آلليَ وٍدًٍهٍَـِِّ هٍَذٍَآكَـِِّ يَجًِْيَيَيَ(^_^)

**يعيرونن قنو** · 10-07-2008, 06:03 AM

مرهبات

مدخل الحريم: تشهير

تعرفون الأبدة التكرونية اللهجية !MaaaSH!؟؟؟

هذي ياطويلين العمر والسيقان عضوة بقراطيسه ..

دخلت الشات اليوم (مدري وش اللي قردني ادخله ) والقاها تطق حنك بالشات واقط معه

المهم انه طلعت آخر شي سديقتي مسوية فيني مغلب ولا من شين الحظ عازمتني بنفس اليوم

انا مافقع مرارتي الا شي واهيد

انها قاعدة تسألني كم عمري ؟ وانا قاعدتن اتميلح قدامها

عورني قلبي من القهر

وهي قايلتن لنوني انهم بيسوون حركة ثانية بي ----(نوني ما اتفقنا كذا صح )

المهم من تسول له نفسه يتعاون مع مآآآآآآآش التكرونية ضدي مهب اخوي ولا هي اختي

الكلام اللي فوق بس لعانة

نجي للمراد:

اليوم بقولكم قسة :

يمكن مب غريبة مرة ولا فيها شين مميز

بس فيها فايدة بقولكم عنها بعد نهاية القسة

القسة هذي هقيقية

وصارت لناس أعرفهم عز المعرفة (يعني مافيها بهارات زي قصصي بالدكة )

نبدأ قبل 80 سنة تقريباً..

انتم تعرفون ذاك الوقت عادي الواحد عنده يصك 4 - 5 سنوات ورا بعض يروح يشتغل

ويترك أهله لايدرون عنه ولا يدري عنهم..

يشتغلون يترزقون الله سواء خارج شبه الجزيرة أو داخلها..

بطل قصتنا:

كان الولد البكر لأمه وابوه وتعرفون شيبان منوّل اذا صار البكر ولد شلون يعطونه ضعف نصيبه من الهذاك

فيصل احمد ربك انك ما انولدت بذاك الزمن

المهم كان عنده عم واحد بس..

والعم هذا مهب مزواج زي ابو الولد

يعني ماله الا زوجة وحدة..

طبعاً الولد كبر..

وصار شاب عمره بالعشرين..

دخل مرة على زوجة عمه ----- ( ترا الاولين فرييي يعني ولد العم ماعنه غطا )

وكانت ذاك الوقت حامل وماسكة بيدها بنتها الصغيرة تعلمها المشي ..

قعد يناظر بنت عمه اللي توها بادية تمشي ..

وقال لمرة عمه: تزوجيني بنتك هاذي ..؟؟

قالت: كانك تبي اللي ببطني ؟؟ ..

قال : مانب قاعد اتحراها ---(مدري ليش ذكرني بطريمان يوم يعيي يبيع علي جهازه تشليح )

وقام وطلع من عندها..

طبعاً بما انه عمره وصل العشرين لازم يروح يترزق الله بأرضه مثل خلقه..

راح للكويت..

واشتغل فيها فترة ..

وضاقت عليه الحال .. لدرجة انه اشتغل عند عائلة كويتية بأكله وشربه

يعني بدون راتب..

آخر شي طلع من الكويت واتجه للعراق

واشتغل فيها ..

وطول الفترة هذي من الغياب كان يدور له عروس

بس ما الله كتب له نصيب

بعد 13 سنة ..

رجع رجع لأهله..

ولقى بنت عمه اللي كانت تمشي ذاك الوقت متزوجة

بس لقى حاجة ثانية

كان اللي ببطن مرة عمه ذاك الوقت بنت

والحين عمرها 13 سنة

خطبها ابوه له وتزوجها

وأخذ زوجته وراح مع أهله اللي انتقلوا جهة الحجاز

وجلس معها..مع انه ماكان يبيها .. وبغى يطلقها بس ابوه هدده

انه مايعرفه ولاهو ولده ان طلق بنت عمه

..طبعا يوم يتزوجها وهي عمرها 13 سنة وهو تقريبا حول الاربعين

الرجال سكت عن بنت عمه وخلاها معه ..

ملاحظة: شيبان منوّل الواحد اذا مابغى زوجته مايروح زي بعض الرجال الحين يشخمط له ورقة بالمحكمة ويقرشعها عند أهلها

لا يصبر عليها .. يمكن تتعدل الاحوال

نرجع لخوينا

طبعاً جابت منه عيال وقرر انه يرجع يسافر ويشتغل

تركها عند اهلها هي وعيالها وسافر

وغاب فترة ورجع..

رجع وسافر..

وظلت حياته كذا..

مابين سفر وغياب وعودة

وزوجته وعياله ياعند أهلها بنجد .. ياعند أهله بالحجاز..

ياتتنقل معه

وهكذا..

مرض عقبها وقرر انه يستقر بنجد..ديرته وديرة أهله

وهو طول الفترة اللي كان يسافر فيها يحاول يتزوج على بنت عمه

مرة يخطب ويرفضون

ومرة يخطب ويسكتون

ومرة يخطب ويدفع ويهوّن هو آخر شي..

ولا كتب الله له نصيب ..

بعد ما مرض..بدأ رحلة جديدة من السفر بس هالمرة عشان يتعالج..

الين آخر شي توفر امكانية انه يتعالج بديرته فاستقر وبطّل يسافر

صار عنده ماشاء الله عايلة ..وارزقه الله بأرض صغيرة زرعها..

وفي يوم من الايام..

طلع الصبح من بيته بيروح للمزرعة

وكان متعود انه ياخذ بناته الصغار معه بعض المرات اذا راح للمزرعة

الا ذاك اليوم ما اخذهم..

أذن الظهر.. والرجال مارجع ..

العصر؟...مافيه احد ..

قرّب المغرب والأهل خافوا يكون صار له شي ..

راح ولده الكبير للمزرعة ....وش لقى؟؟

لقى ابوه حالته مهب حالة

المسكين كان بيعدل مجرى الماء للزرع ..

وطاح وانكسر الورك عنده

وزحف .. ولحف لين وصل أفياش الغطّاس ورمى عليها حجر عشان يطفى الغطّاس

ويوقف ضخ الماء ولا يغرق الزرع ..

وزحف ..لحد ماوصل مباني المزرعة ..وجلس ينتظر رحمة ربه

اللي مايضيع عباده..واللي أرسل له ولده وهو بين الحياة والموت من الألم والعطش..

نقل للمستشفى وجلس فيها فترة طويلة يتعالج..

بس ربنا ماكتب له يمشي على رجليه مرة ثانية

وظل مقعد بقية حياته..

اللي ماكان باقي منها الا سبع سنوات

يتقلب على فراش المرض اللي جاه من كل جهة

وفي يوم من الأيام قبل 11 سنة من الآن تقريبا..

كان المرافق معه بالمستشفى طالع يصلي الفجر بالمسجد..

لما رجع لقى غرفته مليانه أطباء..

وجهاز قياس نبض القلب يعلن رحيله عن هذه الحياة

استعدت عليه زوجته وأم عياله الوحيدة 4 أشهر وعشراً كما شرع الله عزوجل

رحمه الله وأسكنه فسيح جناته وجعل قبره روضة من رياض الجنة

بس قضت القصة ..

أهم وأعظم فائدة ..

أنت تريد ..

وأنا أريد..

ويفعل الله مايريد..

وكما قال الشاعر اللي أمي حافظتن البيت حقه..

اللي يقول:

لو كنت بحق من العاج مطبق ... مالك عن مقادير الله مطير

يعني :

لو صكوا أهلك عليك بقوطي مصنوع من أقوى أنواع العاج ماراح تهرب من قدر الله عزوجل..

مخرج الرجال::

يالله خلاص صيحتوني

بنت الكآش · 10-07-2008, 06:08 AM

قنووو

لي باااك لأني جاني النوم ..

!MaaaSH! · 10-07-2008, 06:12 AM

محجووووووووووز الرد الثاني

الخال · 10-07-2008, 09:46 PM

اقتباس:


	المهم من تسول له نفسه يتعاون مع مآآآآآآآش التكرونية ضدي مهب اخوي ولا هي اختي

قنو انا معك قلبـ(ن) وقالبـ(ن) << ترا ما خاف منها ابد

وعلى القصه بصراحه ذكرتيني بجدي يوم راح للكويت على شان يشتغل والحمد لله الله فتحها عليه << قاعد يصيح على شانه تذكر جده

**همس الجفى** · 10-07-2008, 10:07 PM

قنو
حرام عليتس صيحتيني
والله من جد يكسر الخاطر حرام على اهله
وانزين المقروده مرت عمه ليه مازوجته بنتها الكبيره
كرهتها

الى على طاري ماش
قنو حنا خوات صح
وانا اعرفك قبل مااعرفها
يعني انا معاس وعلى قولت الخال قلبن وقالبن
كم قنو عندنا
اندوتس

بنت الكآش · 10-08-2008, 02:12 AM

باك

القصه تصيح

الله يرحمه ويسكنه فسيح جناته..ذكرتيني بقصة صارت لشخص اعرفه تشبه لها ..

فعلا الواحد مهما طلع ولا نزل ..مايصير له الا اللي كاتبه ربي له ..!

قنو..شكرا ع القصه

No 1 No · 10-08-2008, 02:14 AM

سبحان اللهـ

كل شيء بالدنياء قسمه ونصيب

وقب كل كذا مكتوب ..!

تسلمين قنوو

**يعيرونن قنو** · 10-08-2008, 04:05 AM

اقتباس:

المشاركة الأصلية كتبت بواسطة الخال


	قنو انا معك قلبـ(ن) وقالبـ(ن) << ترا ما خاف منها ابد وعلى القصه بصراحه ذكرتيني بجدي يوم راح للكويت على شان يشتغل والحمد لله الله فتحها عليه << قاعد يصيح على شانه تذكر جده

هلا باخيي من الرضاع شق التوم ---------ياطولك

والا ناوي تجحدني

الله يرحم جدك وحقي اللي بالقصة

خلاص لا تصيح تراني صحت لين شبعت وانا اكتب القصة

اقتباس:

المشاركة الأصلية كتبت بواسطة همس الجفى

   قنو
حرام عليتس صيحتيني
والله من جد يكسر الخاطر حرام على اهله
وانزين المقروده مرت عمه ليه مازوجته بنتها الكبيره
كرهتها

الى على طاري ماش
قنو حنا خوات صح
وانا اعرفك قبل مااعرفها
يعني انا معاس وعلى قولت الخال قلبن وقالبن
كم قنو عندنا
اندوتس

هموسة

خلاص وانا اختس امسحي دموعتس طفحتينا

واللي صار مب بيد مرة العم ولابيد الاب ولا بيد الولد بيد رب العالمين

يعني بلاش تكرهينها تراها تقرب لي

ايه صح صرنا خلاس خوات

يابعدي انت

اقتباس:

المشاركة الأصلية كتبت بواسطة بنت الكآش

   باك

القصه تصيح

الله يرحمه ويسكنه فسيح جناته..ذكرتيني بقصة صارت لشخص اعرفه تشبه لها ..

فعلا الواحد مهما طلع ولا نزل ..مايصير له الا اللي كاتبه ربي له ..!

قنو..شكرا ع القصه

بنت الكآش

يمكن اللي حقي وحقتس واحد ؟؟

الله يرحمهم كلهم كانهم اثنين ويرحمه كانه واحد

منورة يالأبدة

اقتباس:

المشاركة الأصلية كتبت بواسطة هآجر

   سبحان اللهـ

كل شيء بالدنياء قسمه ونصيب

وقب كل كذا مكتوب ..!

تسلمين قنوو

الله يسلمس

منورة

قصيمي · 10-08-2008, 10:32 PM

القصه موثره
رحمة الله عليه
وما للانسان الا المكتوب
تحيتي لك

آلليَ وٍدًٍهٍَـِِّ هٍَذٍَآكَـِِّ يَجًِْيَيَيَ(^_^)

!.. [.. الـمـجــلـــس ..] ..!