فعالية ضيف العزبة ( اليوم الثالث عشر )

الاسئلة شخصية


الاسم

فارس

العمر

21

الوظيفة

طالب (( ولهم 5 شهور ماعطونا المكافئه ))

الهوايه

السواليف بس بدون زعل

سبب اختيارك لهذا الاسم

مدري احس اني كييذا ((( وكنت ابحط سبهه بس عشان محد يكشفني حطيت سبك تمويه )))





أسئلة عن شهر رمضان


1- ماذا يعني لك هذا الشهر (رمضان)

شهر الغفران

2- صف لنا حياتك اليوميه خلال هذا الشهر ( من يوم تصبح الى ان تنام )

اقول من النوم بعدين افتح عيوني ورفع نفسي شوي واقوم من السرير وامشي لين الحمام وافتح الحنفيه واحط يدي وامليها ماء واغسل وجهي بعدين ارجع اسكر الحنفيه وارجع للغرفه واروح اطلع المنشفه والتشيرت الاسود الجميل مع البنطلون الاسود واذهب الى الحمام مرتن اخرى واخذ شور واتحمم وافرش اسناني واطلع من الحمام والبس ملابسي وافتح باب الشارع واطلع بعدين اسكره وهمن افتح السياره واشغلها واسكر الباب حقها واحتريها لين تحتمي همن اعشق بالاول <<< مامعي سياره ترى , همن اصل الكليه واوقف بالمواقف اذا لقيت موقف ولا فوق الرصيف وانزل واروح لم المحاضرات همن اطلع الظهر وانام لين المغرب وهمن افطر وبعد الفطور احتري بعد العشى واروح لم الاستراحه اشوف وش عند الزلايب , عاد ناوين اشترك بنادي برمضان ذا , بعدين ارجع اتسحر وانا شوي

3- هل انت من متابعي البرامج التلفزيونيه او المسلسلات خلال شهر رمضان - اذكرها

والله منب حرص بالحيل يعني اذا شفت زين على زين واذا ماشفت ماحرصت ودائما ماندور المسلسلات اللي فيها لحم << حتى برمضان
اتوقع اتابع باب الحاره ها السنه وكان جا شين ثاني ماقلنا لا

4- ما الأكلة التي لا تفارق ما ئدتك خلال شهر رمضان ؟ وماهو مشروك المفضل ؟

احب اللقيمات وماعرف اكل بدون ببسي

5-موقف محرج او طريف مر عليك خلال شهر رمضان ( من يوم ولدتك امك الى الحين بشرط يكون خلال رمضان )

يوم ولادتي <<<وش دخل
تعرفون يوم اولد كنت برمضان وتعرفون الواحد اذا طلع من بطن امه مفصخ ويوم طلعت من بطنها لقت السستر تناظرني واستحيت (( وقلت بيني وبين نفسي لو حنا محنب برمضان عرفت اتفاهم معتس ))

6- في بدايات تعويدنا على الصوم ونحن مازلنا كتاكيت صوغيرين
كلنا نتذكر صدمت الانقطاع عن الاكل والشرب لوقت معين
و لمّا الوالده تكرر على السحور : كُل زين . بكره مآفي أكل لين المغرب
كـان للبعض طرق في التحايل على هذا القرار
وله أيضا مخابئ سريه يلتهم فيها مايقع في متناول يده
أتحفنا - يالغاليـ ( هـ ) - بقائمه الملطوشات والمخابئ السريـّه لك وكيف بدأت تصوم؟


فطائر جبن اما ذي يجي عليها شغل برمضان تعرفون بعد الواحد مايطلع من المدرسه نروح على السوزو ونخلي يقطينه <<واحد راسه كبير , ينزل لم البقاله 3 ببسي 3 فطائر جبن بعدين نروح مكان ورى ملاهي الحكير القديمه وابد كل بسرعه واذا خلصت كن ماصار شي , بس يوم قفطنا واحد وجاء لمنا وماتشوف الا تعشيق بالاول <<< ترى سيارتي ديزل , ويقعد يلاحقنا اخر شي قرننا نلعن خيره معنى واحد دبيب يوم وقفنا ونزلنا ويجي يسلم علينا ويقعد ينصحنا ويقول عيب وانتم كبار مايصير ومن ها الكلام بس ماتبنا جينا من بكره

والله اذكر ان امي كانت اذا قمت من النوم تسويلي فطور واقول انا لا ابصوم <<<بزران طفه , وتلعب علي تقول انها سائله شيخ تقول عادي ولدي يفطر بعدين يصوم وانه قايل عادي <<< من يومها وانا ادور ها الشيخ

7- ما السنه الرمضانيه المميـزه ؟ اذا كان هناك سنه رمضانيه مميز في ذاكرتك .
أخبرنا عنه في أي عام .ولماذا تعتبره مميزا .؟!

والله ماهنا سنه سنه مميزه بس تذكرت يوم حنا صغار برمضان عندنا بالديره كنا نسوي دورات رماضنيه كوره <<تراها 3 فرق وتخب , فريق انا وعيال خالتي (( السراب )) وكنا كل دايم نفوز وماخذين 3 دورات رمضانيه <<<ملعبنا والحكم ولد خالتنا الكبير

8- جربت تساعد الاهل بـ اعداد اطباق رمضان؟

يووووه اذا دخلت المطبخ اهلي يقولون فكنا من شرك واطلع برى تكفا <<<بثر اذا ماخرب حاس

9- شخصيه رمضانيه تحرص على متابعته ان كانت شخصيات مرحه او دينيه ؟

الشرهان <<<مدري ليه احبه برمضان احس انه يسولف وكيذا وعلوم وخرابيط

10- برامج افقتدت وجودها على شاشه التلفزيون خلال شهر رمضان الكريم؟

فوازير رمضان اللي قبل على القاناه الاولى <<<عشان ولد عمي كان يقول (( اذكر رقم الايه واسم السوره ))

11- شعوورك في بدايه شهر رمضاان ؟ وشعورك عند اقتراب النهايه؟

ان شاء الله انه راح يكون شهر خير علينا وعلى الامه الاسلاميه
وعند توديعه كان من المغفور لهم فاني سوف اكون سعيد وفي انتظاره السنه الجايه كانا من الحيين

12- شخص تدعووه لـ قضاء يوم رمضاني معك .. اختار شخص من المنتدى ومن خارجه؟!

من المنتدى (( منحاشه من بيتهم )) <<<خربها
ومن خارجه اتمنى اني افطر ببيتنا مع اهلي كل ابوهم

13- للأعياد عند الصغار طعم خاص بهجتهم الخاصه وشقاوتهم الخاصه
العديد منـّا كان له تجاربه مع الالعاب الناريه في ليلة العيد إن لم يكن قبل !
سمـّعنا عن بلاويك مع الطراطيع والثوم وو .. " وعن استعدادك ليوم العيد وفرحك وبهجتك فيه!

والله الصارحه اول كنت ماخذها تجاره ؛؛حضرمي
وكنا نتعيد بالمزرعه << مقطعه دبل السعر
والله مرتن كنت قاعد العب انا وبنت عمي يوم انا صغار << ولا لا والله ماقولها
اول يوم حنا بزوره كنا نسوي مجموعتيني وكل واحد يسوي حصن ونقعد نرجم على بعض مايذن المغرب الا كلن محترق <<سبايك
اما العيد الحين الصراحه الصراحه مهب هاك الوناسه وانك تحمس وكييذا البس ثوب وشخص رح لم العيد حق اهلك تعيد مهم بعدين دق على واحد بثر <<يعرف نفسه ,واقعد در انت وياه لين تفطسون

14- سؤال كنت تتوقع نطرحه عليك عن هالشهر وماطرحناه وجاوبه ؟

س\ متى يذن المغرب <<<اكثر سؤال يجي برمضان

15- كلمه آخيره ؟

اتمنى اني احبكم وتحبوني

نشكر الاخ المفهي سبك بيك على الاجوبة الحلوة زيي و مثل العادة يا حلوين نبي تنتفون ضيفنا الكريم

مشااااعل

<<فيه عرق شيعي

اقتباس:

يسلمووو سبك ..

الله يسلمتس دوتس دوتس mile35:

15- كلمه آخيره ؟

اتمنى اني احبكم وتحبوني


انا والله من اليوم بديت احبك
شكرا اخوي فهد على الاجوبه الحلوه
تحياتي