حصري يا ديزل :p

السلام عليكم .. تحبوني

اليوم جايب لكم تقرير عن فلم مصري توه نازل بالسوق . . اسم الفلم ( بوشكاش)

الفلم هذا كومودي ( كوميدي )

ابطال الفلم

محمد سعد




زينة




عزت ابو عوف





احداث الفلم


يا طويلين العمر هذا اللي اسمه بوشكاش (محمد سعد) كان حارس مرمى لكنه كان زلابه يعني اقدر اقول ان خالد راضي يعتبر عنده اسطورة الحراس وفي يوم من الايام قرر انه يعتزل .. الناس من الفرحه ما صدقوا عشان كذا حطوا حفل اعتزاله يوم الجمعه الساعه 2 الظهر << عشان عارفين انه محد بيحضر

بعد الاعتزال راح لدولة افريقيه وسووا له حفله كبيره ( لان بوشكاش كان حارس ولاول مره يفوز الفريق الافريقي على فريق مصري .. عشان كذا حبوه وسووا له حفله ) وفي نهاية هالحفل عطته الساحره قلادة يعلقها على رقبته << يعني قلادة وين بيعلقها فيه .. وقالت له ان هالقلادة بتصير فال خير عليه وبتساعده عشان يكون انسان تاجر وشاطر

اخينا في الله بوشكاش .. رجع لمصر وقرر انه يصير وكيل تعاقدات اللاعبين وصار له صيت وكل الانديه تحسب له حساب وصار يوقع مع اللاعبين في دقايق وباقل المبالغ


نجي الان للمذيعه ( زينه ) هذي مذيعه عصاميه ما تحب الحال المايل كل همها انها تكشف القضايا الشائكه وفي مره من المرات استضافة رئيس مجلس ادارة مستشفى خاص وفي نفس الوقت هو رئيس النادي اللي يشتغل فيه بوشكاش , وبعد ما حجرت له بالاسئله طلع الرئيس زعلان وهدد صاحب القناة والمذيعه انهم لو ما عقلوا يبي يسوي بهم بلاوي

رئيس القناة خاف على منصبه وطلب من المذيعه انها تعتذر ومن محاسن الصدف ان بعد يومين فيه احتفال في النادي وبيحضره الرئيس ففرصه منه يغطون الاحتفال ومنها تعتذر له طبعا المذيعه وافقت انها تروح مب حبن في سواد عيون الرئيس لكن عشان تكمل كشف الحقائق


وفي يوم الاحتفال حضر بوشكاش و جلس جنب المذيعه وحاول انه يتميصل عليها لكن هي مب لمه بالها مع المصور اللي راح يصور اجتماع الرئيس مع واحد اوربي يجي عشان ياخذ نخاعات المرضى اللي في المستشفى حق الرئيس الوعي
<< يلعن ام التوقيت يعني مالقوا يجتمعون الا يوم الحفل

طبعا بعد ماخلصوا الاجتماع اكتشفوا ان في واحد صورهم .. وانحاش المصور وحط الشريط في مخباة بوشكاش وبوشكاش ما يدري وش السالفه قاعد يتهاوش مع واحد وهو يتهاوش طاحت القلاده واخذتها المذيعه


اها الحين بيبدأ الاكشن

بوشكاش بعد ما فقد القلاده صار فاشل وما يعرف سوي صفقات وطردوه النادي .. عاد هو شاف المذيعه وهي تاخذ القلاده بس ما قدر يلحقها لانه كان يتطاق مع واحد وهي درت ان الشريط حق الاجتماع معه .. فصار كل واحد يبي يتقرب من الثاني بس ما يدري شلون .. هو خلى واحد يتحرش فيها وراح يفزع لها عشان تحبه وهي سلكت له و عزمته على بيتهم وشاف ابوها واخوانها ,, طبعا اثناء الحفل كان فيه كميره تصور الحفل وسبحان الله قدرت تلقط المصور وهو يحط الشريط في جيب بوشكاش

عموما بعد فتره بوشكاش حب المذيعه وتعلق فيها وهي بعد حبته << فلم مصري لازم يحبون بعض

عاد الرئيس يوم درى ان الشريط معه قام وهدده انه لو ماجاب الشريط بيذبح المذيعه .. هو خاف وراح يبي يسلمه الشريط لقى واحد مقتول وعلى طول طبوا عليه الشرطه ومسكوه وودوه للحبس .. طبعا الشريط اللي جايبه لهم كان فاضي لانه كان حاس انهم بيغدرون فيه

قالوا له اذا عطيتنا الشريط نبي نطلعك من القضيه براءه وقدروا انهم يهربونه من السجن << مصاريا اي شي يبون يسوونه يسوونه اهم شي الفلم يمشي

بعد ما هربوه .. اتفق هو والمذيعه انهم يسوون له مقلب وراح له بوشكاش في البيت وكان معه لاب توب وفيه كاميرا و سجل كل كلامه ووداه للشرطه و مسكوا الرئيس الوعي وطلع بوشكاش براءه

وبس خلصت القصه ..

بصراحه الفلم كان مليان بالكوميديا .. ومن افضل الافلام خلال الصيف وانا اقيمه شخصيا 8 من 10

تحبوني

طيب الفلم نازل بالسوق

^
^
توته انا عكسك اذا شفت هالمخلوق العجيب محمد سعد اغير القناة ع طول اكرهه



دمار مشكور ع كل الاحوال

توتــآآآهـ ’

إذآ بغيتي تشوفينننـه بشوفهـ معتس

دمـــآآآر ’

متشكـــر يآ أخويـــآ

هههههههههههههههه
انا اشهد انه حصري
محد حاط لون توحه حقك ذا
ههههههههههههههههههههههههههههه
اجل حصري
اصبر باجيب لك شي حصري من جد
بس يبي لي وقت شوي
وفضاوه
اعاني من العجز بشكل موب طبيعي

تسلم يادمار

ان شاء الله بتكون سهرتنا عليه الليله

تحياتي

اما بوشكااااااش .. كح كح كح كح والله يا انت قديييييييييييم



هاه دمار وش رايك ندز للبحرين علشان نشوف الفلم ؟

سلامي لك يادمار
بوحةو لمبي 1و2احلا صدقني
اقول شوف فلم كذا رضاء ل احمد حلمي
وقلي وشىء رايككككككككككك
سلامممممممممم