فعالية ضيف العزبة ( اليوم السابع والعشرون )

الاسم

ضايعه

العمر

السؤال اللي بعده

الوظيفة

التسدح على سريري 24 ساعه

الهوايه

ماعندي شي معين بس يمكن اكثر شي احبه اني اتكي عند التلفزيون

سبب اختيارك لهذا الاسم

من زين السبب عاد شي يجيب الهم
بس مره كنت استنى يوصل بحثي من زميلتي بترسله على المسن و التسليم بكره والوقت في نص الليل ولا وصل ومع الغلقه ولا عندي احد رحت اسجل بهذا الاسم<<الله من الرواق جالسه اسجل بمنتديات





أسئلة عن شهر رمضان

1- ماذا يعني لك هذا الشهر (رمضان)
احلى شهر ...


2- صف لنا حياتك اليوميه خلال هذا الشهر ( من يوم تصبح الى ان تنام )

العصر في المطبخ يعني لازم نطل عليه كل دقيقه ...اجلس مع اهلي لحد ما نفطر وبعد الصلاة نجلس نشوف التلفزيون وبعدين اصلي التراويح وبعدين انزل عاد اتقهوى مع اللي جايين عندنا من بعد 12 او 1 اصير بغرفتي

3- هل انت من متابعي البرامج التلفزيونيه او المسلسلات خلال شهر رمضان - اذكرها

اييييه يارب ان تهديني
مابعد تابعت شي الحين بس احب المسلسلات السوريه


4- ما الأكلة التي لا تفارق ما ئدتك خلال شهر رمضان ؟ وماهو مشروك المفضل ؟

الشوربه والسمبوسة ..و الفيمتو


5-موقف محرج او طريف مر عليك خلال شهر رمضان ( من يوم ولدتك امك الى الحين بشرط يكون خلال رمضان )

ما اتذكر

6- في بدايات تعويدنا على الصوم ونحن مازلنا كتاكيت صوغيرين
كلنا نتذكر صدمت الانقطاع عن الاكل والشرب لوقت معين
و لمّا الوالده تكرر على السحور : كُل زين . بكره مآفي أكل لين المغرب
كـان للبعض طرق في التحايل على هذا القرار
وله أيضا مخابئ سريه يلتهم فيها مايقع في متناول يده
أتحفنا - يالغاليـ ( هـ ) - بقائمه الملطوشات والمخابئ السريـّه لك وكيف بدأت تصوم؟

اتذكر اني صمت من نفسي فماكان لي حركات


7- ما السنه الرمضانيه المميـزه ؟ اذا كان هناك سنه رمضانيه مميز في ذاكرتك .
أخبرنا عنه في أي عام .ولماذا تعتبره مميزا .؟!

اول كان رمضان احلى يوم كنا صغار كنا نطلع بالشارع نلعب خطه


8- جربت تساعد الاهل بـ اعداد اطباق رمضان؟

ايه اكيد


9- شخصيه رمضانيه تحرص على متابعته ان كانت شخصيات مرحه او دينيه ؟

مرحه ..ناصر القصبي يعني طاش ماطاش بس الحين احس بديت امل منهم
ودينيه كنت احب اسمع على اف ام العريفي والحياة كلمه قبل اذان الفجر


10- برامج افقتدت وجودها على شاشه التلفزيون خلال شهر رمضان الكريم؟

بابا فرحان<<ولو اني ما اواطنه بس معطي جو


11- شعوورك في بدايه شهر رمضاان ؟ وشعورك عند اقتراب النهايه؟

اوله وناسه وسعة صدر
واخره.. يضييق صدري


12- شخص تدعووه لـ قضاء يوم رمضاني معك .. اختار شخص من المنتدى ومن خارجه؟!

اوختي منكرشة



13- للأعياد عند الصغار طعم خاص بهجتهم الخاصه وشقاوتهم الخاصه
العديد منـّا كان له تجاربه مع الالعاب الناريه في ليلة العيد إن لم يكن قبل !
سمـّعنا عن بلاويك مع الطراطيع والثوم وو .. " وعن استعدادك ليوم العيد وفرحك وبهجتك فيه!

الالعاب ماكنت احبها <<خوافه
بس اتذكر مره بالعيد وانا صغيييييره قمت وجمعت الحلويات حقتي وزيتها عن اخواتي عشان اذا خلصت حلوياتهم اقوم واطلعها واقهرهم بس يوم خلصت حلوياتهم وجيت اطلعهم ............................ رحت ادور العلبه الا ولقها مليانه نمل <<حقدت على النمل بقوة ذاك الوقت وخذ ضحك من اخواتي اللى يومكم وهم يضحكون على من بعد هالموقف شبوهوني بهايدي (يومنها توزي خبز وجاء الفيران وكله )انا اهون نمل <<تهون على نفسها


14- سؤال كنت تتوقع نطرحه عليك عن هالشهر وماطرحناه وجاوبه ؟

ماتوقعت شي ..


15- كلمه آخيره ؟

يعطيكم العافية كولولكم واللهم اعد هذا اشهر علينا اعوام عديده ونحن باتم الصحه والعافية


نرحب بالعضو المميزة ضايعة ... وتعبت وانا اقول لكم يا عياالي الله الله بالتنتيف

:

ضايعة

من زمان عنك

وحشتينا يالدوبه

وأنا راحمة العسكريين أقول دوامهم هلاك

وأثرك غلبتيهم 24 ساعة تداومين

اقتباس:

وبعدين انزل عاد اتقهوى مع اللي جايين عندنا من بعد 12 او 1 اصير بغرفتي

ميخالف أسيّر بيوم من الأيام عندتس بغرفتتس

اقتباس:

اتذكر اني صمت من نفسي فماكان لي حركات

ماتلاحظون إن داي الشجاع يدهر بالمنتدى

اقتباس:

اول كان رمضان احلى يوم كنا صغار كنا نطلع بالشارع نلعب خطه

رجعتيني 50 سنة .. بس حنا كنا نلعب خطة بالسطح بالطايف مب بالرياض

وبإجازة الصيف حنا وبنات الجيران ... شيييييييييييييييييي

اقتباس:

............................ رحت ادور العلبه الا ولقها مليانه نمل

من حفر حفرتن لأخيه وقع فيها

ضايعة << تنهد

لتس فقده يالدوبه وينتس ؟




:

هل انت من متابعي البرامج التلفزيونيه او المسلسلات خلال شهر رمضان - اذكرها

اييييه يارب ان تهديني


امين يارب

<<حقدت على النمل بقوة ذاك الوقت وخذ ضحك من اخواتي اللى يومكم وهم يضحكون على من بعد هالموقف شبوهوني بهايدي (يومنها توزي خبز وجاء الفيران وكله )انا اهون نمل <<تهون على نفسها


تعيشين وتاخذين غيرها


يعطيكم العافية كولولكم واللهم اعد هذا اشهر علينا اعوام عديده ونحن باتم الصحه والعافية

جزاك الله خير وعليك ان شالله.

مشكوره اختي ضايعة ونستينا باجاباتك الحلوه
تحياتي