للمتزوجين والمقبلين على الزواج وإلى الكل ( هيتو)

السلام عليكم


من زمان وأنا ودّي أنزّل موضوع وبنفس الوقت ودّي بموضوع حلو
وفكرت وفكرت قلت : اختاري القسم اللي بتنزلين فيه
بعدين دوري موضوع <-- ذكيّة صح

قلت ودي بموضوع بالمجلس ولازم يصير موضوع نقاش ولقيت موضوع


الموضوع الله يسلمكم ( الحشيمة وما أدراكم مالحشيمة )

أول شي لازم أعطيكم تصوّر عن الحشيمة عشان أعرف رايكم

الحشيمة يعني نقدر نقول التقدير الزايد وموضوعنا يتعلّق بحشيمة مرة الولد

من ثلاث نواحي :

1- حشيمة مرة الولد لرجلها

2- حشيمة مرة الولد لأهله

3- حشيمة أهل الزوج لمرة ولدهم


حشيمتـء لرجلها مثل : اللي تمسك فوطته تحتريه لين يخلّص متوضي وتعطيه إياه | وأحيانا يبطي وهي تاركه أشغال البيت وجالسه تحتري حضرته يخلّص من الوضوء
ويجيهم عيال ويعرسون عيالهم وهي تحتريه عند باب الحمام

ومثل اللي يسوون أهلها عزيمة عائلية محد تخلّف عنها ويجتمعون كلهم ومن حشيمتها لرجلها ماتقول له إن ودها تروح عشانها شايفتهم قريب

وغير ذلك كثير



حشيمتـء لأهله :

مثل اللي تحوف وتزوف بأهله لدرجة إنها تهمل رجلها بسبيل إن أمه وخواته يرضون عنها


حشيمة أهل الزوج لمرة ولدهم :

هذي مدري أحسها مابعد صارت اللي شايف حالات يتحفنا


انتظر أرآؤكم مابين مؤيد ومعارض مع طرح الأمثلة <-- أسئلة اختبار

استهبال مانبغى | خنبقة مهيب لم قلم بعد مانبي
أحد يجي يحط راي ماله سنع بعد مانبي


برايفت بني العزبة : للي تحشم أهل جوزها

انتظركم

نوستي


يعني علشان العيال اعرسوا جا ببالك هالموضوع

موضوعك حلو

لي بااك يمال العافيهـ,,

أشوا فيه باك | باغيتن أهوش


لا والله قبل مايخطبون العيال وهو يدور بمخي

رجلي هو جنتي وناري وراه ماحشمه

أحشمه وأحشم أهله وأحشم أبو الجيران بعد <-- براا

إذا ماحشمت أبو عيالي من أحشم هاه

<< ابد محد غششك على ذا الكلام

لالا من جد نجي للصدق

هوو يعتمد على حسب الحرمه

يعني فيه مرة ولد تفرض احترامها غصب

وفيه لا تحترمينها وهي ما تحترم اهل زوجها ولا شي بالعكس تشيشه عليهم

يعني بس يا نوسه اذا بتخطبيني تراني مرة ولد سنعه << برااااا

ستو ياخلف الأرض من نخطبك له

العيلان أعرسوا والطيور طارت بارزاقها | بس ولاتزعلين نروح نشوف يوسف ولد الجيران السنع الوسيم اللي للأسف إنه أصغر منا لذا بحوله لك

نجي للجد :

شكلك تكلمتي عن النقطة الأخيرة وموب دايم اللي تحترم أهل رجلها يحترمونها
بالعكس بعضهم يطلعون روحها وهي شايلتهم فوق راسها ومايعدونه طيب فيها
يعتبرونها إنسانة ساذجة


مرة ولد جيراننا سيروا علينا عاد ترا الباب بالباب


خوذي

^^^

وش قايله أنا

اقتباس: استهبال مانبغى | خنبقة مهيب لم قلم بعد مانبي أحد يجي يحط راي ماله سنع بعد مانبي

وعليكم السلام ورحمة الله وبركاته

الحشيمتين الاوليات ما اعرفهم ولا جربتهم

بس البني (البنيات ) لا جاء طاري الرجل انتفضن وبنسوي وبنسوي من قو الحشيمة

وعند اهلها ما تحشم احد

والثالثه تونا مجرينها من ثلاث شهور

بس اللي اشوفه لاجت مرة الولد يبدا جنبتس يشكي من كثر ما ينغزونتس

جيبي قهوه جيبي الحلا جيبي السجادة بتصلي

ايام رمضان ياكثر ما تدق امي على اخوي ومرته تبون شي نرسل لكم فطور

<< احس فيها مبالغه زائدة (لاشفت هالمعامله اتمنى اصير مرتن للولد )

اضن هذي الحشيمة ان تساني منيب واهمه

/

كل ابو دايم نزلي مثل هالمواضيع الواقعيه

دوتس

والله الرجال غصب احشمه .. لو ماودي (( السالفه فيها طلاق ))

فيها خراب بيوت ..

اما اهل الزوج << اللي تي ترتاح تعيش بعيد عنهم مو معاهم بنفس البيت ..

وطبعا المحترمه غصب عن ام جابت حمولتها بيحترمونها ..

وفيه اهل زوج غصه قطيعه منهم ينشبون بحلز الوحده يكرهونها عيشتها .. ولو هي محترمه وساكته ومؤدبه .. (( بأختصار حمولة قرف ))


نوسه جعلنا نطيح في ناااس اوب قرف انا وياتس

مشالله تهمتس القضايا الاجتماعيه << براااا