قبل لا تطق باب العزبه تعال فيذا نبيك شوي ..

اخواني واخواتي أعضاء و زوار العزبة بنعطيكم بعض الملاحظات اللي ودنا تلتزمون فيها عشان نقدر نعيش مع بعض << وش تبي انت بالضبط



1- كلنا مسلمين ان شاء الله .. يعني لا احد يكتب موضوع او رد يغلط فيه على العقيدة الاسلاميه وما نبي حروب طائفيه حنا هنا اهل سنه وجماعه اللي بيحارشنا بيجيه باند


2 ـ [ الرسـائل الخاصـة ] .. لا تستخدمها في التعارف بين الجنسيـن وترى ربكـ فوقكـ ويشوفكـ !!



3- عندك موضوع او نصيحه وتبي تحط آية لازم تتأكد ان ما فيها تحريف .. واذا بتحط حديث تأكد انه صحيح



4- نجي لليوزرات .. ما نبي احد يسجل بيوزر فيه قلة ادب عشان يعلمنا انه زاحف .. خذ راحتك باختيار الاسم بس اهم شي ما يكون وع .. و لآ أحد يسجل بيوزر كله ارقام او حروف مثل $#%^& او 27458



5- بالنسبة للمواضيع .. ما نبي مواضيع منقوله في قسم القهوه اما باقي الاقسام مب مشكله تحط منقوله بس حاول تصيغها باسلوبك .. والمواضيع الماصله انتم عارفين مكانها صح .. نشوته هو وموضوعه للبرحه



6- اللي يشتشت بينجلد .. ما نبي شتشته وخروج عن المواضيع .. اللي عنده نية شات يروح للحوش يبربر إلين يشبع.. واذا تعب يرجع يرد في باقي الاقسام



7- اللي بيرد على المواضيع ويقول بس ( يسلمو ، ولكمو ، شكراً ، يعطيك العافيه ، هههههههههه ، خخخخخ ، ) << يوفرها على نفسه نبيكم تقرون الموضوع وتعطون الموضوع وراعي الموضوع حقه من الرد



8- اللي عنده اقتراح .. او يبي يغير يوزره او عنده شكوى على احد الاعضاء يسير علينا في ديوان مظالم وتطوير العزبة وان شاء الله بنحل قضيته



9- لحد يحط روابط أغاني .. لأننا مب ناقصين آثام أحد .. ولا انت يا راعي الاهداء ناقص تاخذ آثام غيرك ..

10- خاص بقسم الملعب

يعني اوكي المنتدى للفله والضحك والاستهبال لكن لازم يكون عندنا خطوط حمراء ( ولو كانت منقطه ) و لعلكم لاحظتوا يمكن في الفتره الاخيره وخصوصا بقسم الملعب .. ان اي واحد يختلف معك الراي من الممكن ان تصفه باشنع العبارات والاووصاف ( غبي - فاشل - بزر - ... وكلام اخر ما ينقال ) .. عشان كذا من الان وصاعدا يمنع استخدام هذه الاوصاف والالفاظ عندما ترد على عضو معناا بالمنتدى ,, وبامكانك استخدام ما تشاء من كلمات سخريه ولكن في حدود الادب والاخلاق .. طبعا في كلمات لا مانع من ذكرها عند وصف الفريق المقابل ( مثل البزارين = الارسنال , الزعيق , جمهور الطواقي , فريق القرون = الهلال , غشمشم = عبدالرحمن بن مساعد , .... لكن ما يكون فيها كلام قليل ادب او يكون اللفظ عن عضو معنا ,, بالعربي اي واحد بيقول كلمه ف حق عضو حتى لو كان خويه بيتوقف يومين

تم اضافة قانون رقم 10 .. ارجو الاطلاع