

وما كان شبآبنآ همهم الوحيد اشبآغ رغبآتهم بالحرآم ..


ان كنت الان بآقي تكلم بنت بالايميل او الجوآل .. او كنتي تكلمين شآب وعآيشه معه بالاحلآم ..


فأتركوا هالشيء للـــــه .. لآنه مصيركم يوم من الايآم قبر ضيق ومحد رآح يفكر بالثآني في هذي الحفره المخيفة ...


رآح يعوضكم ربي برآحــــه وطمأنينه بالقلب وجربوا وشــــوفوا ...

بتكون البدآيـــه صعبــــه بس مع التعووود كل شي بيهوووووون ...


(( من ترك شيئآ لله .. عوضـــه الله خـــيرآ منــــه )) ..

أعرف اني طولت عليكم بس هالكلام طالع من قلبي لقلوبكم

وكلكم عطوني رايكم بهالموضوع لو سمحتوا..

كل وآحــــد منآ حطّ الله امآم نآظريـــــه .. وعرف ان الموووت يمكن يفآجأه وهو عآيش بالحرآم ..
لو كل وآحـــد منآ غمض عيونه بس وتخيل يوم يقف امآم الله .. ويسأله عن هالامـــر الفظييع ..
وش بيكون جوآبـــــــه ??..

الله يعطيك العافيه تسلمين مجهود اكثر واكثر من رائع
الله يحفظ شبابنا وبناتنا من اتباع الهواء
اللهم ارنا الحق وارزقنا اتباعه وارنا الباطل وارزقنا اجتنابه
كثر الله من امثالك
ولكي تحيتي

قصيمي هذا أقل شي ممكن نسويه

مشكور على اطلالتك الرائعة

(( من ترك شيئآ لله .. عوضـــه الله خـــيرآ منــــه )) ..


الله يهدي عيالنا وبناتناا


وجزاك الله خيرر

أسلوبك حلو - ماشاءالله -


الله يجزاك خير على هـ الكلام اللي كله حقائق
وأشياء واقعيه , لكن كثير غافلين ,
ومايصحون إلا بعد ماتطيح الفاس بالراس ,




يسلمو

الله يستر على شباب وبنات المسلمين يارب ,,


شفافه..جزاك ربي الجنهـ

كلامك كبيير.. وكثييير بعد

اقتباس: اذا كانوا ازواج اقآرب ويعرفون طبآع بعض تصير بينهم مشآكل .. فكيف باللي يتزوج بهذي الطريقــــه من بنت مآيعرف عنها شي .. من بنت بيجلس طول عمره هآدم الثقه اللي بينه وبينهآ ..

بالعكس انا ضدك بهالشي.. معروف ان زواج الأقارب مايجي منه الا البلى ووجع الراس..


وبعدين اكيد اغلب اللي يتزوجون الآن.. مايعرفون بعض وحياتهم تصير طبيعيه واحسن مليون مره من زواج الأقارب..


يعني اسمحيلي مثالك هذا مب بمكانه ابداً

اقتباس: أخــــذ منك اللي يبـــي .. اشبع رغبآتــه الشيطآنيه بالكلآم حتى أخذ أغلى شي عندك !!!!

ممكن اعرف وش قصدك بأغلى شي عندها؟




الزبده ان الموضوع طويل عريض ويستاهل التثبيييت


لا هنتي وجزاك الله خير ،،

موضوع اعجبني كثير كثير كثير حسيته من القلب الى القلب تاثرت فيه مع اني لي ملاحظات على بعض التشبيهات والكلمااات بس مو هذا مجال للتدقيق على كل كلمة لان الموضوع باساسه نصيحه ان شأنا اخذناها وان شأنا تركناها
بس بحق كلاااام اكثر من رائع يريح القلب ويجعل كل انساان يمشي بهذا الطريق يحاسب نفسه ويجلد ذاااته ليصل الى ماهو عليه

تسلمين اختي على هذا الموضوع