●● يوم في حياة ●● ẳ m ô u Ş ₣ ●●

F a M o U s · 03-25-2008, 04:21 AM

بسم الله الرحمن الرحيم

السالفه وما فيها ,, انو جاني امر من الديوان الملكي اكتب يوم في حياتي ,,
صحيح نكبه شوي ,, لان صراحه يومي ما يتغير

جامعه ,, غدا ,, نت ,, عشا ,, نوم .. والله المستعان

عاد قلت اجيب لكم يوم مختلف شوي !!
وفي هاليوم صورت ,, وقلت بقلد سعبولا وبادعم الموضوع بالصور <-- من كثرها

(( الجزء الاول ))
## الدهشـــة قبل الاقلاع ##

عاد يا طويلين العمر هاك اليوم ..قمت الصوباح وافطرت الصوباح وقلت لأمي مع السلامه في الصوباح نفسه وكزتني بدعوة على الماشي

استلمت الخط ووصلت الجامعه بآدري
ولا كالعادة الاقي الشباب محضرين بالمواقف
(( طبعا نذالة كل واحد ياخذ موقفين ويطلعون يسولفون برا عشان نحجز لبعض وان جا احد يبي موقف يقولون له ما نعرف صاحب السياره ))
وكل يوم على واحد ..

اي والله <-- ترا ذي مثل الشيبان اذا جو يسولفون يعني مو حلف بمعنى الحلف

وصلت وبدو يزحفون بسياراتهم .. وقفت ولا الشباب كنهم متحمسين على شي مدري وشو
طبعا مرات بعض الشباب يتكرم ويجيب معه قهوه وشاي وتمر وفله ,, في البريك نفرش ونتكي بالمواقف

ما لكم بالطويله ..

نزلت من السيارة ابي اشخص ,, وصاير اتعطر بالسيارة وازبن العطر عن اخوياي لان ما له كم يوم وخلص نصه انواع التبخيخ
الموهيم يوم نزلت ولا احد المصرقعين انبرش علي ,,
ويخش بوجهي يقول (( الشرقيييييييييه يا ولد ))
,, وبكل دهشة قلت ,, امآآ عآآآآآد .. من قوة الدهشة
عسى الحاله مطوله

رحت للبقيه قلت وش السالفه .. قالوا وش رايك بالشرقيه نروح اليوم ونرجع اليوم <--
صد .. رد

قلت والمحاضرااااااات
قالوا يا راااقل يوم ما يأثر ,, وبدأوا بالحشو العقلي
اقول لا ,, يقولون ايه ,, اقول لا يقولون ايه

في الاخير اقنعوني ,, وانا صراحه كنت متحمس بس مسوي ثقل

(( الجزء الثاني ))

## الاقـــلاع ##

واحد المتحمسين كان عنده جمس ,, قال يالله حملوا الجمس
عاد احنا خمسة ,, ثلاث منهم ملاحيس والرابع مفهي والخامس رزين وفاهم (( اللي هو انا ))

واحد يسوق ,, واربعه وانا منهم يلعبون بلوت .. ومسفطين المراتب

عاد انا مستواي بالبلوت فوق مستواهم لكن منشان نرضيهم
واللي يسوق رجله على الصاجه <-- لبعض الاجناس اللي ما يفهمون .. يعني الطبلون يشكي <-- احس اني ما شرحت

ورجله على الصاجه لانه معصب واخلاقه باصبع رجله ,, لانو يحوب البلوت

والمشكله البنزين يخلص بسرعه في الجمس ومع السرعه

ما شا الله خلصنا الطريق ع اعصابنا من الهفه والطيران والبلوت خلال فترة زمنيه قصيره ,, بسرعة 200 كيلو متر
ماني طالع معه مره ثانيه

(( الجزء الثالث ))

## الهبــوط بالسلامة وبعض الاحداث ##

وصلنا ولله الحمد ,, ودزينا على البحر ع طول لان ابي امتع عيني شوي بالمويه ,, طفشنا من التوراب كل شوي

وبالقهوة والتمر اللي معنا تكينا,, واصطدنا الاسماك بالسنارة <--اختلفوا حول كتابتها (صنارة) ام (سنارة) وقيل انها كلمة فارسية الاصل

صح في شمس وحر بس ما عليه تعبانين نفسيا نبي نقعد عند البحر ,, بس جلسنا بمكان حلو
وصلينا فيه

الموهيم تحاورنا وتناقشنا كآثير .. ولا تدف ومدري شنو ,,

بدأ الجوع يداهمنا ,, واتفقنا على الا نتفق .. كلن يحرج على مطعم براسه ..
بس الحمد لله بالنهاية اتفقنا على شواية الخليج
صح انه عندنا بالرياض .. لكن بالشرقيه احلى

ركبنا السياره وضبطنا المراتب طبعا ..
وطربانين ع هالظهريه ..
وصلنا المطعم ولا الهنود يجيبون الهم استغفر الله .. مدري شلون اكل من هالمطعم ((نظيف )) بس واسوي طعمه فآلآه

يا صآديق.. حبتين مع الرز و3 سلطة بالخيار ,, و3 بيبسي و2 لبن << نطلب ترا

اكلنا اللهم لك الحمد .. ورحنا صلينا ,,

(( الجزء الرابع ))

## وقت المزاج ##

فتوجهنا على اهم معلم في الدمام
الديوانية <-- لحد يقولي وشي الديوانيه شي سر <- يا كثر اسراره يا

رحنا وشربنا فيها شاي تفاحتين ولا في الاحلام
وشاي كشري بعد

وتكينا فيها تاقريبا ساعتين

وجا المغرب وضبط الجو .. على ان التعب بدا علينا واضحا
قلنا ما لها الا الخبر

ورايحين جايين من الدمام للخبر والععكس صحيح

عاد ما شا الله من الدمام للخبر ولا من مخرج 8 الى مخرج 15 في الرياض

وتذكرت في هذه اللحظات الكاميرا وقلت اصور لي كم صورة كذا ,,

وهاااضي بعد

وبعد هاضي

(( الجزء الخامس ))

## العشا والمزاج ##

صلينا المغرب والعشا .. وبعدها بشوي .. بدأ الجوع حبه حبه

واقترحت عليهم نتعشا بمطعم (( الرافديــــــــــــــــــن )) اقوى واعظم واجمل مطعم مشاوي عرفه الشرق الاوسط

رحنا بسرعة القملة
ودخلنا المطعم ولا اناظر ,, الادارة زوله ((بضم الزاي وفتح الواو وفتح اللام = جمع زول ))
قلت مشاوي وزوله
والعاملين فيه مصاريه على يمانية على اتراك على سواريه ,,

عاد انا استغربت وبس

يا معلم ..نفرين كفتة بالفرن .. ونفر حميس .. ونفرين كباب .. ونفر اوصال بالفرن .. وخمس بيبسي .. وكثر الخبز
<< تآرآ مآ اكل الا الاكل الصحي من الصباح

عاد يوم خلصنا الاكل وغسلنا ايادينا بالمآآء والصآبون << ننيفين
جاء وقت الديوانيه مره ثانيه
واتجهنا نحو الديوانيه خرمانين

تقهوينا مره ثانيه شاي تفاحتين <-

عاد الديوانيه واللهي ما شاء اللهو ,, شي شي ,, تهآبل

//

(( الجزء السادس ))

## عيني غمضت ##

طلعنا منها .. ولا فينا النوم
واحنا متعودين كل ما رحنا الشرقيه كيذا ,, نرجع في نفس اليوم واذا ما كان عندنا شي نجلس عادي

بس الحين ورانا جامعه وفينا النوم
عاد كل واحد اخترع له تصريفه لاهله الموقرين .. وتمت بنجاح

اهاااااااااا
اتفقنا انا ننام بالدمام ,, ونريح
عاد دورنا لنا شقة عشان نريح ,, وبما انا 5 ,, يعني القطه تجي بسيطه ونقدر ناخذ شقة محترمه

اخذنا شقة فندقيه حولوه ,, ابد تناظر من الدريشه ولا البحر قودامك

وصورت قطعة جزء منها

ناظر بالصورة ,, ابد اول ما تدخل يمين ولا الغرفة بوجهك ,, صورت ورحت هوناك وحطيت راصي ونمت

ثم صحيت اليوم الثاني و...
خلاص ما اقدر اكمل انتم طالبين يوم واحد

*********
*********

@ @ احداث خارجة عن النص @ @

* صقيقي انتفخت رجله من السواقه فقررت استلام الدركسون بداله

* قعدنا ^نقزقز^ عند الكورنيش (( السمك )) في الموية

* استحينا نتسبح في البحر عشان ما نطلع العورة قدام الناس الاجانب

* اليوم الثاني رحنا مجمع الراشد و .. <-- ممنوع تقول وش صار باليوم الثاني

* السرير اللي نمت عليه غير طبيعي ,, قصمن كنه سرير الامريكان اللي بالافلام

* عطري خلص بالطريق اثرهم زارفينه من السياره

* واللهي ما طبينا البحرين
//
//

وسلامتكم يا اصدقاني

وتراني باقي افكر باللي بيحكي بعدي

ولا تسألوني عن اسمي بالصوره
اللي مسويها مدري وشو له كتبها بالعربي

لكم الردود

M!sS Yaay · 03-25-2008, 04:53 AM

اهلن أهلن باللي أنا عدوته

,

مسكين خلصوا عطره

<-- برا

أمما استحيتوا ,

الحمدلله ع السلامه
و يوم حلو , وكله نشاط
لو ماجاك إلا أمك يوم كزتك بدعوه

يعطيك العافيه s1

F a M o U s · 03-25-2008, 05:08 AM

اهلن بيك ياللي عدوتي

حياك رب الكون ,, وتشرفتي بأول رد اكيد
بس اقدر احلف انك ما قريتي من القصه الا البدايه والنهايه
ادري طويله بس ارجعي اقريها ما علي منك تعبت

شكرا

M!sS Yaay · 03-25-2008, 06:17 AM

طيب .. احلف .. !

العفو <-- تحسفت إنها ردت

دمار شامل · 03-25-2008, 07:30 AM

والله مشكلتنا بالسعوديه اننا جزمات << يعني بسرعه نجزم

بصراحه والله يومكم اكشن اهم شي دايما تجوعون وترحون للديوانيه

وسلم لي على الراشد

فارسة المملكة · 03-25-2008, 08:20 AM

يومك حلو بس وراه ياكاافي حركات نذاله ربعك هم والمواقف <<<<وانتي وش دخلك

ياشينك لاصرت بالريااض سااكن وقلبك معلق بالخفجي <<<<وش دخله مدري

لابجد شيء خيال الشرقيه تجنن وصورها اللي جبتها تجنن

عوافي يابطل

fofo · 03-25-2008, 03:05 PM

*

فيموس ..

ياحظكم رحتو الشرقيه

^^

تحسبها باريس

المهم :

يوم حلو ومليء بالشيشه والرافدين وشواية الخليج << كل هذولي عندنا في الرياض

كان غيرتو ورحتو لشيء اوب عندنا .. DD

وبعدين لعد تشتري عطر دام ربعك يخلصونه خلهم يشترون وتعطر منهم

ويوم حلو ومليء بالمغامرات

وسلامت صديقك اللذي تورمت قدماه ( قله يدهنها بــ فقس )

وشكراً

*

أم شعر ملولو · 03-25-2008, 10:41 PM

أهنن أهنن فيمـوس

يوم طآويل لكن جآميل

ماشاء الله على طول ماتعوق معكم دزيتوا

بس عاد وراكم ماغيّـرتوا
الأشياء اللي رحتوا لها هناك ، عندنا هنا

اقتباس:

رحنا وشربنا فيها شاي تفاحتين ولا في الاحلام
وشاي كشري بعد

ماشربتوا شاي فراوله بعد

اقتباس:

* استحينا نتسبح في البحر عشان ما نطلع العورة قدام الناس الاجانب

وراه
وش بتلبسون أنتم

اقتباس:

* واللهي ما طبينا البحرين

تراكـا حلفتـا

،

الصور مررره أعجبتني
تسويرك حلـو

فيمـوس ،

يعطيك العافيه ع اليوم الخوتير

مشكور s1

D7OOMi · 03-25-2008, 10:43 PM

فيموووسي

اطلق ما في القصه الديوانيه

واللهي يومك جميل ياولد واحلااا مافيه انكم ماكنتو ناوين فجأه جزمتووو

ونآسه كذااااا

يسلمووو فيموس ع اليوم الجميل

دحومي

**نوني** · 03-26-2008, 12:20 AM

وشي الديوانية

فيموس يومك فلله .. ماعندكم وقت على طول تجزمون ,,

وه بس ليتني ولد كان مريت البنات ودزينا للشرقيه ,,

يعطيك العافية ,, ويسعد ايامك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[●] قـgلـgآ هلآ מَـرْבـبآ بآلزيـטּ [●]	Besho0o	\|\| الـصـــالــه	24	11-12-2008 08:47 AM
●•[ ... أحـ،،ــب طولـ،،ـه [و] أحـ،،ـب زولــ،،ـه // و [أمـ،،ـوت] برزة عقاله... ]•●	‏9ûmt ∂lk∂l∂m	\|\| بيـت الـشـعـــر	4	10-06-2008 12:44 AM
● { تم تسجيـل خروجي من כـيـآتڪَ }● ‘‘ تصميمي ’’	بنوته فله	\|\| الــتــكـنـلـوجـيــا	17	09-12-2008 03:39 AM
~【● وَآِحً ـدِ جِدّيْـِدٌ مِحَتُـِآجٍ تِرحُيًبٍڪـِمـٍ ●】~	~ Ez3aJ	\|\| الـصـــالــه	15	09-05-2008 11:33 PM
[.:.] Conveяse Shoes ●● All Staя 2008 ●● [.:.]	ll mEmO ll	\|\| بربسة بنات	10	02-10-2008 03:52 PM

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

●● يوم في حياة ●● ẳ m ô u Ş ₣ ●●

|| الــدكــــه