السلام عليكم ورحمة الله وبركاته
في ظل عصر السرعه والوجبات السريعه ماراح اطول عليكم بموضوعي مع نه مهم!ّ
يقول تعالى"وكل شيء أحصيناه كتابا"
فمن منطلق هذه الايه الكريمه بصراحه لمااخذت لي لفه ع بعض المواضيع حز بصدري كتابات البعض منكم (الي تكون من دون هدف او تحمل الفاظ يترفع العاقل عن قولها ولا تروح وترجع ع نفس الموضوع تحاول تطلع بشي لكن للاسف الهذه الدرجه وصل الاستخفاف بعقولنا)!!
هذا غير الي يكتب موضوع يثير البلبله وفي الاخير لافائده غير الجدل وامس قريت موضوع من هالنوع,والطامه الكبرى لمايتكلم عن اشياء تتعلق بالدين فيشجع ع منكراو يزهد بمعروف
ولا يقعد يحكي ع الجنسيات واللون ويخوض في اعراض الناس!!
ولاتنسى ان هناك الكثيير ممن يمرون ع الموضوع ويتاثرون فان كان خيرا فاحمد الله وان كان غير ذلك فلا تلومن الانفسك!!
يعني الواحد يالله يتحمل ذنبه عشان يتحمل ذنب غيره!
انا هنا مااتكلم ع الاسلوب ابدا لكل منا اسلوبه الخاص لكن كلامي ع المحتوى صدقوني لو استشعر الواحد بهالنعمه بانه يقدر يوصل للمئات من البشر بسهوله ويوصل الي عنده من خير وتخيل عاد كمية الحسنات الي بتنصب عليك بعكس من كانت كتاباته عليه وبيلقاها حسره يوم
القيامه..نسال الله السلامه
وكم من كلمات اردت اصحابها الى المهالك فالنتعظ!!!
ومو عشان المنتدى "فلاوي"خلاص نكتب اي شي !
الموضوع يطول ذكره لكن حسبي من ذلك من قال:اللبيب بالاشارة يفهم"واناخليتها اشارات!!!
اعذروني ان قسوت كثيرافبقدر قسوتي كانت لكم محبتي..
ارجوكم اعيدواالنظر الى كتاباتكم ودعوااصابعكم تشهد لكم بالخير،،
سدد الله اقوالكم وافعالكم وعلى خير نلتقي..:قلب1:

جزاك الله خير .. بس ود اتناقش معك اذا ممكن :333:


يعني انتي خايفه علينا وكيذا .. لكن هل تتوقعين ان هي طريقة صحيحه للوعظ !!


الشي الثاني لما ترمين التهم جزافا .. لازم تجيبين دليل على كلامك .. يعني مثلا انا لما اتكلم عن شخص بدون ما يكون عندي دليل اعتقد انه يكون قذف :( ياليت تعطين امثله على كلامك واتهاماتك عشان نستفيد منك طال عمرك :)

جزاك الله الف خير يابعدي ،،

بس زي ماقال اخوي دمار انتي وجهتي اتهامات ولابد من الادله والبراهين ،،

واتهمتي ناس بانها تستخف بالعقول وتتكلم عن الدين يعني اتهامات خطيره فلا بد من وجود الادله فديتك ،،

ويمكن انتي تشوفين الموضوع سخيف بس غيرك يشوفه لا ،،

يمكن يكون مهم عند غيرك انتي ماتقدرين تعممين وجهه نظرك ياالغلا ،،

ويعطيك الف الف عاافيه يالغلا لاهنتي *_*

الله يعطيك العافيه ويجزاك خير

كلامك صحيح اذا اخذنا المواضيع من غير حسن نية كاتبها..
اي موضوع نستطيع ان نخرج منه مئات السلبيات
ومن الممكن ان ننظر له من منضور ايجابي لنصل الى هدف
يستفيد منه الجميع، لا احد معصوم من الخطاء، صدقيني
الكل يجتهد ولكن البعض يصيب.

اعجبني حماسك فهذا الحرص يعني لنا الكثير
بانتظار مواضيعك

تحيتي لك

الاستخفاف بعقولنا)!!

بسم الله الرحمن الرحيم

اذا على كلامك ان فيه مواضيع تستخف بـ عقولنا او عقولكم :0: مدري وشي ذا المواضيع الي تسوي كذا ..!! وليش الاداره ما انتبهت لها ..!!

الشي الثاني

الحين تنصحينى وتقولين هذي نعمه لازم نستخدمها صح .. وتقولين استخفاف بـ الدين @@ .. كل الناس ممكن تستهبل وتلعب الا في مسأله الدين واتوقع هذا الشي معروف :0: ولا !!

الشي الثالث ..

المواضيع الي تثير البلبله .. يعني لازم انزل موضوع الجميع متفق عليه او الجيع مختلفين عشااان مايثير البلبله . لكل انسان وجهه نظر الخاصه فيه ..

اذا على كذاا مالها داعي فتحت المنتدى :0:

الشي الرابع ..

يعني لازم يكون المنتدى اسلامي او بلأصح يختص في الشريعه بشكل كبير او تسمينه استخفاف ؟؟؟؟؟

(( ما ادري صراحه وشلون افسرها ))


على العموم جزاك الله خير بس تمنيت تكون النصيحه بشكل افظل :0:


ودمتم سالمين :0:

8

مع قصيمي اهنيك على حرصك و حماسك :دايخ:
و قوليلنا وش الاغلاط عشان نعدلها sm21

:و1:

كمااسلفت سابقاانني اعتذر ان قسوت لكن "رحم الله امرئااهدى الي عيوبي"
ويااخ دمار انا لم اقذف ابداوالعياذ بالله ترى الكلمه قوييه جدا يعني مو معقوله اجي اعدل واقع بنفس الخطا!
وبالنسبه للتهم ليه تسمونها تهمه مصطلحاتكم جدا"اجراميه" انا ادري ان الكاتب لا يقصد ان يستخف لكن الكتابه تقول ذلك!
قد تكونون مستصيغين لما يكتب هناوترون ان لامشكله!
لكني لااستطيع ان احدد الاشخاص اصحاب هذه الكتابات لترون بانفسكم وتقرروا وهم "قله "لاني بذلك ساجرح مشاعرهم
كل مافي الموضوع بانكم ترونه امرا عادياوهذا مالمسته ايضا من ردودكم
لكنه من جهة نظري يستحق الالتفات له والاهتمام بشانه,ولكننا غالبا مانسكت"ونمشيها"او لانشعر بحجم الخطا
كمانسكت عن كثير من الامور ونتغاضى عنها!!
وربما كماقالت اختي"فانيليا"قد يعجب غيرك ويتسلى به
انامؤمنه باختلاف الاذواق والاهتمامات
لكن مامر علي منهاجعلني اكتب مااكتب
واجعلوهاان اردتم تذكيرا قبل ان تشرعوا بالكتابه
ولكل منا اهتمامه وتوجهه لما يكتب,لكن مااجمله ان كان بهدف بعيدا عن التجريح بحيث يخرج القارئ وقدحظي بشيء من ضحك وتسليه اواتعاظ اومعلومه....الخ
اهم شي ان لايحسب ضدك
واعتذر ثانية ان كنت قاسية في طرحي للموضوع..
اشكر كل من قرا الموضوع وعقب عليه
في انتظار البقيه..
دمتم بخير

"قله "لاني بذلك ساجرح مشاعرهم

ليش تجرحين مشاعرهم @@ .. يعني هم بـ مواضيعهم ما جرحو مشاعرك .. :0:

او انهم تعدو حدودهم في الدين ..!! اصلا كان موجود قسم السمه ( المصلى ) كل شي يخص الدين فـ شالته الأداره ( مشكوره ) عشان ما يكون في تفسير او فتاوى على الكيف .. ريحوا بالنا :0:
.. على فكره تراا مهوب دائما الهدف من كتابه الموضوع هو توصيل معلومه ..

واذا بغيت اعرف معلومه انا ابيها او تخص الدين .. اروح لـ مصدرها الموثوق واجيب منه معلومتي الي انا ابي اعرفها :0:


.. دمتم سالمين :0:

اخي مستر
انالم اقل ان هناك من استخف بالدين والعياذ بالله
كلامي حول من يقر ع منكر ولا يستنكره كمن يؤيد مثلا العلاقات بين الاولاد والبنات وان كان لايقصد وانمابغرض الفكاهه والضحك,لكن من سيفهم غيره الذي سيقرا الموضوع ويجعله يفكر فيه وان كان فيه يجعله لا يترجع!
(كلامي عن الامور المسلمه بحلهاوتحريمها)فقط,لانه سيتحمل وزر من عمل بها كما قلت"اتمنى ان تكون الرؤيه قد اتضحت.
اماعن الامور التي تثير البلبله ولا طائل منهابصراحه كان موضوعا واحدا لكنه ازعجني عندما رايت كثرة الردود
ووالله بمجرد قرائتي للعنوان قلت ابصم بالعشره اذا ماطال فيه الموضوع واستفز الكثير منهم
واصبح شات, وهذا الي صار,ولا اعتقد انه كان فيه فائده"شوي واكتب العنوان تبعه"!
وانا لم اقل اجعلو كل كتاباتكم شرعيه بحته"لاادري من اين استنبطت هذه الفكره"!!الان شعرت بدور المعلم!!!!!!!!!!
ربما كان ذلك لاسلوبي في الطرح,,
واعتذر ان لم يرق لك اسلوبي في النصح ..لكن حرصي الشديد كان وراء ذلك
شكرالك"قصيمي""انثى"
وتقبلوني برحابة صدر:)

سلمت يمينك أخت ديم

لاحرمنا الله أمثالك

أنا أوافقك بكل كلمة ذكرتي


عندما رأيت منتدى العزبة خطر في بالي مباشرة ماتحتويه بيوت العزبة من أمور لاتخلو منها

أغلبها شيشه ، أغاني ، قنوات فاسدة ، ورق ، أصحاب سوء ...الخ

ولكن عندما تصفحت هذا المنتدى وجدت فيه أقلاما مبدعة منها الوعظية والفكاهية والأدبية وما إلى ذلك كما وجدت أيضا
غير ذلك من أقلام تستحق الإعدام والتي تذكرني بالنظرة السيئة لبيوت العزبة وماتحتويه

فلنكون يد بيد نغير هذا المفهوم لنرتقي بهذا المنتدى

وأنا أعلم أننا جميعا نريد التسلية والضحك والموعظة بشكل هادف

آسفة للإطالة

أقلام تستحق الإعدام والتي تذكرني بالنظرة السيئة لبيوت العزبة وماتحتويه


فلنكون يد بيد نغير هذا المفهوم لنرتقي بهذا المنتدى




مواضيع المنتدى لم تصل الى هذا المستوى، ولن يكون هذا التعبير اسلوباً لتغير المفاهيم
الحلم يا اختي وقليل من الحكمه، واختاري من العبارات الطفها...
وجادلهم بالتي هي احسن....
اسأل الله ان يهدي الجميع
تحيتي لك

انا اتفق معكم ان فيه بعض المواضيع مالها داعي بس حنا حاولا بقدر المستطاع اننا نجبر العضو انه يكتب باسلوبه او على الاقل يعلق باسلوبه الخاص .. ومنعنا سالفة المنقول والنكت والاغاني و ...


انا احب الواحد ينصحني وما عندي مشكله صدقيني وكثير ارسلوا لي ينصحون او يحاولون يبينون خطا وقعت فيه الادارة والحمد لله تجاوبنا معهم بكل اريحيه والان بعض منهم مشرفين او مميزين ..


انا اعيب عليك لما تعممين .. فانت كذا شوهتي سمعة الكثير وما وضحتي وشو الخطا اللي صار


شكرا لك لتفهمك و خوفك على اخوانك واخواتك هنا :)

أخي القصيمي




أريد أن أوضح أن القلم الذي يكون حبره لايصلح الأمة بل يزيدها هدما لا بد ان يزال

القلم الذي يكتب لمضرة البشرية وينسى منفعتهم تلك هي الأقلام التي تستحق الإعدام

أخي هي ليست في المواضيع فقط انظر لبعض عبارت التواقيع بما ذيلت كلماتها

توقيع العضو ( ورع منحرف ) وعلى مرأى الإداره

هل هذا يليق , وانا ذكرته كمثال لإنكم تريدون ذلك

يمكن البعض لايهمه ذلك ولكن هناك الكثير من أمثالي يستاء من تلك العبارات

عموما أنا كنت زائرة لهذا المنتدى قبل ان اكون عضوة

وهناك الكثير من الزوار فهل بهذه العبارات يستقبل الزوار

أخي مهما كنا أو ذهبنا لابد أن تتسم أقلامنا بهويتنا الإسلاميه ومواضيعنا وعباراتنا لايخرج عن

مايحبه الله ويرضاه ولايقتصر ذلك فقط في المنتديات الإسلاميه المتخصصه

وعلى هذا سطرت هذه الكلمات

أحب لكم الخير كما أحبه لنفسي


وأتمنى ان تدعوا لي أن يجعل الله قلمي يدعوا الى الخير بالموعظة الحسنة

بوركت اخي القصيمي شاكرة لك توجيهك وهذا ما اريده التوجيه ،،،،،

شكرا

انالم اقل ان هناك من استخف بالدين والعياذ بالله



لمايتكلم عن اشياء تتعلق بالدين فيشجع ع منكراو يزهد بمعروف


هذا كلامك .. :0:


مثلا العلاقات بين الاولاد والبنات


خليني اتكلم معك بـ صراحه اكثر :0: .. الي فهمته من كلامك ان يكون المنتدى فيه عيال وبنات .. مايصلح .. وان الولد مايصلح انه يتكلم مع بنت الا في الامور العلميه والدينيه بس ؟؟ او في غير هذا الموضوع ما يصلح انهم يجتمعون ..!! @@

اذا كان قصدك كذا انا برد عليك وبقولك ..

معروف في كل الدنيا ان المنتديات فيها الجنسين .. وكل واحد له ميوله ..
مستحيل بتلاقين البنت موجوده في الملعب .. ونادر تلاقين ولد موجود في البربسه وهكزا :0:

واذا اجتمعوا كل انسان عارف حدوده ..

الشي الثاني اذا تقصدين يكون كل منتدى مخصص لـ العيال بس @@ ومنتدى للبنات بس @@

مايصير كذا .. ومستحيل ان اي مخلوق يعيش بدون الثاني حتى لو بـ المشوره ..

وعلى فكره انا ما اشوف فيه اي خطأ من الي صاير الحين .. :0: (( الخطأ هذا الي انتي تشوفينها الحين ))

يعني لحد الحين ما ادري وين العيب فيه ..!! :0:

×

اهلاً اهلاً ..
بالبدايه نشكر لك خوفك وحرصك على مصلحة الجميع : )

شوفي يا حبيبتي . .
* قليلاً من التروي , كثيراً من الحكمه .

ما اشوف ان المنتدى زي ما ذكرتيه سابقاً , يعني يمكن يكون فيه اخطاء وهذا من باب عدم كمال الموجودات ,
اما وصفك له كذا , فيها شوي من العتب .
راح اتكلم لك عن تجربتي :
انا بديت زائره ثم عضوه ثم مشرفه . وبصراحه ما استمريت طبعاً بعد المعامله الراقيه وروح الاخوه هنا ,
الاّ أن المنتدى اجابيته تغطى على السلبيات ولله الحمد sm1
انا بصراحه يكفيني منع الاغاني , الصور الخليعه واشياء كثيره يطول الحديث فيها , فالواحد ما يضيق المنظور .
طبعاً لا يخفي عليك انه مكان عام وواسع , من الصعب ان الواحد يراقب فيه كل حرف وكلمه , فلو جبتي لنا دليل موضوع او حتى رد او شئ من اللي ذكرتيه نكون شاكرين لك . .

وبالنهايه , الله يجزاك خير , ويعطيك ربي على قد نيتك sm1

:و1:

×

اللي تقول توقيع ورع منحرف .. اتوقع الادارة صعب تلف على كل الاعضاء وتشوف التواقيع والصور الشخصيه لكن حنا قد المستطاع نغيره .. وانا شخصيا بشوف توقيع ورع منحرف واذا كان يستدعي التغيير بنكلمه عليه

باك ..


شفت التوقيع وما فيه شي .. سنجاب يهمز ظهر سنجاب @@

انا ماكنت ناوي ارد على الموضوع بس جذبني شي واحد



كلامي حول من يقر ع منكر ولا يستنكره كمن يؤيد مثلا العلاقات بين الاولاد والبنات


وشو اللي علاقات بين عيال وبنات و يؤيدها ؟ شايفتنا جرارين والا فاتحين منتتدى دعاره ؟؟

يعني مثلن حنا مانخاف ربنا وانتي بس الوحيده بالعالم اللي تخافين ربك ياشاطره ؟


مافي منتدى بناته متديّنين ومحترمات اكثر مننا و اتحداك بهذا الشي ..

الواحد اللي بيحكم على احد لازم يعاشره وقت طويل ويحكم عليه..


ومافي احد يستقعد للتميلح اكثر مني.. يعني تبيننا نتكلم باسلوبك الرسمي ومانحط فيس يضحك علشان تصدقين اننا جادين ؟؟

اما شغل اني جديده على المنتدى ماصارلي فتره و اجي اذب كلام واقذف البنات .. هذا الشغل مايمشي عندنا ..

سجلي بالمنتدى.. قرّبي من بناتنا و احتكي فيهم و اعرفي وش مضمون البنت قبل لا تحكمين عليها علشانها حطت الفيس هذا ( :d ) يعني راعية علاقات و عاهره والعياذ بالله ..!!




ياحلوين يا اعضائنا يا راعين العلاقات الفاجره ابديتو رايكم ومشكورين.. الحين خلو الموضوع علي دامني عطلت وصرت فاضي..:) << اخاف احط فيس يضحك.. تقول انت بتحتك فيني وبتسوي معي علاقه خخخخخخخخ

شفت التوقيع وما فيه شي .. سنجاب يهمز ظهر سنجاب @@


وش يعرّفك انت.. المفروض نلبـّس السناجيب عبايات خخخخ


دمار انت إعرف دامها وصلت انهم يناظرون الحيوانات فـ ............. مب لازم بسكت احسن :23:

.

.

آممم شوفي ياخت ديم !
آولا ماراح تحكمين من موضوع واحد او موضوعين على منتدى كامل
يعني انتِ آلحين كأنه معك قماش ابيض فيه بقعه صغيره سودا وتناظرينها بمجهر
يعني الانسان مو معصوم عن الخطاء
صح انا معك بكل كلمه بس لما يكون الشخص يحكم عقله قبل قلبه فهو مو مخطي
بس بعض الاحيان غصب تتبعين قلبك !
وانا اقول لك احس انه مره تماديت بموضوع وبالغت بس لاني كنت داخله المنتدى وانا منقهره من شي وشفت الموضوع وحطيت حرتي فيه وما انتبهت الا بعد يومين :59::d
جزآك الله خير على النصيحه وتراي تقبلته بصدرن رحب :و1:

.

.

يا ويلكم من الله وش قالت البنت شافت شوي اخطاء وتنبه عليها
ومو ذمبها ان اسلوبها قوي حبتين
انتم تقولون اكتبوا ولا تنقلون وبعدين تلمونها على التعبير

فيصل تري لي عضلات كانها بالقوه،
قصيمي نط باميرة الاحساس وره تقول اقلام يبيلها اعدام
وانت ما بقى شي ما قلته ولا معصوم محد ياقف لك
شف وانا اختك ديم ما كتبت الموضوع استهتار بالمنتداء
بالعكس تبي الخير للمنتداء واهله بدل ما تتشكر بديت تتنكر
انكس للكلام الي كتبت والله اني توقعتك اكبر من كذا
يالله نحتريك تتعذر بسرررررررررررررررررررررعه

وعليكم السلام ورحمة الله وبركاته

أول شي الله يجزاك خير ع النصيحة ، وإن شاء نحطها بعين الاعتبار .
ثاني شي : تواجد المحذور بالمكان مايعني إن أصحاب المكان موافقين عليه
حاطين قوانين الكل لازم يلتزم فيها ، واللي يخالف وتلاحظ مخالفته ينبّه
وإذا عاند تجرى عليه العقوبة ..
يعني مافيه أحد مخلينه على كيفه ..


( ماعلى الرسول إلا البلاغ )
الإدارة يعلمونهم ويحطون القوانين ، واللي مايبي يلتزم ذنبه على جنبه ..

باك ..


شفت التوقيع وما فيه شي .. سنجاب يهمز ظهر سنجاب @@


قل آمين الله يوسع صدرك بالعافيه \ ههههههههههههههههههههههههههههههههههههههههههههههههه ههههههههههههههههه

|||

أختي ديم جزاك الله خير على حرصك ,
وبالعكس ماشفت أحلى من هالمنتدى , وأقلامه الزينه ^^

,,

وكل منتدى لازم يكون فيه شي سلبي وصعب تلقين شي متكامل ,, وأتوقع لو أحد بيوصل للدين مستحيل يتم السكوت عليه !

موفقه .

يا ويلكم من الله وش قالت البنت شافت شوي اخطاء وتنبه عليها
ومو ذمبها ان اسلوبها قوي حبتين
انتم تقولون اكتبوا ولا تنقلون وبعدين تلمونها على التعبير

فيصل تري لي عضلات كانها بالقوه،
قصيمي نط باميرة الاحساس وره تقول اقلام يبيلها اعدام
وانت ما بقى شي ما قلته ولا معصوم محد ياقف لك
شف وانا اختك ديم ما كتبت الموضوع استهتار بالمنتداء
بالعكس تبي الخير للمنتداء واهله بدل ما تتشكر بديت تتنكر
انكس للكلام الي كتبت والله اني توقعتك اكبر من كذا
يالله نحتريك تتعذر بسرررررررررررررررررررررعه





ههههههههههههههههههههههههههههههههههههههههههههه

قصيميه واضح تأثير استقعادنا لمواضيع المنقوله بردك هذا خخخخخخخخخخخخخخخ


السالفه مب سالفة قوه يا بنتي..

السالفه انووو لازم اكون رسمي معاها علشان ما نسوي علاقه مع بعض:(


تبي الخير للمنتدى فيه اسلوب احسن من هذا الاسلوب.. وشو اللي علاقات بين عيال وبنات ؟؟ @@

قصيميه اسكتي لا تخليني اسولف معك اخاف تقول بعد لي علاقه معك ..!! :0:


هذا اتهام صريح وواضح وفاضح وقذذذف بعد .. لازم يعاقب عليه القانون:0:

ديم ممكن طريقة علشان اوصلك خارج المنتدى لأني بشتكي عليك في المحكمه ليش تقذفيننا؟ :0:


بس اعجبتني صراحه ان فيه اقلام هنا تستحق الاعدام هههههههههههههههههههههههههههههههههههههههههههههههههه ههههههههههه


حنا ماتعبنا سنتين علشان نحارب المنقول بجميع الطرق وبالأخير يجون ناس يقولون اقلام تستحق الاعدام وهناك علاقات والعياذ بالله ..! :0:

عندك دليل هاتيه.. ماعندك نقطينا بسكاتك ..


يعني واضح من الاعضاء ماشاء الله عليهم اللي يروح لمواضيع البرحه الأخيره يعرف ان الاعضاء يدرون وشو اللي يبيه المنتدى و وش اللي مايبيه ..!!

هذا انجاز كبير وتميز يحسب للمنتدى و اعضائه..

الحمدلله اننا بالمنتدى كلنا اخوان .. اذا فيه موانه هذا يدل على قربنا من بعض.. مب علاقه فاجره زي مايفهمونها بعض الناس خخخخخخ

من جد هذا اللي يجي مدرعم ومايدري وش سالفة المنتدى..

تدرين انتي وش نظامك يا ديم ؟؟

ارعصي فيذا (http://muslmh.com/vb/)

بلا عيال بلا قرف بلا علاقه فاجره !! :d


شكراً لك على النصيحه وتقبلناها بصدر رحب << ايه هين اجل تقذفنا كلنا وتقول عننا فاجرين ونتقبلها:d؟ لا والله هيهات هيهيات للي يمس شعره من اعضائناsm1



الموضوع هذا الين بتركه الين اذان المغرب وبعدين كلووووز :0:


دمار مالك داعي ياخي.. في المنتدى فيه فجوز وفسق وأقلام تستحق الاعدام وانت ساكت؟ :(

خسئـتَ يا فتى .. تباً لك :(

والله ملينا كل شي تبون تقديدونا فيه .. يعني يا ديم انتي مسلمه .. ولك دين ومذهب تمشين عليه .. تقدرين تدافعين عن رايك بالمواضيع اللي تشوفين الناس تمشي عليها

ترا المنتدى معناه : هو ساحه يجتمع فيها مجموعه من الناس للتداول حول مواضيع معينه


انا معك اللي قال توقيع ورع منحرف فيه قلت ادب لكن هذا اتوقع شي عادي .. يعبر عن وجهة نظر الشخص ..

واتوقع انا اذا قلت رايي في موضوع ديني مثلا .. هو الموضوع عندك ما يقبل النقاش .. بس انا يمكن عندي انه عادي ويقبل الاخذ والرد ..

انا اقول الاخطاء مجوده صحيح .. لكن انتي هدفك اصلاحها .. والمطلوب منك هو انك تتابعين الخطا وتردين عليه ..

ترا صعب تلقين منتدى تفصيل على كيفك لانه انتي تتكلمين عن 7 الاف عضو .. يعني 7 الاف راي وتوجه ومذهب و ديانه ممكن .. انتي تشوفين العلاقه بين الجنسين حرام .. انا اشوفها حلال .. تعالي ناقشيني .. ليه لازم الاداره تفرض علينا الراي .. وليه انا لازم الزمك برايي او انتي تلزميني برايك .. خلي في مساحه من الحريه .. ليه لازم انا اصير داشر .. وانتي تكونين تقيه طاهره .. خلي عندك الاحكام المسبقه

ياليت المجتمع يفتك من سياسة الاجبار والقمع والتقفيل و اسكات الافواه .. الى سياسة الاقناع والمحاوره والجدال والرد و المرونه


شاكر لك وجهة نظرك : ) .. اتمنى تتقبلين وجهة نظري واذا ما تقبلتيها براحتك :d

بصراحه انا اشوف ان الامه قلبت على ديم

يا جماعه لحد يزعل من كلام ديم لان هذا رأيها




في ناس اسلوبهم في النصيحه حلو وفي ناس اسلوبهم مو حلو


بس نلقى الي ينصحون هدفهم واحد وهو (يبون لنا الخير) مهما اختلفت اسلوب النصيحه


وانا اضم صوتي لصوت الاعضاء بأن اسلوب ديم كان شوي يجرح

نرجع للموضوع

لكني لااستطيع ان احدد الاشخاص اصحاب هذه الكتابات لترون بانفسكم وتقرروا وهم "قله "لاني بذلك ساجرح مشاعرهم


ديم انا عندي فكره احسن لو ترسلين لهم على الخاص يكون احسن على شان تتجنبين تجريحهم قدام الاعضاء << مجرد فكره::$



مافي منتدى بناته متديّنين ومحترمات اكثر مننا و اتحداك بهذا الشي

فيصل بهذي انا اشهد من جد بناتنا ونعم فيهم وسبعة انعام ::$




الواحد اللي بيحكم على احد لازم يعاشره وقت طويل ويحكم عليه..


فيصل والله انك حكيم دمت لنا ::$

من جد يا ديم المفروض انك تحتكين بالمنتدى اكثر على شان تعرفين ان كلامك كان بمحله ولا لا :30:


نجي الحين لردود حبيبي فيصل الي كانت كلها استهزاء بالدين اكثر من انها استهزاء بالعضوه


الاداره علمتنا اننا نعطي للموضوع و صاحب الموضوع الاحترام وعدم الاستهزاء به و عدم الاستهزاء برأيه :30:


و برضوا الاداره علمتنا بعد ان فيه فرق بين الناقش وبين الهواش :30:



الموضوع هذا الين بتركه الين اذان المغرب وبعدين كلووووز :0:

اتمنى الموضوع ما يتقفل الين نشوف رد لديم

ديم انا عندي فكره احسن لو ترسلين لهم على الخاص يكون احسن على شان تتجنبين تجريحهم قدام الاعضاء << مجرد فكره

لا ياا اخي لا ترسل ولا تزعج احد .. زي ما فيه ناس ينزلون مواضيع هدامه وتستاهل الاعدام .. هي تنزل مواضيع صالحه وهدفها نبيل وتستاهل المميز


يعني انا صراحه من الاشياء اللي تقهرني .. انا مثلا معروف اني من محبين الفنانه يارا .. واحب اسمع اغانيها .. وودي اني انزل تقرير عن البومها الاخير واحط الروابط بس سياسة المنتدى تمنع الشي ذا .. فا حترام لراي الاداره ما خالفتهم وسويت زي ديم .. وجلست نزلت موضوع اتشكى فيه

ليه ما اقول انا مظلوم ابي اسمع يارا .. واذا فيه نذب بيرجع على كاتب الموضوع .. المنتدى هو اداه زيه زي الكاس ممكن تشرب فيه مويه وممكن تشرب فيه حشيش >> لازلت اعتقد ان الحشيش ماده سائله :d

الذين يشاهدون محتوى الموضوع الآن : 7 ( الأعضاء 3 والزوار 4)
‏F A I S A L, ‏ديــــــــــم, ‏MinoOo ..}~

هذي ديم موجوده :0: .. اذا ناويه ترد بترد الحين :0:


الاداره علمتنا اننا نعطي للموضوع و صاحب الموضوع الاحترام وعدم الاستهزاء به و عدم الاستهزاء برأيه


و برضوا الاداره علمتنا بعد ان فيه فرق بين الناقش وبين الهواش


الموضوع مب هواش ياقلبي:0: .. قلته بردي قصيميه .. اني ما استخدمت الفيسات علشان ماتقول لي علاقه معها !! :0:

وبعدين ياخي اللي محترم نفسه قبل لا يحترم الناس هذا نحطه على العين والراس:h: .. اما شخص يمشي ويتكلم علينا بدون اي دليل تبينا نقوله سم طال عمرك انت كلامك صح وحنا نشجع العلاقات بين الولد والبنت!؟؟@@ :0:

معليييييش يا بنتي.. ترا كلامك هذا حتى السنجاب مايدخله مزاجه هالمسكين اللي متهمينه زوراً ههههههههههههههههههههه

تقول عننا اننا راعين علاقات ليش؟ ترا الكلام اسهل منه مافيش:0: .. بس هاتي دليل ان فيه علاقات بينهم وحنا ساكتين عنها ..!@@

ترا هذا الكلام كبييير.. يعني كل الاعضاء لهم علاقات.. الولد مع البنت والعكس.. وان كل الاعضاء يشوفون هذي العلاقات وساكتين عنها ..!!!!

ويييييييين يبووو.. وش دعوووه مافي احد صالح الا هي ..!


فيصل بهذي انا اشهد من جد بناتنا ونعم فيهم وسبعة انعام

فصولي هات بوسه::$sm1

اوووبس نسينا ان فيه ناس هنا تمشي و تتهم وهي مغمضه:0:

السلام عليكم ورحمة الله وبركاته : )

أول شي : جزاك الله خير على حرصك ,, [ إذا كان فعلاً هذه هدفك :) ]

ثانياً : مستحيل تلقين مكان بالعالم كل شي فيه perfect وكل الاشياء اللي فيه دينيه وعاقله ومافيها أخطاء ,,

أختي احنا عارفين انك تبين مصلحتنا بس !! انتي تطلبين شي مستحيل ,, :( !!

يعني لما نشوف غلط على أحد نروح وننصحه سواء بالخاص او بعد رده ع طول ,, أو بطريقه غير مباشره أحياناً ,,

بس صعب انو نجبر الناس على كل شي @@
النت صار موجود عشان الكل ياخذ راحته ,, وعاد كل مكان وقوانينه وحدوده وصلاحياته ,,

أتمنى انك بردك الجاي ,, تجيبين أدله وأشياء اثباتيه عشان نتكلم ع شي واقعي وشي نقدر نصلحه : )

شكرا لك :و1:

الساعه الحين 7 صلوا المغرب وخلصوا:0:

عطيت ديم فرصه ساعتين من بعد ماكان اسمها موجود تحت.. لو ناويه ترد كان ردت بس شكلها هونت وطلعت:0:..

الزبده شكراً ديم انك اتهمتي الاعضاء بوجود علاقات محرمه بينهم .. قصدي شكراً على نصيحتك وكلامك الحلو ..!!


هذا اذا قالولك من جد الناجح محارب.. sm1

ألف شكر اعضائنا الحلوين .. لا يهمكم كلام اشخاص عنكم .. لأن فيه ناس فاضين ويبون يقولون اي شي حتى لو كان غلط عليهم ..!


من مُـنطلق " خالف تعرف " ..!


ديم نشوفك بالمنتدى وان شاء الله ماتمشين على نظام خالف تعرف .. وتعرفين حقيقتنا كويس ان شاء الله ;)



الموضوع بخليه مفتوح للي يبي يقراه ويتفرج منب حاذفه :0:


شفتو اننا ديمقراطيين ورهيبين ..!:0:



أحبكم يا اصحاب العلاقات المحرمهsm1