زلة رجل ولازلة لسان

**&أحس اني مملوحة&** · 10-17-2008, 11:43 PM

السلام عليكم

كيف الحال

يله حيهم

وش الاخبار مع هالدومات ان شاءالله مرتاحين ولافلوزتو

زلات اللسان وماادراك مازلات اللسان يااهي تودينا احيانا في ستين داهية

زلات لسان مواقف باايخة تقليب الحكي أي شي نستقبل كلش يعني بالعربي نبي نكب عفشنا فيذا ونقول زلات لسانا ومواقفنا اللي باايخة وتفشل

هذي نبذه من مواقفي لعل الصوره توضح لكم اكثر

انا كنت مره معزومه في زواج وطلعت قبل العشاء وانا مااشيه بطلع الحقتني ام العروس قالت وين وين تونا اجلسي تعشي <<هنا انا انلخمت وقلت المره الثانية ان شاءالله <<وش تبين من الحيااااااااة اي مره ثانيه؟

ومره بعد كنا معزومين وجالسين ع العشاء الا جالسة اسولف مع راعية العزيمه وبنتها يوم خلصت قالو مااكلتو ؟ قلت الا والله بس ليش كثرتو؟

ومره اتصلت ع البقاله قلت عندك تويكس ابو ريالين؟ قال ايه ! قلت طيب بكم؟

ومره بعد <<مطوله الاخت ايه كنت اسولف مع ابوي ومتحمسه قلت له ليش يااخي

ومره اول مادخلت الجامعه ومفهية طبعن مدري وش السالفه الا ادخل محاظرتي واجلس قامت الدكتوره تعدد الاسماء قلت لها ماقلتي اسمي؟ قالت وش اسمك؟ عاد قلت لها اسمي ,, قالت رقمك؟ عطيتها رقم جوالي.. قالت رقمك الجامعي حبيتي

والله الزلات وااااااااااجد والمواقف واااااااااااااجد بس هذولا اللي جو على باالي ,,واذا ذكرت شي اكيد برجع اقوله

يالله الحين نبيكم كلكم تذكرون لنا زلاتكم ومواقفكم

انطلقووو

٭ F8oOŜ ~ · 10-18-2008, 12:09 AM

اقتباس:


	ومره اتصلت ع البقاله قلت عندك تويكس ابو ريالين؟ قال ايه ! قلت طيب بكم؟

هههههههههههههههههههههههههههههههههههههههههههههههههه ههههههههههههههههههههههه

بالله وش تحسين فيه وانتي تقولينها ؟

لا لا اسمحيلي انتي مفهية

اقتباس:

ومره بعد <<مطوله الاخت ايه كنت اسولف مع ابوي ومتحمسه قلت له ليش يااخي

خخخخ لا لا هذه عادي ! اصلا ً انا اقط معااه كنّه ولد جيرانا

ياحبي له مايقول شي

//

أنا مرّة دخلت باسكن / وجيت اكلم الرجال اقول له حط ثنين كورة مفهوم صديق ؟؟؟ ولا الف على اللي جنبي واطنز عليه وبالأخير يجي يقول لي . . وش قصدك يـا أختي ؟

انا اللي طارت عيوني

مميليحـَا / هذا اللي في بالي الحين . . إن كان فيه حاجه أبجي اقولها

تيك يازميلا

**همس الجفى** · 10-18-2008, 12:37 AM

هههههههههههههههههه
مملوحه والله انك تحفه
عاد ابوي هو صديقي وامي خويتي هع

انا جا في بالي شي بقوله يومن قريت حقت فقوس

انا صار لي مثل فقيس بس مش باسكن
وانا رايحه دانكن دونت اطلب لي دونت وارجع
انزين وانا اتكلم معاه بالانجليزي ها <قولكم كاشخه ههههههههههههه
الا يقول انتي تبينها مع الشوكلاته ها
انا هينا وين تلاقوني طب وجهي وركب السياره ههههههههههههههههههههههههه
ها سوري ايه ابيه مع الشوكلاته وكاستر من داخل
ههههههههههههه
الله لا يعيد هذاك اليوم

يسلمو مملوحه حبي

بنت الكآش · 10-18-2008, 12:46 AM

اقتباس:


	قالت رقمك؟ عطيتها رقم جوالي.. قالت رقمك الجامعي حبيتي

ههههههههههههههههههههه ياحبيلك مستجدددده

||

مرة بالعمره كنت اسعى وكان فيه موية زمزم بالارض وماانتبهت لها مادريت الا جسمي كله راجع لورا (زلقت) ..بس من رحمة ربي كان واحد قدامي وانا اللي ماصدقت امسسك بحرامه واسحب فيه(الحرام اللي فوق ) وهو يسحب وانا اسححب بكل قوتي
ولما وقفت زين .. اطالع وجهه قالب احمرر (استحى )

وانا ماتشوفون الا غباري

||

مملوحه ميغسي باكو ع الموزوع الئشطه

**يعيرونن قنو** · 10-18-2008, 03:14 AM

بنت الكآش

حسبي الله على بليسك

لعنبو بليسك تلقين الرجال مانام ذيك الليلة من الروعة

مملوهتي

اهبش انتي ولسانش

بنت الكآش · 10-18-2008, 03:34 AM

قنوو

اذا الحرام اللي فووق مب نايم اجل لو ساحبه اللي تحت وش بيسوي

مصهلل · 10-18-2008, 06:45 PM

اقتباس:


	ومره اول مادخلت الجامعه ومفهية طبعن مدري وش السالفه الا ادخل محاظرتي واجلس قامت الدكتوره تعدد الاسماء قلت لها ماقلتي اسمي؟ قالت وش اسمك؟ عاد قلت لها اسمي ,, قالت رقمك؟ عطيتها رقم جوالي.. قالت رقمك الجامعي حبيتي

لا....تـــــــــــــــــــــــــــــــ ع ـــــــــلييق

**&أحس اني مملوحة&** · 10-18-2008, 07:35 PM

_ _

اشكر كل اللي تفااعلو وصراحة مواقفكم توحف

بس بلييييييييز مانبي تشتيت لو سمحتو يعني

انا جيت ومعي موقف توه صاير قريب بس توه يجي على باالي

يوم الخميس رحنا لبيت خوالي وكل خالاتي مجتمعين الموهم عااد انا كنت تعباانه شوي وفيني بداية انفلونزا يوم جاء بعد العشاء خلاص ماعاد قدرت اجامل احد مره تعبت ومير اروح ادخل مجلس الحريم واصكها نومه

الموهم طال عمركم طبعن يدخلون ويطلعون علي خالاتي وبناتهم وانا شوي احس بهم وشوي مااحس بأي احد وفجاءه سمعتهم يقولون بتجي الحرمة الفلانيه وبناتها اللي هي صديقة جدتي واول مره تجي بيتها ,, عاد ماهمني احد وصكيتها نومه لان فيه مجلس ثاني بيدخلونها فيه ,,

عااد فجااءه بنت خالتي فتحت علي الباب قالت قومي قومي ترى الحرمه وبناتها بيدخلون عليك الفتت عليها وقلت نصااااااااااابه وكملت نومتي وعادي الوضع الى الان ..يوم رحنا البيت وجاء من بكراا كنت اسولف مع بنت خالتي في المسن قالت لي يووه يااسخفك يوم تنومين مره مشتتاقين لك ومن هالحكي قعدت شوي وقالت : اجل دخلت عليك الحرمه وبناتها

انااااااااااا بغيت انهبل قلت احلفيييييييييييييييي

قالت :والله العظيم دخلتهمجدتي ودارت بهم البيت توريهم اياه بحكم انهم اول مره يدخلونه وشاايشه بصديقتها وبناتها

قلت تكفيييييييييييين قولي اكذب عليك ماادخلو

عااد تخيلو الشكل ننايمه في المجلس والحريم داخلين علي

كرهت جدتي شوي بيني وبينكم

يله عااد اتحفونا بمواقفكم وزلاتكم

**st_alBnat** · 10-19-2008, 01:25 AM

مملوووووحه شكلك تقربين لي بالفهاووووه

انا مره بالعيد طبعا مدري ليه تجيني غلقه ذاك اليوم

بالاخير طنقرت وطفشت عاد وحده من اهل امي (( اللي كان عندها العيد )) تقول لي ميمي طفشتي انا اول شي ما سمعتها قلت وشو قالت طفشتي وما سمعت اخر شي سلكت لها قلت لها اييه وبنت خالتي تطالعني احسها ودها تهاوش بس اني ما سويت شي
والحرمه طارت عيونها مسكينه وسكتت يوم راحت ,, سألتني بنت خالتي قالت وش قلت الادب ؟؟
قلت وشو عاد بالاخير عررفت انها قالت طفشتي وبس

يعني لا عمركم تسلكون لاحد لو ما سمعتوا قولوا وشو لو 10 مرات

مملوحه

**همس الجفى** · 10-19-2008, 01:29 AM

ههههههههههههههههههههههههههههههه
هههههههههه
بنت الكاش انتي تحفه

مملوحه الصراحه عجيبه قصتك

انزين انا صار لي مثلتس

بس مع خالتي الكبيره يعني اكبر وحده من خوالي وخالاتي
المهم مالنا ميانه معاها بحكم انها اكبر اخوانها
الزبده

كنا في يوم العيد وكنت مواصله انا وحياتي فوفو
ورحنا بيت جدتي الي هي ام امي
المهم جا العصر الكل تعبان والي مانام والي مدري وش فيه
الا انا وفوفو وبنت خالتي وخواتي وامي والكل نام في غرفة الـt.v
لان عاجزين نصعد الدور الثانيه وانا حسيته بيعد بالمره بالنسبه لوحده تعبانه
انزين
الا طقت الساعه 4 العصر الا يقولون قوموا قوموا خالتي ... اختي....جات ويا بناتها
المهم الكل رفع ملابس وحط رجله
وانا لسه مانيب مستوعبه وش الي صاير
ويومن استوعبت بطلع من الغرفه الا اشوفها داخل الا احبها على راسها واحط رجلي
واطير على المطبخ ومن المطبخ على الحمام تكرمون

كل هذا ماهب مهم المشكله ان من قرادة حظي ان اول مره اسويها
واخذ معي جلابيه قولكم برتاح فيها
وبدلتي حطيتها في الغرفه فوق مع اني كل مره اجيب معي
بدله ثانيه او بنطلون وبلوزه من قطن الخفيف الكيوت الحلو عرفتوه
عشان بالبيت اقعد احد يدخل فجأه يكون لابسه عدل في بيت جدتي
ودايمن كذا الا هذي المره ادخلت علي وانا لابسه جلبيه
وهم ماهب متعودين البس جلابيه دوم بدل وجنزات وحركات

ذاك اليوم بغيت انتحر من الفشله
ولا قامت خالتي الصغيره يعني ماهب كثير صغيره بنهاية العشرين
قامت تضحك علي ضحك
وتقول لي قدامهم وش شعورتس بغيت اموت بهذي اللحظه
تراها تحب تفشل بعض الاحيان ههههههههه
عاد قمت اضحك من الفشله

وتريوا قصصي الباقيه

زلة رجل ولازلة لسان

!.. [.. الــدكــــة ..] ..!