فعالية ضيف العزبة ( اليوم السابع )

راعي العزبة · 09-19-2007, 11:37 AM

السلااام عليكم ورحمة الله وبركااته

الضيف السابع

( ابو سعود )

بسم الله

الاسئلة شخصية

الاسم

عبدالعزيز

العمر

21

الوظيفة

عاطل حالياَ وان شاء الله موظف قريباً (( اللي يخبر لي وظيفة لاينساني ))

الهوايه

يعني مثلا اقول لك جمع الطوابع ومراسلة الجنس اللطيف ؟

تفكيك الاجهزة الكهربائية والالكترونية (( على قولة امي بس تفسد ))

سبب اختيارك لهذا الاسم

لآن اسمي عبدالعزيز

أسئلة عن شهر رمضان

1- ماذا يعني لك هذا الشهر (رمضان)

الشهر التاسع من السنة الهجرية وهو اللي نصوم فيه ويجي بعده العيد وشهر فله وله جو روحاني خاص فيه

2- صف لنا حياتك اليوميه خلال هذا الشهر ( من يوم تصبح الى ان تنام )

اليوم اول يوم مالي جدول اللهم اليوم واحد وداني لمحل صقور و مدشرني وموديني لتفحيط

3- هل انت من متابعي البرامج التلفزيونيه او المسلسلات خلال شهر رمضان - اذكرها

والله مهنا حرص بس شفت اليوم طاش وبايخه

4- ما الأكلة التي لا تفارق ما ئدتك خلال شهر رمضان ؟ وماهو مشروك المفضل ؟

الشوربة بس انا ما اكلها كل يوم
مالي اكله مفضله ولا مشروب مفضل
بس ممكن اعتبر التوت هو المشروب المفضل واهم شيء تطلع شنبات من التوت

5-موقف محرج او طريف مر عليك خلال شهر رمضان ( من يوم ولدتك امك الى الحين بشرط يكون خلال رمضان )

قبل حوالي 15 سنة كسرت تلفزيون
( وطبعا كان معي شريك بس ابي استر عليه )
كنا نبي نشيله من مجلس الرجال الى الصالة وطاح منا وانكسر
والحمد لله ما درا احد الا بعد اسبوع بعد مانسيت السالفة كلها
وجاني هواش واللي كان معي طلع منها لآنه ماكان عندنا في البيت

6- في بدايات تعويدنا على الصوم ونحن مازلنا كتاكيت صوغيرين
كلنا نتذكر صدمت الانقطاع عن الاكل والشرب لوقت معين
و لمّا الوالده تكرر على السحور : كُل زين . بكره مآفي أكل لين المغرب
كـان للبعض طرق في التحايل على هذا القرار
وله أيضا مخابئ سريه يلتهم فيها مايقع في متناول يده
أتحفنا - يالغاليـ ( هـ ) - بقائمه الملطوشات والمخابئ السريـّه لك وكيف بدأت تصوم؟

الحمد لله انا ما اذكر اني افطرت في رمضان ابداً لآني كنت اصوم بمليء ارادتي

7- ما السنه الرمضانيه المميـزه ؟ اذا كان هناك سنه رمضانيه مميز في ذاكرتك .
أخبرنا عنه في أي عام .ولماذا تعتبره مميزا .؟!

بصراحه مافيه عام محدد لكن قبل حوالي 11 سنوات
لآنه كان وناسة ندخل عند الحريم ماكان احد يقول لنا شيء
لا بصراحه لآنا كنا نتجمع فيه كل يوم الفطور عند بيت وكنا حوالي 10 بيوت ووناسة وضحك وفله ووناسة (( الله يرحم ايام زمان ))

8- جربت تساعد الاهل بـ اعداد اطباق رمضان؟

لا والله

السنة ذي ماصمت عند اهلي

9- شخصيه رمضانيه تحرص على متابعته ان كانت شخصيات مرحه او دينيه ؟

والله انا من العام واول العام

كنت اتابع

الشيخ ( محمد العريفي )

واتابع الراوي ( محمد الشرهان ) <<< يجي قبل الاذان على قناة الساحة

10- برامج افقتدت وجودها على شاشه التلفزيون خلال شهر رمضان الكريم؟

ولا شيء لاني ما احرص عليه

11- شعوورك في بدايه شهر رمضاان ؟ وشعورك عند اقتراب النهايه؟

النهاية استانس لانه يبي يجي العيد وانا احب العيد ولا استانس لآنه يبي يروح علينا هالشهر الرائع شهر الخيرات

12- شخص تدعووه لـ قضاء يوم رمضاني معك .. اختار شخص من المنتدى ومن خارجه؟!

ابي دمار وفيصل من المنتدى

من برا المنتدى ابي دورية برمضان بين الجماعة ::

13- للأعياد عند الصغار طعم خاص بهجتهم الخاصه وشقاوتهم الخاصه
العديد منـّا كان له تجاربه مع الالعاب الناريه في ليلة العيد إن لم يكن قبل !
سمـّعنا عن بلاويك مع الطراطيع والثوم وو .. " وعن استعدادك ليوم العيد وفرحك وبهجتك فيه!

بالنسبة للعيد في القصر (( مكان نتجمع فيه بالعيد )) كان انواع الفلة صورايخ وطراطيع (( طبعا قبل 8او 9سنوات ))
وكنا نسوي حرب البسوس الى ان جاء الى القصر حاكم ديكتاتوري وقام بالغاء الالعاب النارية
واطالب من منبري هذا باعادة الالعاب النارية الى القصر
لآن عندي بضاعة صورايخ وطراطيع شاريها بـ 2000 ريال وابي اصرفها

(( اللي يبي يراسلني على الخاص مع خدمة توصيل للمنازل مجاناً في الرياض و الدوادمي ))

14- سؤال كنت تتوقع نطرحه عليك عن هالشهر وماطرحناه وجاوبه ؟

متى ترجع لآهلك

الاجابة ما ادري

15- كلمه آخيره ؟

ولاشيء

واحب ابارك لآعضاء المنتدى الكرام بالشهر الفضيل وابارك لهم بالعيد من الحين

تراني ابيع صورايخ وطراطيع باسعار معقولة للطلب ارسلوا رسالة خاصة لاتنسوووني تكفووون

نشكر الاخ ابو سعود على صراحته المعهوده ولو انه خربها اخر شي يبي يبيع صواريخ وشروخ .. بس من الحين نبي نحط لك بنر بالمنتدى ولنا 10 % هاه وش قلتا خخخخخخخخ

M!sS Yaay · 09-19-2007, 01:48 PM

:

( ابو سعود )

أحلن وسحلن

اقتباس:

تفكيك الاجهزة الكهربائية والالكترونية (( على قولة امي بس تفسد ))

بنفتح لك محل بالعزبه .. شرايك ؟

اقتباس:

بس ممكن اعتبر التوت هو المشروب المفضل واهم شيء تطلع شنبات من التوت

يالبى الفنتو والله

اقتباس:

قبل حوالي 15 سنة كسرت تلفزيون
( وطبعا كان معي شريك بس ابي استر عليه )
كنا نبي نشيله من مجلس الرجال الى الصالة وطاح منا وانكسر
والحمد لله ما درا احد الا بعد اسبوع بعد مانسيت السالفة كلها
وجاني هواش واللي كان معي طلع منها لآنه ماكان عندنا في البيت

شكل محد يناظرهـ غيرك
يهاوشونك ليه دامهم فقدوهـ بعد أسبوع

اقتباس:

بصراحه مافيه عام محدد لكن قبل حوالي 11 سنوات

اقتباس:

لآنه كان وناسة ندخل عند الحريم ماكان احد يقول لنا شيء

تعال سمعّني من أحلى وحدهـ فيهم .. والله ماعلّم

أبو سعود ,
أجوبه حلوهـ / خفيفه

يعطيك ألف عافيه
والله يرجعك لأهلك على خير في أقرب وقت إن شاءالله ( :

راعي عزبتنا , تنكيوو

:

F A I S A L · 09-19-2007, 02:00 PM

اقتباس:

وهو اللي نصوم فيه

لالالا !! تصدق توني أدري ان رمضان نصومه .. شي جميل والله .. ( على قولتهم فسّر الماء بعد جهد بالماء ) << صح علي كذا؟

اقتباس:

الشوربة بس انا ما اكلها كل يوم

أول مره أدري ان الشوربه تنوكل !!

اقتباس:

واهم شيء تطلع شنبات من التوت

ذكرتني بـ دمار .. مافي أمل يكبر ويترك عوايده .. ياخي ما طلعلك شنب خلاص مب لازم .. الا يعني بتحطلك شنب صناعي لونه أحمر!؟

اقتباس:

ابي دمار وفيصل من المنتدى

شكراً عزوز :give_rose: ،، << طق الموانه

*سبك* · 09-19-2007, 02:54 PM

اقتباس:

تفكيك الاجهزة الكهربائية والالكترونية (( على قولة امي بس تفسد ))

شنب والله وشوله نروح نصلح وحنا نعرف

اقتباس:

الشهر التاسع من السنة الهجرية

اوما عاد

اقتباس:

كنا نبي نشيله من مجلس الرجال الى الصالة وطاح منا وانكسر
والحمد لله ما درا احد الا بعد اسبوع بعد مانسيت السالفة كلها
وجاني هواش واللي كان معي طلع منها لآنه ماكان عندنا في البيت

اهم شي سلامتك والا الحديد بداله حديد

اقتباس:

(( اللي يبي يراسلني على الخاص مع خدمة توصيل للمنازل مجاناً في الرياض و الدوادمي ))

احتر اتصالي

ابو سعود دوك دوك :flowers:

**نوسه** · 09-19-2007, 03:04 PM

اقتباس:

عاطل حالياَ وان شاء الله موظف قريباً (( اللي يخبر لي وظيفة لاينساني ))

وشلون موظف قريبا وتبي وظيفة

شكلنا حنا اللي بنقول لك وظفنا

اقتباس:

تفكيك الاجهزة الكهربائية والالكترونية (( على قولة امي بس تفسد ))

أحسك محوّم كبد أهلك وخاصتن أمك

تلقاهم يجيبون الشي زين وأنت تفككه على بالك مكتشف همين يخرب وهم مااستفادوا منه

اقتباس:

واهم شيء تطلع شنبات من التوت

ياحظكم وشلون يطلع لكم شنبات

أنا مايطلع لي

شكلكم من النوع اللي إذا شرب فيمتو نصف الكاس ينكب برا عشان هالشنبات

اقتباس:

( وطبعا كان معي شريك بس ابي استر عليه )

كذا الرجاجيل والا بلاش

علّمهم يا أبو سعود << خشت جو

اقتباس:

الحمد لله انا ما اذكر اني افطرت في رمضان ابداً لآني كنت اصوم بمليء ارادتي

على هالكلمة لايضيق صدرك تبي تتوظف بأسرع وقت إن شاء الله

اقتباس:

لآنه كان وناسة ندخل عند الحريم ماكان احد يقول لنا شيء

وش تبي بالحريم وجلسة الحريم تجيب المرض << الأخت رجال وحنا مادرينا

اقتباس:

لا والله

السنة ذي ماصمت عند اهلي

أجل مابعد فتحوا كرتون الفيمتو

ولا لقوا أحد ياكل الشوربة

الله يردك لهم بالسلامة ياربي

اقتباس:

ابي دمار وفيصل من المنتدى

وش زودهم حنا نبي نجي

<< قاطه

اقتباس:

تراني ابيع صورايخ وطراطيع باسعار معقولة للطلب ارسلوا رسالة خاصة لاتنسوووني تكفووون

ذكرتني باللي يكتبون صفحة عزا بالجريدة ويكتبون معها يوجد لدينا ساعات مستعملة للبيع

أبو سعود يعطيك العافية على هالمقابلة اللي توسع الصدر

من جد أول مرة أقرا مقابلة وانبسط منها

مبين على الأجوبة غير متكلفة

دوكــ

منخرشه · 09-19-2007, 08:44 PM

اقتباس:

تفكيك الاجهزة الكهربائية والالكترونية (( على قولة امي بس تفسد ))

والله ان الاسامي لها دور

كل اسم فيه عزوز فهو خراب

**قصيمي** · 09-19-2007, 11:50 PM

14- سؤال كنت تتوقع نطرحه عليك عن هالشهر وماطرحناه وجاوبه ؟

متى ترجع لآهلك

الاجابة ما ادري :

كسرت خاطري ياعزوز ترجع لهم ان شا الله بالسلامة
واعجبتني صراحتك تحياتي

صفيناز بنت انس بن سعدون · 09-20-2007, 12:05 AM

اقتباس:

1- ماذا يعني لك هذا الشهر (رمضان)

الشهر التاسع من السنة الهجرية وهو اللي نصوم فيه ويجي بعده العيد وشهر فله وله جو روحاني خاص فيه

متثقف ماشالله

اقتباس:

لا بصراحه لآنا كنا نتجمع فيه كل يوم الفطور عند بيت وكنا حوالي 10 بيوت ووناسة وضحك وفله ووناسة (( الله يرحم ايام زمان ))

امين

اقتباس:

8- جربت تساعد الاهل بـ اعداد اطباق رمضان؟

لا والله

السنة ذي ماصمت عند اهلي

حتى انا مااصوم عند اهلي اشوفهم وقت الفطور بس

**طفلة الورد** · 09-20-2007, 03:50 AM

اقتباس:

الشهر التاسع من السنة الهجرية وهو اللي نصوم فيه ويجي بعده العيد

اووه احلف..
شووكررررررررررررن على المعلوومه القيمه<< تعطيك جوووووك

اقتباس:

21

ما كذب فيصل بهذي

اقتباس:

اللي يخبر لي وظيفة لاينساني

ابدن من لك الا اني اذا تووظفت ووظفتك<< بالعيد العناابي

..........
سانكس ابووسعوود على المقاابلة الدميله مززي دميلتناا..

تفزززززززززل وودهmile35:

% مشـــــاعل % · 09-20-2007, 05:26 AM

ما قصررت يابو سعووود كفيت ووفيت ..

الي بعدووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فعالية ضيف العزبة ( اليوم السادس عشر )	راعي العزبة	\|\| الخـــــزنـــــة \|\|	22	10-21-2007 02:47 AM
فعالية ضيف العزبة ( اليوم السابع والعشرون )	راعي العزبة	\|\| الخـــــزنـــــة \|\|	3	10-10-2007 07:17 PM
فعالية ضيف العزبة ( اليوم العشرون)	راعي العزبة	\|\| الخـــــزنـــــة \|\|	10	10-03-2007 05:22 PM
فعالية ضيف العزبة ( اليوم الثالث عشر )	راعي العزبة	\|\| الخـــــزنـــــة \|\|	24	09-27-2007 06:22 AM
فعالية ضيف العزبة ( اليوم الثامن )	راعي العزبة	\|\| الخـــــزنـــــة \|\|	16	09-21-2007 01:58 PM

سعوديات
صور بنات	صور بنات	افلام	رقص بنات	يوتيوب
بلوتوث سعوديات	منتدى العزبة	مسلسلات اجنبيه	بلوتوث بنات	بلوتوث بنات
رقص بنات	رقص بنات	غلاي كام	اشهار	رقص بنات
بلوتوث سعوديات	بلوتوث سعوديات	بلوتوث سعوديات	بلوتوث سعوديات	بنات سعوديات
بنات سعوديات	بنات سعوديات	mohammed	مركز تحميل	مركز رفع ملفات كبيره

الذين يشاهدون محتوى الموضوع الآن : 1 ( الأعضاء 0 والزوار 1)

فعالية ضيف العزبة ( اليوم السابع )

|| الخـــــزنـــــة ||