فيصل:أركد من كذا؟ماأظنه(^_^)

**يعيرونن قنو** · 10-17-2008, 07:36 AM

مرهبات ياتكرن

فيصل ياأطول أبدة في العزبة

بما انك قلت في موضوع (عضو في عيون الأعضاء)

اقتباس:

س4/ عيب هذا العضو.؟

مايعرف شي اسمه ركاده

فقد جبتها على الجرح

وأثرت سجوني ومعتقلاتي

خواتي دايم يقولون لي من زود الطفاقة اللي بي : ماله داعي تعرسين لأنه ماراح يسقم لك حمل من المطامر على الدرج

المهم تعالوا ياملحجة بفضفض لكم

شفتوا الصورة اللي فوق؟؟

هذا كروكي بيتنا عشان تسيرون علي

هماه؟

لا تصدقون أحد يحوش حول البيت أحش رجوله

أنا يالله متحملة مآش واذا جتني بعد أقول لها جيبي معك شي تاكلينه ما عندي استعداد أطبخ لس

المهم ركزوا بالصورة لأن السالفة صارت مابين البيوت المذكورة أعلاه

عنوان مآسااتي:: أركد من كذا ؟ ما أظنه

مرتن ياربع الفلس

كنا عند اختي وتركنا وحدة من الشغالات في بيتنا

جا وقت العشاء..

طبعا لازم نرسل شوي لجدتي وشوي لجارتنا واللي منه

مع ربشة العشاء

قالت امي: قنوووووووووو بسرعة البسي عباة-------يعني أي عباة مب لازم هقتي

وانقز وآخذ عباية اختي هالمرة ابشركم تقريبا مقاسي

وادخل المطبخ (عاد مطبخ اختي صغييييير أحس من كثر اليدين الممدودة فيه استاحشت )

هذي تمد صحن ..وذي تمد ملاس

واللي ماد سماط

واللي ماد يده لقافة

المهم :

مدوا لي حافظة صغيرة وقالوا: وديه

انا من زود الذهانة اللي بي ما سألت لمين؟

بس علطول شفت الحافظة مقاس نفر واهيد قلت بس أكيد لجدتي

واطيييييييييير بالعشاء لجدتي

طبعا جدتي ساكنة عندها وحدتن من بنات خالاتي وهي اللي فتحت لي الباب

مديت لها الحافظة قالت: واللي جبتوا لنا توا وشو

قلت: هذي كمالة للعشاء ------ قسم اني مادري للحين شلون جت الاجابة على لساني

ورجعت لبيت اختي

وحنا قاعدين نتعشى قلت: خخخخخخخخخ ياحليلها بنت خالتي طارت عيونها يوم عطيتها الحافظة

اللي على السفرة معي ما استوعبوا

وبعد غليل قالت اختي: وهمن ياكل عدوتس عشى شغالتي وديتيه لجدتي

يقال اني بضحكهم على بنت خالتي ضحكتهم علي

المهم انهم ارسلوا عشى تاني للشغالة وجدتي مادري هي اكلت كل اللي ارسلناه لها والا مادري

بعد كم يوم

سمعت امي تكلم بالتلفون:

ايه الله يعافيك اوقفي عند الباب هذاذ تجيبه لكم
انا طبعا مادري مين اللي تكلمه امي

وبمجرد ماسكرت الخط

:قنووووووووو بسرعة ودي المرقوق قبل يبرد هذاه واقفتن لك عند الباب

طبعا ماسألت مين ولا شي علطول جاء ببالي بنت خالتي

واطييييييير هالمرة أخذت عباة امي

بس اشوى ماقالت شي

واروح اشوف الباب ..

مافيه احد عنده

قلت يابنت دقي شكلها نست تفتح

وادق الباب ويالله تفتح لي بنت خالتي

وامد لها القدر (كان قدر المرقوق يكفي حمولة )

هي طارت عيونها

بس ما سألت

وارجع للبيت والحمد لله رب العالمين

اصبروا ماقضت السالفة بروح احل مشكلة عاطفية عندي وارجع

غفرانك

المهم :

اني يوم قمت من بكرى نزلت وانا يالله افكك جفوني من بعضها

واول ماقعدت

واناظر امي وهي تناظرني وشكل ودها تعيد ترتيب ملامح وجهي

وآخر شي تكلمت وهي تكتم ضحكتها:

وين وديتي المرقوق البارح؟

رديت وانا توي مافتحت زين: لجدتي

امي: يامال الوهم اللي ياكل عدوتس

فشلتيني بجارتنا

انا البارح مكلمتها وقايلة لها تخلي بينتها توقف لك عند الباب

والبنية ملت وهي واقفة تحتريك

يوم صار اليوم وتدق امها: وين اللي بترسلين لنا ؟

وجدتك يوم رحت لها اليوم وتهااوش تقول: من بياكل النعمة اللي انتم مرسلين لنا كلها

و أنا:

وصرت نكتة العيلة الشهر ذاك كله

وصاروا اذا بغوا يرسلوني بطعمه يأكدون علي لجارتنا مب لجدتي

اللي يضحك يدفع الحساب قبل

نوني · 10-17-2008, 08:41 AM

قنو وش ذا الطفاقه ياختي

من جد بسم الله عليتس باسمه العظيييم

مالقاها الا جدتس بدل الوجبه وجبتيين ماشاء الله

::

ياحبيلتس ياختي تجننين انتي وطفاقتس وهبالتس وكلتس

تسلميييين

clear · 10-17-2008, 10:59 AM

هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههه

فااااااااااهيه اشوا لقيت احد افهى مني هههههههههههههههههههههههههههههه
هههههههههههههههههههههههههههههههههههههههههههه

قنوو الله يوسع صدرك يالفاهيه وشلون يقولون انك عبده لالا موش عبده انتي فااهييييييييييييه ههههههههههههههههههههه

شهيتيني بالمرقوق همممممم . ,

% مشـــــاعل % · 10-17-2008, 11:22 AM

ههههههههههههههههههههههههههههههههههههههههه
ههههههههههههههههههههههههههههههههههههههههه

مانتب صاحيه قسسسسسسم باللله

اقتباس:


	واناظر امي وهي تناظرني وشكل ودها تعيد ترتيب ملامح وجهي

بطننننني عورني من كثر الضحك

ابد يختي وسعي صدرك خليك كذا على طفاقتك وش ملحك

مصهلل · 10-17-2008, 05:07 PM

خخخخخخخخخخخخخخخخخخخ

كل ذا بر بجدتك

ولا تبين تسمنيها على كــبـر

____--____

قــنــو انــتــي خـــــــــــ مفهية ـــــــــــــــبـــــــ مأجرة اللي فوق ــــــــــــــلة

قصتس حالوة

الخال · 10-17-2008, 05:38 PM

<< كاتم الضحكه على شان ما يدفع

هههههههههههههههههههههههههههههههههههههههههه

قنو شكلنا بنسكن عندكم على شان ترسلين لنا من مرقوقكم

فيصل والله انك حكيم << فيس يطالع مستر وفاقع ضحك

يعطيك العافيه يا المطفوقه

!MaaaSH! · 10-17-2008, 05:43 PM

تكرونيتي

ياعليتسـ الوان مدري وش هدفها بالحياة

<<ترى هذا اللي شدني بالموضوعـ

يمكنـ ارجعـ

جآ

<وتخب بعد

.

دمار شامل · 10-17-2008, 05:53 PM

افهم من كذا ان اللي قدام بيتكم وبيت جدتك براحه

ترى مب منك صدقيني .. ابو علي هو اللي طلع براسك نخل وخلاك فاهيه

بس منب اشره عليك انا اشره على جارتكم اللي ما دقت على امك الا من بكره

مثبت بدبوس

حفيدة جدتي · 10-17-2008, 06:02 PM

يازين رقالتك

آآخ يااببطــــــــني

**همس الجفى** · 10-17-2008, 06:02 PM

ههههههههههههههههههههههههه
هههههههههههههههههههه
ههههههههههههه
ههههههه
هههه
هه
ه
موتيني ضحك زين بعد ماهب انتي بعد مفهيه
انا مثلتس لمن احد يطلب مني شي اعطيه الثاني
ههههههههههههههههههه
ههههههههههههههه
ضحكتيني ووسعتي صدري الله يوسع صدرك
قنو من افهه لافهه ان شاء الله
بالتوفيق

قنو
احبتس

فيصل:أركد من كذا؟ماأظنه(^_^)

!.. [.. الــدكــــة ..] ..!