عاجل جداً

السلام عليكم ورحمة الله وبركاته ..


تدرون ان راح على افتتاح العزبه اكثر من سنه .. اكيد تذكرون لاننا حطينا بنر وسوينا كيكه

وبعد ما مرت سنه .. فكرنا اننا نتغير شوي ونكبر عشان العزبه تكبر معنا << ياشين اللي ما يعرف يحط مقدمات

طبعا الحين شعارنا بيكون ( معا يد بيد لمحاربة المواضيع المنقوله ) << زي شعار الجوازات ولا

وقبل ما نعلمكم كيف بنحارب المنقول بنعلمكم الاقسام الجديده وش بتصير



1- الصاله ( هذي على وضعها ) وهي تختص بالاعضاء الجدد ومواضيع الترحيب .

2- المجلس .. وهو يختص بمواضيع النقاش او المواضيع اللي لها فايده بس بشرط ما نبغى مواضيع منقوله .. واذا كان الموضوع مهم وحب العضو انه ينقله لازم يكتب له مقدمه و يكتب له في الاخير كم كلمه يبغى الاعضاء يتناقشون فيها .

3 - المصلى .. من اسمه واضح انه يختص بالمواضيع الدينيه , طبعا بيجي واحد ويقول وش رايكم الفتاوى من المشايخ يعني تبون حنا نفتي بنقوله لا يكثر حنا ما قلنا لك افت لنا لكن حاول تقدم للفتوى وتكتب لك مقدمه للموضوع بعدين تجيب الفتوى ( وضروري المصدر ) .

4- الشعر والخواطر ( طبعا ما نقدر نقول لكم اكتبوا شعر او خواطر ) لكن اللي بينقل شعر ياليت يذكر صاحب القصيده .

5 - الدكه .. طبعا هذي من بداياتنا وكانت خاصه بالمواضيع اللي تضحك و وكان من اهم الشروط انه ما تكون منقوله .

6 - المراجيح .. هو قسم الالعاب ومانبي فيه مواضيع عد الى خمسه وعط اللي بعدك ورده على الاقل تكون العاب حلوه وفيها اكشن .. واللي بيحط موضوع عن الأرقام .. البرحه تنتظره .

7- الالبوم .. هذا القسم خاص بمواضيع الصور او مقاطع الفديو .. طبعا ما نقدر نقول للعالم روحو صورو .. لكن ياليت اللي بيجيب مقاطع او صور .. يكتب التعليقات على الصور او المقاطع من عنده .

8 - جدار العزبه .. هذا مخصص للمبدعين الرسامين ( سواء رسم باليد - فوتو شوب - رسام - .. ) طبعا هذا من زمان وهو ما فيه منقول كل المواضيع لللي فيه من ابداع الاعضاء .

9 - الاتصالات وموبايلي + غرفة الكمبيوتر ( دمجناها في قسم واحد وصار اسمه التكنلوجيا ) وهو خاص بالمواضيع اللي تخص الكمبيوتر او الجوالات .. ونفس الشي اي عضو بينقل موضوع لازم يكون الموضوع من كتابته هو .. يعني الفكره موجوده بس التعبير من العضو نفسه .

10 - الملعب .. اكيد بيحتوي على الاخبار الرياضيه وتغطية المباريات والتقديم لها .. وهنا لازم الواحد يكتب من دميجته وما فيه مشكله انه يجيب صور من مواقع ثانيه .

11- بربسة بنات .. طبعا هذا القسم اكيد خاص للبنات ( ازياء - طبخ - استفسارات - .. ) بس اهم شي ان العضو يكتب تعليقه ومقدمه للموضوع .

الزبده ( نبي نتميز عنن المنتديات الثانيه ) ما نبي المنقول لان ايميلاتنا والمنتديات الثانيه مب مقصره تدخل تشوف المواضيع هي هي


اوه نسينا نقول شي


طبعا اي شي يبونه الاعضاء من الادارة يقدرون يكتبونه في ديوان المظالم .. او يراسلون المراقبات مشاعل - احلى بنوته

نشكر اخونا العزيز اللي اختفى في ظروف غامضه ( سعودي ) بصراحه اختفى له فتره ولا ندري وش صار عليه بس ان شاء الله انه بخير .. وبما انه من زمان ما دخل قررنا اننا ننحيه من منصبه حتى نعرف وش قصته

وعليكم السلام ورحمة الله وبركاته ،



إن شاء الله تكبر العزبه أكثر و أكثر
وتسنن


و بـ التوفيق يابعدي مع القوانين الجديده
وإن شا ءالله الأعضاء قدّها وقدود




راعي العزبه الدميـل s1

ألف ألف مليون مبروووك على الستااايل الحلو

صراحه جهدتشكرووون عليه

وبالنسبة للتغيراااات فهمناااها ومعكم نحارب ضد المنقول<<حسيت أننا بمعركة ضد الأرهات

راااعي العزبه

وعليكم السلام

أهلين راعي العزبة من طوّل الغيبات جاب الغنايم

أول شي : الستااايل خقاقي عجزت أسكر الصفحة من يوم شفته
ثاني شي : وبالنسبة للقوانين الجديدة أحسها بتسوي شي حلو بالمنتدى

راعي العزبة دوم ترتقي العزبة بوجودكم يارب

s1

راعي العزبه

على البركه افتتاح المنتدى بستايل جديد وبصراحه هاي لوك

ترادشنيل نو بروفشنيل .

عموما التوجيهات في الصميم ولابد من ان المنتدى يتميز.

لكـــــ منـــــي فائق تحياتي,,,,,,,,,

الااااااه

مررره الستاااايل حلو ,, ولو اني تعودت على العنابي


تتربى بعزكم يارب وبالنسبه للقوانين حلوة وان شاء الله تخدم المنتدى ,,


الى الاماااام سر : )

ترى الستايل القديم موجود تلقونه تحت على اليمين تقدرون تختارون الستايل اللي تبون سواء هذا او القديم

وان شاء الله مكون يد وحده عشان العزبه تكبر

كل عام وانت بستايل جديد ومن تميز الى تميز
شكرا للجميع على مابذلوه من جهود متميزه
وسمعاً وطاعه للقونين الجديده
تحياتي