و أخيراً فيصل يعلن عن حبـّه :$

F A I S A L · 10-24-2008, 05:31 AM

السلام عليكم

اول شي بـ رد على كلام الزلابه دمار

اقتباس:


	وين فيصل وينه ديربي الرائد والشباب ينتهي لاصحاب الكليجا برباعيه مقابل هدف للشباب وسرا الليل يابو اربعه

كم مره اقولك يا حبيب حرمتك اذا كان بيتك من زجاج لا ترمي الناس بالحجر

نسينا الموسم اللي راح نجران اللي توّه صاعد لدوري الممتاز شق مرماكم بـ خمسه في عين العدو ؟

نسينا الموسم اللي قبله الفيصلي اللي كان توّه صاعد للممتاز شق مرماكم بأربعه و طلّعكم من كأس ولي العهد على استاد الملك فهد؟

وسرا الليل يابو الأربعه والخمسه

انا والله ماضاق صدري امس بسبب النتيجه لأن عارف فريقي من بداية الموسم.. مستوى ززززززفت وأزفت من الزفت بعد.. اجل نخسر من الأهلي 2-1 بجده والموسم اللي فات صاقعينهم 9 مع الرأفه !!!

وتذكرون كلامي بعد مباراة الاتحاد يوم قلت ان الاتحاد مب هو الفريق اللي يفوز على الشباب.. لأن آخر السنوات مسببين للاتحاد عقده نفسيه في جده وفي الرياض

يعني عارف فريقي من بداية الموسم وشوله احرق اعصابي مع اني مب عادتي اتعصب للشباب .. بس قهرني كلام اللي ينصقع كل سنه من فرق الدرجه الاولى اربعات وخمسات

وبعدين اكبر دليل يالفقراوي انك يوم دقيت علي بعد المباراة رديت عليك منب مثل بعض الناس بعد مباراة الهلال والنصر ادق عليه مايرد مع انه يدري اني ابيه بشي ضروري مب عن المباراة وارسلتله مسج ومع كذا مارد .. رجع دق علي بعد المباراة بساعتين الين هدت اعصابه .. قلتله ياحقير ليش ماترد؟؟ قال ياخي النصر انهزم!! واذا انهزم طييب؟؟ اووول مره يعني!!؟ لعنبو بليسك 10 سنوات يعني 4380 يوم وانتم تنهزمون .. وش الجديد في الموضوع !!؟

الى متى بتستمر على هالمرض اللي جاك بسبب تشجيع فريق الفقر!!؟

هذي مقدمه لموضوعي وان شاء الله تكون اعجبتكم

لأني اول مره بطلّع اللي بقلبي تجاه محبوبي

حبيب الشعب وقاهر الملايين من جماهير العصفر جمهور الفقر

اللي استغربته امس بعد مباراة الشباب والرائد يوم اعلنو ان البلطان استقال.. آآآآخ بس لو شفتو فرحة النصراويين اللي عندي كييييييييييييييف!!!!!؟؟؟

لعنبو بليسهم تقل شارون اللي استقال مب عم النصراويين خالد البلطان !!

دمار يعرف النصراويين اللي اقصدهم

يعني وش دعوه لهالدرجه حارق دمكم ومب مخليكم تنامون الليل!! طيب كان عندي هلاليين ليش مافرحو باستقالته زي السقيمين النصراويين!!؟ امانه دليل على وشو كلامي هذا!؟ مب ان البلطان مطلّع ريحة النصراويين؟

الهلاليين اللي عندي قالو كلمتين بس.. عن مليون كلمه.. بقولها لكم بعد شوي..

المهم نرجع لمحور حديثنا مباراة الشباب والرائد اللي بعد المباراة البلطان راح للاعبين وقالهم مستواكم زززفت ان كان العيب والغلط مني بستقيل!! قمممة التوااااضع .. قسم بالله انك كفو يابو بلطان!!

مب مثل الزلايب عيال عبدالرحمن بن سعود ان خسروا حطّو الغلط على الحكم .. والمشكله ان الحكم صار شمّاعة اخطائهم لمدة 10 سنوات وتوّهم مابعد خلّصو .. آخرها مباراة الهلال والنصر قالو الحكم غشاش ماحسبلنا فاولات!! و فيه واحد نصراوي هنا قال ان الهلال يوم راح يعسكر في ايطاليا و أعطا الحكام رشوه وقالولهم الوعد مباراة الهلال والنصر!!... شفتو وشلون وصلت درجة تخلّف النصراويين!! والمشكله بعد كل هالكلام وظلم الناس يقول ما احد بذمتي شي خخخخخخخخخخخخخخخ .. الحين كل هالكلام وتقول ما احط بذمتي شي!!

الحمدلله على نعمة العقل بس

المهم شوفو وش قالت اللجنه الاعلاميه بنادي الشباب ونفس الكلام قاله البلطان اليوم في برنامج الجوله على art ..

اقتباس:

واكد البلطان للاعبين أنه يعلم بأن المشاكل بدأت تعصف بالفريق بعد نهائي كأس الأبطال والذي حققه الفريق الموسم الماضي والمؤامرة التي تحدث عنها مسبقاً قد نجحت وأحدثت صداها داخل ارجاء النادي وأثرت بشكل كبير على الفريق وهذا مالمسه من خلال تخاذل بعض اللاعبين

اللي قريب من نادي الشباب عارفين منهم السلنْـتح اللي يبون البلطان يستقيل.. الرأس الكبيره خالد بن سعد و يدّه اليمين طلال آل الشيخ

اذا رجع خالد بن سعد ومسك نادي الشباب.. بيرجع مثل اول.. بقالة نادي الشباب لبيع وتصدير اللاعبين وخاصة لنادي النصر !!

ماتلاحظون فيه علاقه بين فرحة النصراويين بالاستقاله وبين المؤامره اللي ضد البلطان اللي بتخلّي الشباب بقاله لبيع اللاعبين !!؟ الذكي يجيبها

المشكله ودي ان رئيس الشباب الفخري خالد بن سلطان بن عبدالعزيـز يضرب هالسلنتح بـ يد من حديد بس المشكله ان خالد بن سعد نسيب خالد بن سلطان!! وخالد البلطان ذراع خالد بن سلطان اللي مايستغني عنها في شغله!!

يعني ياللي ماهمّكم الا الفلوس وبيع اللاعبين.. ترا مارجّع هيبة الشباب الا البلطان..

مين يذكر نهائي الدوري بين الشباب والهلال اللي فاز فيه الشباب؟

وقتها كان الهلال مستحوذ على كل البطولات السعوديه لمدة سنتين متتاليتين .. جا البلطان وكسر خشم وعظمة الهلال بهذاك الوقت وبالثلاثه بعد ..

ومين يذكر بعد.. نهائي الأبطال أول وأغلى الكؤوس الموسم اللي راح الشباب ضد الاتحاد؟

الاتحاد كان فريق لا يقهر والفوز عليه يعتبر بطوله.. ومع كذا فزنا عليهم وكسرنا خشمهم بالثلاثه في الدوري و نهائي الملك بعد ..!!

يعني وشوله نرجع للأيام الخوالي ولأيام بقالة نادي الشباب!؟

تذكرون كلامي تو يوم اقول الهلاليين يوم سمعو خبر استقالة البلطان وش قالو!!؟

قالو يافيصل انسى شي اسمه بطوله مره ثانيه!!!!!!

المهم ان شاء الله و يارب اذا استقال البلطان مانبي غير عاشق الشباب مب عاشق الفلوس.. اللي هو :

صاحب السمو الملكي الأمير فهد بن خالد بن سلطان

قد سوّو معه مقابله وقالوله ليش ماتصير رئيس الشباب!؟ قال دراستي بلندن هي السبب اني مقدر اصير رئيس الشباب..

بس ان شاء الله يخلّص بسرعه ويسمك الشباب بأسرع وقت

والسلام مسك الختام ..

وكالعاده.. شكررراً لي على مجهودي اللي بذلته

a7la banotah · 10-24-2008, 05:50 AM

اقتباس:

بي الرائد والشباب ينتهي لاصحاب الكليجا برباعيه مقابل هدف للشباب وسرا الليل يابو اربعه

بعدييين يابوووي لا تنسى اهلكم في حرمه هزموكم 4

اقتباس:

رجع دق علي بعد المباراة بساعتين الين هدت اعصابه .. قلتله ياحقير ليش ماترد؟؟ قال ياخي النصر انهزم!! واذا انهزم طييب؟؟ اووول مره يعني!!؟ لعنبو بليسك 10 سنوات يعني 4380 يوم وانتم تنهزمون .. وش الجديد في الموضوع

هههههههههههههههههههههههه ياربييييه دمار الى الحين عندك امل في الحياه
النصر فقدو الامل وانت الحييين عندك
انا عندي لك راي يادمار
شجع الفيصلي اصرف لك

اقتباس:

يعني وش دعوه لهالدرجه حارق دمكم ومب مخليكم تنامون الليل!! طيب كان عندي هلاليين ليش مافرحو باستقالته زي السقيمين النصراويين!!؟ امانه دليل على وشو كلامي هذا!؟ مب ان البلطان مطلّع ريحة النصراويين؟

يابووووي الهلالييين مايحرقون دمهم عشان الشباب والنصر

اقتباس:

الهلاليين اللي عندي قالو كلمتين بس.. عن مليون كلمه.. بقولها لكم بعد شوي

بزعمك الحين بتشووقنا

اقتباس:

ماتلاحظون فيه علاقه بين فرحة النصراويين بالاستقاله وبين المؤامره اللي ضد البلطان اللي بتخلّي الشباب بقاله لبيع اللاعبين !!؟ الذكي يجيبها

هذي النقطه بنحطها بموضوع نقاش بالمجلس

<=هذي لي ترا

وبعدين يافيصل عندي اقتراح كان حطيت موضوعك بالدكه

F A I S A L · 10-24-2008, 05:59 AM

اقتباس:


	بعدييين يابوووي لا تنسى اهلكم في حرمه هزموكم 4

اقتباس:

النصر فقدو الامل وانت الحييين عندك
انا عندي لك راي يادمار
شجع الفيصلي اصرف لك

هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

اقتباس:

بزعمك الحين بتشووقنا

اييييه .. وش يعرفك انتي باسلوبي الجميل الجذاب

اقتباس:

هذي النقطه بنحطها بموضوع نقاش بالمجلس

<=هذي لي ترا

وبعدين يافيصل عندي اقتراح كان حطيت موضوعك بالدكه

خخخخخخخخخخخخخخخخ

حلوه ذبتك انتي ووجهك

شكراً على الورده اللي كبر راسك

**st_alBnat** · 10-24-2008, 06:00 AM

بنوته قالت بردها حكم كثييييييره الصراحه ما خلّت لنا شي

بس ما ودي اطلع كذا من غير ما اقول شي

بنوته شكرااااا

اووووه فيصل نسيتك

فيصل شكرا

**يعيرونن قنو** · 10-24-2008, 06:23 AM

والله الدعوةمهب سهلة؟؟؟

استقالة ومدري ايش ومؤامرة وسلنتح

من اول بأسس اول نادي كرة قدم نسائي..

بعدين قلت لا وشو له ادور الشر

وهم رجال مايتفاهمون الا بالنعال

أجل الحريم وش بيتفاهمن فيه؟؟

فيصل ودي اعطيك وردة حمراء بس مااقدر

دمار شامل · 10-24-2008, 01:28 PM

اول شي يا حبيب عمتي الجوهره .. حنا انصقعنا من نجران في ارضهم ( 5-4 ) يعني فارق هدف .. الشي الثاني نجران قد هزم الهلال 2-1 او 2-0 في الرياض
يعتبر صائد الكبار الحالي .. اما انك تنهزم من فريق الرائد 4-1 ( فرق 3 اهداف ) وانت فريقك نصه بالمنتخب !!

هنا علامة الاستفهام , وبالنسبه لمباراة الفيصلي تذكر انت من كان بالتشكيله هذاك الموسم كلهم الكديش اللي تنسقوا الحين ما بقى منهم الا الصقور والخوجلي

شفت الفرق يا حوبي

بعدين تقول لي انك راد علي اجل والله العظيم اني دقيت عليك بعد المباراة ومرديت يا نصاب لا تسوي فيها مثالي

عموما موب مستغرب عليك لانك من جماهير البلاطه

ان عدتم عدنا

clear · 10-24-2008, 02:30 PM

فصيل بالله عليك بترد على هالمهايطيه النصراويه

بديت احس انهم متخلفين صدق من اول اقول يارجال يستهبلون ويدرون وش حقسقت فريقهم الساامج

بس الحين دريت انهم رايحين وطي ولا فيه عقول ومتحجرين ووو خلااص منتهين قسم بالله

بالله ماتجيكم كتمه اذا قعدتوو مع نصراوي متعصب يووووووووه

الله يهديهم بس

بعدين شفتوووو فيصل بن عبدالرحمن يوم يقابله ماجد التويجري بصدا الملاااعب هههههههههههههههههههههههههههههههههههههههههههههههههه ههههههههههههههههههههههههههههههههههههههههه

قال انا بقاطعكم يالا ال ام بي سي قام يضحك التويجري ويقول حنااا تقاطعنااا خااف ربك خخخخخخخخخخخخخخخخخخخخخخخخخخخخخخ

ياخي فيصل بن عبد الرحمن سبهه بيقلد عبدالرحمن بن مساعد والللللللللله ابطت يالعبد

F A I S A L · 10-24-2008, 04:51 PM

اقتباس:

المشاركة الأصلية كتبت بواسطة st_alBnat


	بنوته قالت بردها حكم كثييييييره الصراحه ما خلّت لنا شي بس ما ودي اطلع كذا من غير ما اقول شي بنوته شكرااااا اووووه فيصل نسيتك فيصل شكرا

و أخيراً فيصل يعلن عن حبـّه :$

!.. [.. المـلــعــب ..] ..!