جـــوجي وشباب بريده

لاحلف ان نصكم داخل علشان عنوان الموضوع





يالله ان تحي كل من طل هنّيا ..

وتوسد عند قصتي << قصتي والا غريتي << توته أحبتس

وثارت قريحته بعد ما قراها << طفطف تعالي صفي


^
^


بما اني انسانه فاشله بالمقدمات

فما لكم باللي فوق



في مره من المراريت كنا بالقصيم وفي بريده بالضبط ..

طبعا بما اننا بالقصيم مافيه اي وسائل ترفيه..

على انها مافيه وسائل الا اننا نحب نروح لها ..

يمكن لان جدتي حبيبتي فيها


وان تمصعوا تمصعوا

تمشوا بجيان والنخيل بلازا

ايييه صح ولايهون اهم معلم بعد برج المياه ,فندق موفنبيك اللي نص اهل القصيم فيه

بس ولو حلو الفندق ترقع ترقع


عاد امي دينها ودين بريده على انها منها تقول ما عندهم الا الحكي ونقله ,,

والتعقيد . قويه امي ..


بايالله توافق نروح لها

وكانت الفتره زواج خالي علشان كذا رحنا

ومن فوق هذا المنبر اقول خالي فهد احبك

<< يارب انهم ما قصوا قصة حياتهم

الزبده والمهم اننا استاجرنا شاليه ..

ايقال نغير

بس كانت انواع الفله والبسطه مره ..

الجو كان حليو وخاصه بالليل نفاه ياالله براد الجنه


المهم : << كل هالهذره وما بعد جـء جـ ء المهم


خالاتي متجمعين هناك وبهذي الفتره جو خوخه وحك حك من الرياض لمنا ..


طبعاً ما فيه اي خبال ما سويناه هذاك اليوم ,

واخر شي توصلت له اني اروح عند الأولاد والعب كوره معهم

وطبعا العيال قمه بالرقه والاسلوب الجميل وهم يلعبون

واطب معهم ورجعت وانا محروله ومااتوب ارجع والعب ثاني ..

خلااص لمَ حسيت انوا مافيه اي طاقه ..

ربضت بمكاني وانا مشنقله

ويوم تأخر الوقت بالليل ..

طبعاً
وش نسوي وش نسوي. اكل واكالنا ولعب ولعبنا وسبحنا وكلش ,

وش بقى ؟!!!


ايييه ما رقصنا

طبعا كان بوقتها جدي عندنا نايم ونخاف نزعجه لاننا بسم الله علينا شويّين

نبي نرقص قلنا مالنا الا نروح الاستراحه اللي جنبنا..

وكانت الاستراحه حقت خالي..

المهم اننا سألنا خالي متى المستأجرين يطلعون قال 2 باليل

ويوم جت ثنتين ونص , واثرنا ما نسمع حس بالاستراحه قلنا اكيد انهم راحوا

ونضف عفشنا وطربق طربق بنروح للاستراحه

الاستراحه كانت جنبنا اللي طلعت بشال واللي بدون شي يعني اشكالنا تووحفه

لو بيسرقنا احد محد درى ..

وكلنا كنا بنات يمكن حوالي 15 بنت ..

يوم وصلنا الاستراحه واثرها مسكره ومالقينا الحارس ..

وطبعا بالقصيم مافيه اي شي يعوقك من هالناحيه..

جاء تميم و لد خالي خبري به عندنا بالارض فجأه لقيته راقي مع الباب وطب !!

ويفتح لنا الباب ..

ويوم دخلنا
كانت الاستراحه حوسه وكان فيها جزم وانتم بكرامه .. وحنا نحلطم نقول ورهم كذا

وحنا نقول ورهم رايحين حافين لبيوتهم ايقال ننكت ونضحك

المهم بعضنا دخل ببيت الشعر

واللي تشبك الاستريوا << طبعاً ما عاقنا الا وين نحط الاستريو ..

واللي اللقافه ذابحتها وراحت تستكشف

واللي تدور مكان للابتوب حقها .. علشان اللي مهوب بالشريط يصير بالابتوب.

ومره ندهر

تحلفون ان الدنيا نهار نهار مهوب نص الليل ..

المهم اننا انتشرنا بأرض الاستراحه الواسعه


<<هنا ينط عرق اللقافه

حيث انه فيه باب بأخر الاستراحه جت بنت خالي وتميم وراحت معهم خوخه المرافقه ايقال

فتحوا الباب ودخلوا كانت زي الصاله
>>ومازلوا في طور الاكتشاف

المهم هم دخلو وأثر فيه باب ثاني ومير يفتحونه ويشووفون مووووفاااجعه





















اثر فيه شبااااب يمكن حوالي 30 واحد قاعدين مادري عند تلفزيون مادري وش سالفتهم ..بس معطينا ظهورهم

الخفيفات صرخوا وطلعوا لنا حنا ماندري وش السالفه يأشرون ويصارخون شباب شباب ..

الاستراحه كانت كبيره مره يالله وصلوا لمنا وهم شوي ويغمى عليهم
وحنا لاهين بتشبيك الاستريوا

المهم جدعنا عفشنا ونتلف نبي الباب
وين الباب وين الباب ؟!

ونطلع على طول ندخل استراحتنا وحنا نتافض ونضحك من الروعه



ويالله لك الحمد ربي ستر علينا وطسينا لاستراحتنا بأمان ,

هذا من دعى الوالدين

عاد مااحلانا جايبين الاستريو وقاعدين نرقص بالليل

همن يحطون باليوتوب فتيات القصيم في استراحه بعد منتصف الليل





مايستفاد:


1 - اذا صارت الاستراحه مقفله لاتطب.

2 -اذا طفشت نام والا رح للجيان والنخيل ولاتروح لاستراحه ثانيه .

3 -اللقافه تفيدك في بعض الاحيان .

4- لا تطلع بدون ما تستأذن اهلك , تدرون ليه ؟ علشان لاتباطوك يدرون انك مخطوف

5 - كم مهم بالقصه



كانت معكم جوجي من ارض الحدث .

, القصيم , بريده ,

برايفت فيصل :
هاااهـ علشان ماتقول وراك ماتدخلين

مرحبا جوجي

بكرى بسي ان ان القصيميه

احسو انهم تروعوا يحسبون انكم من بسم الله ههههههههههااي

مغامره حلووووووه بس لاتعيدونهااااا

طحياتي

هههههههههههههههههههههههههههههههههههههههههههههههههه هههههههههههههه

مب معناتها رحتي القصيم صرتي ملقوفه

بعدين منتب صاحين مرره تمونون تطبون بالاستراحه اللي جنبكم

جوجي امتعتيني صراحه

امسكي

المتبودرهـ

اقتباس: مرحبا جوجي

مراحب

اقتباس: احسو انهم تروعوا يحسبون انكم من بسم الله ههههههههههااي

لاماشافونا لو شافونا ان كان مصيبه

ميتو

وتوتاااهـ يابعد هالدنيا

اقتباس: بس بالسماع احلى بكثييير تحسين انتس بأرض الحدث

رايتس اسجل بمقطع وانزله<<ماتعوق

اقتباس: ياليتكم يختي طالعين باليوتيوب

يوم ننحاش عجزت اقنع طف طف اقول اقعدي معي علشان نطلع بس هي عيت

اقتباس: غوصة توسع الصدر

دووم هالسعه ياارب


توتااهـ