رثاء رثاء جيبو الغداء ( موضوع جميل )

هذي قصة صايره في عهد الدوله البويهيه ( تكفون لحد يسالني وينها فيه لاني مدري ) الزبده ان السلطان حقهم ( يعني ملكهم ) كان عنده وزير كريم زيي وكان اسمه ( ابو مقله ) وكانو الشعب البويهي يحبونه زي ما انتم تحبوني ويمكن اكثر
لانه كان يشرههم ويعطيهم اللي يبون , حتى ان احد الظرفاء هناك قال والله لو انهم عيالك ما عطيتهم مثل ما تعطي الشعب حتى سوق الاسهم حقهم ما طاح زي حقنا ( هذا اللي بيمدحه ولا عرف )


طبعا السلطان البويهي يوم شاف الشعب يحبونه كذا بدت الغيره تلعب لعبتها فسوى له مكيده ولما نجحت مكيدته لازم يعاقبه فقرر انه يصلبه على جذع شجره ومنع الشعراء انهم يرثونه ومنع الشعب انهم يبكون عليه واشعل النيران حوله وخلا الحراس عندها واي واحد بيحاول يطفيها يقضون عليه ( يرشونه يعني بالنبيطات لان ذيك الايام ما كان فيه رشاشات )


وكان الشاعر أبي الحسن الأنباري خارج بغداد في هذه الاثناء وكان هالشاعر من اعز اصدقاء ابن مقله ( الوزير المصلوب ) يوم دخل بغداد وشاف الوزير مصلوب ضاق صدره وقعد يصيح وراح له رغم ان السلطان محذر ان احد يروح له ووقف تحته وقال هالابيات

ويوم درى السلطان عن هالقصيده زعل على الشاعر لانه عصى اوامره ورثا الوزير ابن مقله , والسلطان هذا كان عنده فيل فامر حراسه انهم يسدحون الشاعر ويخلون الفيل يوطاه الى ان مات


ويقولون الناس اللي كانوا هناك انهم سمعوا السلطان بعد زمن طويل يتمنى انه هو المصلوب وان هالقصيده قيلت فيه


اللي يستفاد من هالقصه انكم تحبوني وانا احبكم فممكن ان فيصل يغار من حبكم لي ويامر بقتلي عاد الى هذا لا تتركوني وتصيحون من بعيد واحد يجي ويرجفه وينقذني

اتمنى ان الموضوع جاز لكم

( القصيدة منقوله وكتبت الموضوع باسلوبي الجميل )

يصلح لي باك

هههههههههههههههههههههههههههههههههههههههههههههههههه ههههههههه


أموووت ع الأسلوب
تصلح تكتب كتب النصوص للوزاره


أهم شي اللي بينقذك يرجف فيصل


بالنسبه للقصيده ,
من أقوى القصائد اللي قيلت في الرثاء ..
و من أعظم المراثي على الإطلاق في تاريخ الشعر العربي
ومن لم يحفظها ففي تذوقه للشعر نظر كما قيل
ولو تلاحظ إنه مابدا قصيدته كسائر الشعراء اللي رثوا الوزير اللي بدوها بالتفجع وتهويل الأمر
أما هو بدأها بتعظيم شأنه .. وكيف إنه مختلف عن الأموات ببقائه فوق الأرض
وفي الأبيات اللي تجي تلميح , إلى إنه حتى وهو ميت .. فيه حراس يحرسونه
وهذا الشي اللي ماصار لقادة بني العباس بعد وفاتهم .
والنار تُشعل عنده .. مثل يوم كان حي .. كنايه عن الكرم ..
وكأنه باقي رغم كل اللي سووه فيه ..



دمار ..
تسلم يدينك .. استمتعت <-- أكيد أجل وش هـ البربره كلها

ان شالله تكون من الشهداء


هذا الي نقدر نقوله

اقتباس: يتمنى انه هو المصلوب وان هالقصيده قيلت فيه

!!

اقتباس: حتى سوق الاسهم حقهم ما طاح زي حقنا ( هذا اللي بيمدحه ولا عرف )

ياذا الاسهم اللي ذابحتك



دمار , اسلوبك شيّق..

تصلح تكتب مقدمات لكتب الداووين





: ~ :


تعتبر هذه القصيده من اروع واجّل ما قيل في الرثاء ..
يصعب على القارئ ان يختار ما يحوز على ذائقته ..
فجميع ابياتها تأتي بالمركز الأول
سلك الشاعر هنا مسلك مختلفاً تماماً عن بقية الشعـراء ..

اقتباس: